Dagblaðið Vísir - DV - 26.07.2016, Blaðsíða 8

Vikublað 26.–28. júlí 20168 Fréttir
Sumargjöfin í ár!
Þráðlausu Touch heyrnartólin á Hópkaup.is.
Hægt að tengja við síma, ipad og öll bluetooth tæki.
Einnig er hægt að svara í símann með þeim.
Fæst á .is
Á
vöxtunarkrafan á skuldabréfa-
útgáfur íslensku bankanna á
erlendum fjármagnsmörk-
uðum hefur lækkað mikið á
undanförnum mánuðum en
sé horft til viðskipta á eftirmarkaði
um þessar mundir þá eru bréfin að
ganga kaupum og sölum á kjörum
sem jafngilda um 2,2% álagi á milli-
bankavexti. Þannig hefur ávöxtunar-
krafan á útistandandi skuldir bank-
anna í evrum lækkað um 50 punkta
– 0,5 prósentustig – að meðaltali
það sem af er þessu ári, samkvæmt
tölum frá Bloomberg-fréttaveit-
unni. Íslensku bankarnir ættu því að
óbreyttu að geta fjármagnað sig á al-
þjóðlegum lánamörkuðum á talsvert
hagstæðari kjörum borið saman við
síðustu skuldabréfaútgáfur þeirra.
Þessi jákvæða þróun gæti að sama
skapi verið vísbending um að erlend-
ir aðilar kynnu að vera áhugasam-
ir um að fjárfesta í hlutabréfum ís-
lenskra banka á komandi misserum
en kröfuhafar Kaupþings, sem held-
ur utan um 87% eignarhlut í Arion
banka, hafa í hyggju að selja hluta af
eign sinni í bankanum á næstunni.
Þar er meðal annars horft til þess að
kanna áhuga erlendra fjárfesta á að
kaupa einhvern hluta í bankanum.
Meiri lækkun en hjá ríkinu
Á sama tíma og erlendir fjárfest-
ar sækja í auknum mæli í skulda-
bréf á íslensku bankanna – Arion
banka, Íslandsbanka og Landsbank-
ann – þá hefur ávöxtunarkrafa á sam-
bærilegum skuldabréfum evrópskra
banka lækkað lítið sem ekkert yfir
sama tímabili. Sú þróun þarf ekki að
koma á óvart enda óttast margir fjár-
festar hvaða afleiðingar fjármögn-
unarvandi sumra evrópskra banka,
fyrst og fremst þýska bankarisans
Deutsche Bank og ítalskra banka,
kunni að hafa fyrir fjármálamarkað
álfunnar. Aðalhagfræðingur
Deutsche Bank lét nýlega hafa það
eftir sér að hann teldi að það þyrfti
um 150 milljarða evra til að rétta við
bága eiginfjárstöðu þeirra evrópsku
banka sem standa hvað höllustum
fæti.
Þá vekur það einnig eftirtekt að
ávöxtunarkrafan á erlendar skuldir
íslensku viðskiptabankanna hefur á
síðustu mánuðum fallið mun meira
en krafan á 750 milljóna evra skulda-
bréf íslenska ríkisins sem var gefið út
árið 2014 og er á gjalddaga í júlí 2020.
Erlend vaxtakjör banka hér á landi
taka mið af áhættuálagi íslenska rík-
isins hverju sinni. Þannig er ljóst að
frekari hækkun á lánshæfi ríkissjóðs,
eins og væntingar eru um, ætti að
skapa forsendur fyrir því að íslensku
bankarnir geti sótt sér erlent láns-
fjármagn á enn hagstæðari kjörum. Í
kjölfar þess að íslensk stjórnvöld til-
kynntu um áætlun sína til að leysa
320 milljarða aflandskrónuvandann
greindi matsfyrirtækið Moody's frá
því að það hefði ákveðið að það muni
á næstunni endurmeta lánshæfi Ís-
lands með frekari hækkun í huga.
Bætt aðgengi bankanna að erlendu
fjármagni á lágum vöxtum gefur
þeim í kjölfarið tækifæri til að greiða
niður lán á óhagstæðari kjörum og
þá ættu íslensk fyrirtæki sem þurfa á
erlendu lánsfé að halda að njóta góðs
af þessari þróun í formi lægri fjár-
mögnunarkostnaðar.
