Dagblaðið Vísir - DV - 26.07.2016, Blaðsíða 6

Vikublað 26.–28. júlí 20166 Fréttir
N
ýlega var ráðið í stöðu
starfsmannastjóra Vest-
mannaeyjabæjar og vakti
ráðningin athygli enda var
eiginmaður lögreglustjóra
bæjarins, Páleyjar Borgþórsdóttur,
fyrir valinu sem nýlega gekk fram
fyrir skjöldu sem einn helsti póli-
tíski stuðningsmaður bæjarstjórans,
Elliða Vignissonar.
Í auglýsingu bæjarins vegna
starfsins eru ekki gerðar neinar
kröfur um menntun þrátt fyrir að
slíkt hafi tíðkast með önnur störf
sem bærinn hefur auglýst til um-
sóknar. Nýráðinn starfsmannastjóri
er kennaramenntaður en gengið var
framhjá umsækjanda með meistara-
gráðu í mannauðsstjórnun.
Ekki minnst á æskilega
menntun
Þann 20. júlí síðastliðinn var til-
kynnt um ráðningu í embætti starfs-
mannastjóra Vestmannaeyjabæjar.
Um er að ræða nýtt 100% starf hjá
bænum og sóttu sjö einstaklingar um
starfið, fimm konur og tveir karlar.
Sá sem hlaut starfið heitir Arnsteinn
Ingi Jóhannsson og hefur undan-
farin ár sinnt starfi forstöðumanns
Íþróttamiðstöðvar bæjarins auk þess
að vera íþróttafulltrúi Vestmanna-
eyja. Hann er eiginmaður Páleyjar
Borgþórsdóttur, lögreglustjóra Vest-
mannaeyja. Nýlega steig Páley fram
sem helsti pólitíski stuðningsmaður
Elliða Vignissonar, bæjar stjóra Vest-
mannaeyja, þegar hún var í forsvari
fyrir að senda fjölmiðlum upplýs-
ingar um að 67,5% kjósenda á Suður-
landi sögðu líklegra að þeir myndu
kjósa Sjálfstæðisflokkinn ef Elliði
leiddi listann frekar en Ragnheiður
Elín Árnadóttir, iðnaðarráðherra og
núverandi oddviti flokksins í kjör-
dæminu.
Í auglýsingu Vestmannaeyja-
bæjar vegna starfsins voru verkefni
starfsmannastjórans tíunduð. Kröf-
urnar vegna starfsins voru á þá leið
að „æskilegt væri að viðkomandi
hefði góða reynslu af stjórnun.“ Þá
var skilyrði að viðkomandi hefði
góða og lipra þjónustulund sem og
færni í mannlegum samskiptum. Að
auki var sagt æskilegt að viðkomandi
hefði þekkingu á Navision bókhalds-
og launakerfinu sem og tímaskrán-
ingarkerfinu Vinnustund. Í auglýs-
ingunni var ekki minnst einu orði á
að háskólamenntun við hæfi væri
nauðsynleg en ekki er algengt að
stjórnunarstöður séu auglýstar nú til
dags án þess að gerðar séu kröfur um
menntun.
Segja menntun æskilega
í önnur störf
Þetta verklag hjá Vestmannaeyja-
bæ tíðkast yfirleitt ekki. Í byrjun árs
var tímabundið starf verkefnastjóra
á Umhverfis- og framkvæmdasviði
bæjarins auglýst og í auglýsingunni
var sérstaklega tekið fram að æski-
legt væri að viðkomandi hefði „ lokið
námi í tæknifræði, verkfræði, vél-
fræði eða sambærilegu.“
Í fyrrasumar auglýsti bærinn
eftir forstöðumanni búsetuþjónustu
Vestmannaeyjabæjar. Efst á blaði
varðandi hæfniskröfur var að við-
komandi starfsmaður væri með „há-
skólamenntun á sviði heilbrigðis-,
mennta- eða félagsvísinda sem nýtist
í vinnu með fötluðu fólki.“ Það vekur
því nokkra undrun að Vestmanna-
eyjabær hafi ekki talið að menntun
skipti máli þegar kom að ráðningu
starfsmannastjóra bæjarins.
