Ægir - 01.04.2016, Blaðsíða 43

43
ræðan um að gott væri að eiga
línubyssu. En það gerist ekkert!
Engin kaupir línubyssu. Þremur
árum síðar farast þessir menn
við Viðey. Slysavarnarfélag Ís-
lands er ekki stofnað fyrr en
rúmum 20 árum síðar og kaupir
þá fyrstu línubyssuna.“
Sætur er sjódauði
Illugi sagði Fjölnismenn hafa
rekið áróður fyrir sundkennslu
60-70 árum fyrr en hann ekki
náð í gegn. „Stjórnvöld beittu
sér ekki fyrir þessu og sumir
beittu sér beinlínis á móti þessu
af því að það myndi aðeins
framlengja dauðastríðið. Þá
varð til þessi furðulegi máls-
háttur „Sætur er sjódauði“ af
því að menn voru að reyna að
ímynda sér að að það væri gott
að drukkna.“
Hafnarmannvirki voru ekki beysin í Reykjavík fyrir rúmri öld. Þessi mynd, sem tekin er á árunum 1905 til 1907, er lýsandi fyrir strandlengjuna við
Hafnarstræti. (Ljósmyndasafn Reykjavíkur/Magnús Ólafsson)