Ægir - 01.04.2016, Blaðsíða 20

20
50 tonn á dag. Breytingin er gíf-
urlega mikil og það er spurning
hvort við eigum eftir að sjá
svona niðursveiflu aftur. Í kring-
um 1950 var togaraflotinn allur
á veiðum við Grænland vegna
aflatregðu hér en þá var búið
að vera hlýindaskeið.
Ég segi að þessi niðursveifla
eigi eftir að koma. Mér finnst
það því ekki rétt stefna sem fyr-
irtækin eru að fara í með að
smíðað þessa ísfisktogara með
lágmarks mannskap sem eiga
að rífa upp hellings afla á
tveimur til þremur dögum. Ég
held að þeir eigi eftir að brenna
sig svolítið á því. Þessir exel-
gaurar sem ég kalla svo, sem
stjórna þessu, þekkja ekki þetta
ástand sem var hér áður. Það er
málið. Undanfarin misseri hafa
menn getað sótt í þorskinn
nánast eins og þeir hafa vilja og
veitt vel. En þegar maður talar
við menn sem eru á þessum ís-
fiskveiðum fyrir húsin, eru úti í
fjóra daga og fá tvo daga til að
veiða þorsk, segja þeir að það
sé orðið erfiðara en áður.“
Hilmar segir að þorskurinn
sé víðar en áður, hann sé ekki
eins staðbundinn og áður var.
Hann þjappi sér ekki jafn mikið
saman eins og fyrr. „Maður er
að fá þorsk allt í kringum land-
ið, ekki bara til dæmis á Vest-
fjarða- eða Austfjarðamiðum.
Hann er líka kominn langt norð-
ur fyrir land á rækjuslóðina fyrir
norðan Sporðagrunn og norður
fyrir Kolbeinsey. Mér finnst
þetta vera mikil breyting frá því
ég var fyrst að byrja á togara
fyrir 1980. Þorskurinn er að
sækja í æti eins og rækju og svo
eltir hann loðnuna norðar og
norðar. Þó virðist vera nóg æti
fyrir þorskinn víðast hvar, en
eitthvað er ástandið einkenni-
legt. Það er erfitt að spá í þetta
og einhverjar smábreytingar til
viðbótar geta svo breytt heild-
armyndinni.“
Stóri fiskurinn til vandræða
Margt annað en lífríkið hefur
breyst frá þeim tíma þegar
Hilmar byrjaði á togara árið
1979. Á tímabili voru togararnir
yfir 100 en nú eru þeir líklega
um 40. Þá er engin eiginleg
netavertíð lengur, örfáir bátar
sem stunda netaveiðar og
löngu liðin sú tíð að um helm-
ingur þorskaflans væri tekin í
net á vetrarvertíð.
„Það telst orðið til stórvið-
burða ef menn láta net liggja
yfir nótt. Menn fara með netin
út á morgnana og draga þau
um hádegið, full af fiski. Maður
myndi ætla að það myndi
styrkja þorskstofninn að minna
sé tekið af honum á hrygning-
arslóðinni, að út úr því kæmi
sterkari stofn ef allt annað væri í
lagi. Undanfarin ár hefur verið
mikið af mjög stórum þorski, en
nú erum við farnir að sjá meira
af smærri fiski, en þá mjög
svæðisbundið. Það er mjög stór
fiskur víðast hvar nema fyrir
austan, en þar er farinn að sjást
smærri fiskur. Stóri fiskurinn
hefur skapað ákveðin vandræði
því sumir kaupendur vilja bara
ákveðnar stærðir, ekki stóra
fiskinn og þá höfum við orðið
að fara austur fyrir land til að
sækja smærri fisk. Staðreyndin
er sú að það hefur verið mjög
lítið um skyndilokanir vegna
smáfisks á togslóðinni, en
meira um þær hjá línubátunum
sem eru að veiða nær landi.“
Frystigámar / Sala og leiga 10 / 20 og 40 ft.
Seljum einnig og leigjum gámahús, geymslugáma og salernishús í
ýmsum stærðum og gerðum. Fjöldi sérlausna í boði, sniðnar að
þörfum hvers og eins viðskiptavinar.
Klettagörðum 5 | 104 Reykjavík | Sími 568 0100
www.stolpigamar.is
Hafðu
samband
568 0100
Karfahol, síðasta hol skipstjórans Hilmars.
„Það hefur verið mín skoðun að
það hafist ekki allt með ein-
hverjum öskrum og látum. Það
er ekki minn stíll.“