Alls sóttu sjö einstaklingar um
starfið, fimm konur og tveir karlar.
Úttekt DV á umsækjendunum leiddi
í ljós að einn af þeim hafði lokið
mastersgráðu í mannauðsstjórnun
auk þess að hafa reynslu sem
deildarstjóri á sviði menntamála.
Í samtali við DV vildi þessi tiltekni
umsækjandi ekki tjá sig um málið en
staðfesti þó að hún undraðist niður-
stöðuna. Hún var boðuð í stutt viðtal
vegna starfsins en fékk svo bréf þess
efnis að ráðið hefði verið í starfið.
Aðrir þættir en menntun geta
haft meira vægi
Í skriflegu svari til DV segir Rut Har-
aldsdóttir, framkvæmdastjóri stjórn-
sýslu- og framkvæmdasviðs hjá Vest-
mannaeyjabæ, að almennt sé ekki
tekið fram í auglýsingum bæjarins að
viðkomandi þurfi að hafa háskóla-
menntun. „Það á við í þessu tilfelli
og er það gert til að veita sem flestum
tækifæri til að sækja um starfið, bæði
reynslumiklum einstaklingum á
sviði stjórnunar, mannaforráða sem
og menntunar,“ segir Rut. Þá ítrekar
hún að menntun skipti að sjálfsögðu
máli og tillit sé tekið til hennar við
mat á hæfni umsækjenda. „Aðrir
þættir starfsins geta haft meira vægi
og er þar átt við þekkingu, starfs-
reynslu og færni í mannlegum sam-
skiptum,“ segir Rut.
Að hennar sögn liggja ekki fyrir
skriflegar reglur hjá bænum varð-
andi hvernig skuli staðið að mati á
umsóknum. „Sviðsstjórar hafa lagt
áherslu á að umsóknir séu metnar á
eins hlutbundinn hátt og hægt er út
frá auglýsingu um starf. Alls sóttu 7
aðilar um starfið. Fjórir þeirra voru
metnir til frekari skoðunar út frá
þekkingu, starfsreynslu og menntun.
Rætt var við alla þessa aðila og leit-
að umsagna. Eftir þá vinnu lá niður-
staðan fyrir,“ segir Rut. n
Thealoz inniheldur trehalósa sem er náttúrulegt efni
sem finnst í mörgum jurtum og dýrum sem lifa í mjög
þurru umhverfi.
Trehalósi eykur viðnám þekjufrumna
hornhimnunnar gegn þurrki.
Droparnir eru án rotvarnarefna
og má nota með linsum.
Ég fór í laseraðgerð hjá Sjónlagi í lok maí 2015. Keypti mér
Thealoz dropana eftir aðgerðina og var mjög ánægð, ákvað
samt að prufa að kaupa mér ódýrari dropa og fann rosalega
mikinn mun á gæðum. Þessir ódýrari voru bara ekki að
gera neitt fyrir mig og þurfti ég að nota mikið meira magn.
Mælti með dropunum við tengdamömmu og er hún alsæl
með Thealoz dropana.
Elín Björk Ragnarsdóttir
Þurrkur í augum?
Thealoz augndropar
Fæst í öllum helstu apótekum.
Páley og Arnsteinn Páley er einn helsti stuðningsmaður Elliða Vignissonar bæjarstjóra
en nýlega var eiginmaður hennar, Arnsteinn Ingi Jóhannsson, ráðinn starfsmannastjóri
bæjarins.
n Vestmannaeyjabær
krafðist ekki menntunar
fyrir starfsmannastjóra
og réð íþróttafulltrúa
bæjarins n Umsækjandi
undrast verklag
Vestmannaeyjabær Sveitarfélagið gerði ekki
kröfu um æskilega menntun í auglýsingu um stöðu
starfsmannastjóra bæjarins. Það hefur bærinn hins
vegar gert varðandi fyrri stjórnunarstöður.
Björn Þorfinnsson
bjornth@dv.is
Gengu framhjá umsækjanda
með mannauðsstjóragráðu