Greitt inn á eldri lán
Ávöxtunarkrafan á skuldabréf ís-
lensku bankanna lækkaði mjög
skarpt á fyrstu mánuðum ársins og
fór lægst niður í um 200 punkta á
millibankavexti í lok apríl, samkvæmt
tölum frá Bloomberg-fréttaveitunni.
Hækkaði krafan lítillega eftir það en
í lok síðustu viku stóð hún sem fyrr
segir í um 220 punktum og voru úti-
standandi skuldabréf allra bankanna
að ganga kaupum og sölum á eftir-
markaði á nánast sama verði. Arion
banki tilkynnti síðast þann 19. apríl
að hann hefði gefið út skuldabréf til
þriggja ára að fjárhæð 300 milljón-
ir evra, eða sem nemur um 42 millj-
örðum íslenskra króna, og voru bréfin
á þeim tíma seld á kjörum sem jafn-
gilda 2,7% álagi á millibankavexti. Var
þetta önnur útgáfa bankans í evrum
og fór stærstur hluti lánsins – um 31
milljarður króna – í að greiða inn á
skuldabréf í eigu Kaupþings sem ber
hærri vexti.
Landsbankinn og Íslandsbanki til-
kynntu síðast um útgáfu skuldabréfa í
evrum í árslok 2015 og voru þau bréf
seld til fjárfesta á kjörum sem jafngiltu
290 og 295 punkta álagi á millibanka-
vexti í evrum. Útgafa Landsbankans,
sem nam samtals 300 milljónum
evra, fór í að fyrirframgreiða inn á
skuldabréf bankans við slitabú gamla
Landsbankans (LBI) sem voru á
gjalddaga í október 2016 og 2018.
Samtals nemur höfuðstóll gjaldeyr-
isskuldar bankans við LBI í dag um
145 milljörðum króna. Eftir að Lands-
bankinn hefur greitt upp skuldabréfið
sem er á gjalddaga í október 2018 fer
vaxtaálagið stighækkandi og verður á
bilinu 3,5% til 4,05% vegna gjalddaga
á árunum 2020 til 2026. Landsbank-
inn hefur því ríka hagsmuni af því
að endurfjármagna erlendar skuldir
bankans núna þegar útlit er fyrir að
íslensku bönkunum bjóðist lánsfé á
alþjóðlegum fjármagnsmörkunum á
hagstæðari kjörum en áður. n
Aukin ásókn
erlendra fjárfesta
í skuldir íslensku
bankanna
n Ávöxtunarkrafan á skuldabréf bankanna í evrum lækkað mikið á árinu
n Fór lægst niður í 200 punkta n Krafan lækkað mun meira en hjá ríkinu
Hörður Ægisson
hordur@dv.is
Erlend skulda-
bréfaútgáfa
Ávöxtunarkrafan á
erlendar skuldir bank-
anna í evrum hefur
lækkað að meðaltali
um 50 punkta það
sem af er þessu ári.
Í
fyrsta skipti frá því að fjármála-
kreppan skall á voru fleiri á vinnu-
markaði í fyrra en árið 2008. Fyrir
þau 12.300 störf sem töpuðust á ár-
unum 2008 til 2010 hafa á móti verið
sköpuð 16.300 störf en á árinu 2015
urðu til samtals 6.000 ný störf.
Þetta kemur fram í nýrri greiningu
Arion banka á vinnumarkaðnum sem
birtist í gær en þar er jafnframt bent á
að ef þessar stærðir eru settar í sam-
hengi þá sé vert að hafa það í huga að
í maí á þessu ári voru samtals um 204
þúsund manns á íslenskum vinnu-
markaði.
Ekki þarf að koma á óvart að
bróður partur nýrra starfa er tilkom-
inn vegna ferðaþjónustunnar. Þannig
hefur störfum er tengjast rekstri gisti-
staða og veitingarekstri fjölgað um
3.200 á tímabilinu 2010–2015, störf-
um er snúa að flutningum og geymslu
hefur fjölgað um 2.300 og störfum á
ferðaskrifstofum og í tengslum við
aðra bókunarþjónustu hefur fjölgað
um 1.000. Mest fækkun starfa hefur
hins vegar átt sér stað innan fjármála-
kerfisins og landbúnaðar og fisk-
veiða. n
ritstjorn@dv.is
16.300 ný störf
skapast eftir bankahrun
Fleiri starfandi á vinnumarkaði í fyrra en árið 2008
Framkvæmdir
Bróðurpartur nýrra
starfa er vegna ferða-
þjónustunnar.
Mynd SiGtryGGur Ari