Dagblaðið Vísir - DV - 20.09.2016, Page 14

Vikublað 20.–22. september 201614 Fréttir Erlent
þora ekki til Jórdaníu
Ferðaþjónustan í mikilli niðursveiflu sem rekja má til Arabíska vorsins
F
erðaþjónusta Jórdaníu glímir
við mikla niðursveiflu og
hefur ferðamönnum þar
fækkað um 40 prósent síðan
um aldamót. Hin forna
jórdanska borg Petra, sem var sögu­
svið bandarísku stórmyndarinnar
Indiana Jones and the Last Crusade,
er ekki jafn vinsæll ferðamannastað­
ur og áður þrátt fyrir að þar hafi ný­
lega fundist merkar fornleifar. Hótel­
rekendur berjast því í bökkum og
sögufrægar byggingar eru margar
í niðurníðslu. Ástæða niður­
sveiflunnar er einföld – ferðamenn
þora ekki til Jórdaníu af ótta við
ástandið í nágrannaríkjunum sem
hafa orðið fyrir áhrifum mótmæla­
og óeirðaöldu Arabíska vorsins.
Fornleifar í steinborg
Jórdanía er eitt friðsælasta ríki Mið­
austurlanda. Um síðustu aldamót
heimsóttu um 700 þúsund erlendir
ferðamenn landið á ári hverju en nýj­
ustu tölur sýna mikla fækkun. Í ný­
legri umfjöllun CNN um ferðaþjón­
ustuna þar í landi er bent á að Petra,
sem er á heimsminjaskrá UNESCO,
og fornminjar borgarinnar hafi
hingað til verið helsta aðdráttar afl
Jórdaníu. Hún er borgin sem gleymd­
ist í þúsund ár þang­
að til Evrópu búar
fundu hana aftur árið
1812. Steinborg sem
var reist á fjórðu öld
fyrir Krist og er arf­
leifð Nabateanna,
arabísks þjóðflokks
sem bjó þar sem nú
er Jórdanía, Sýrland,
Írak og Líbanon.
Fornleifa­
fræðingar fundu
í júní síðastliðn­
um, með aðstoð
gervihnatta og
dróna, stórt mann­
virki grafið í sand­
inn sunnan við
borgina. Mannvirkið er álíka langt
og keppnis laug á Ólympíuleikunum
en tvöfalt breiðara og er talið að það
hafi verið notað til trúarathafna. Sér­
fræðingar sem hafa skoðað það telja
að mannvirkið hafi verið reist um
miðja aðra öld fyrir Krist, á hátindi
Petru. Ekki er hægt að segja með
vissu hvaða tilgangi það þjónaði
og eru fornleifafræðingar um allan
heim spenntir fyrir fundinum. Trúa
margir því að fornleifarnar geti gef­
ið fólki aðra sýn á sögu borgarinnar
og hlutverk hennar. Borgin er hvað
þekktust fyrir að hafa verið miðstöð
viðskipta áður en Nabatearnir yfir­
gáfu hana um 700 eftir Krist.
Háværir nágrannar
Þrátt fyrir þennan merkilega fund, og
aðrar ómetanlegar fornminjar Petru,
hafa þeir sem eiga lifibrauð sitt und­
ir komu ferðamanna, á borð við
Waleed Hyasat, þrítugan karlmann
sem leiðir túrista um borgina, ekki
verið jafn verkefnalausir í áraraðir.
Til marks um mikilvægi atvinnu­
greinarinnar fyrir íbúa Jórdaníu þá
skilar hún inn í ríkiskassann um
15 prósentum af vergri landsfram­
leiðslu.
„Við búum í friðsælu landi. En
því miður eru nágrannar okkar mjög
háværir,“ segir Hyasat í samtali við
CNN. Sýrland, Írak, Sádi­Arabía og
Ísrael eru nágrannaríki Jórdaníu.
Fyrsta samdráttarskeiðið í ferða­
þjónustu Jórdana hófst í byrjun
tíunda áratugar síðustu aldar eða
um það leyti sem átökin á Persaflóa
náðu hámarki og síðan kom annað
högg eftir árásirnar á Tvíbura­
turnana í New York árið 2001. Arab­
íska vorið, bylgja mótmæla og upp­
þota í Miðausturlöndum sem rekja
má til desemberloka 2010, hefur
leitt til samdráttarskeiðsins sem nú
stendur yfir.
„Áður en Arabíska vorið skall á
komu 70 prósent ferðamannanna
frá öðrum löndum en Jórdaníu
en 30 prósent voru innlend. Nú
hefur dæmið snúist við og 40 pró­
sent koma að utan en 60 prósent
eru Jórdanar,“ segir ónefndur hótel­
rekandi í samtali við CNN. n
Haraldur Guðmundsson
haraldur@dv.is „Við búum
í friðsælu
landi. en því
miður eru ná-
grannar okkar
mjög háværir.
Sögufræg Petra er forn borg að mestu höggvin inn í hamra.
Fornleifar Hið mikla musteri Petru hefur í gegn-
um árin verið vinsæll áfangastaður ferðamanna.
eldbakaðar
eðal pizzur
sími 577 3333
www.castello.is
Dalvegi 2, 201 Kópavogi / Dalshrauni 13, 220 Hafnarfirði
Hreinsun
á kjólum
1.600 kr.
Opið
Virka daga
08:30-18:00
laugardaga
11:00-13:00
Hringbraut 119 - Einnig móttaka á 3.hæð í Kringlunni
hjá Listasaum - Sími: 562 7740 - Erum á Facebook