Ægir - 01.04.2016, Blaðsíða 23

23
að með lengingunni hafi skipið
loksins komist í þá stærð og
mynd sem því var ætlað í upp-
hafi, þegar það var smíðað í
Noregi fyrir Hríseyinga. Sam-
kvæmt þáverandi reglum vant-
aði úreldingu á móti rúmmáli
nýja skipsins eins og það var
teiknað. Því var farið út í að
stytta það á teikniborðinu og út
úr skipasmíðastöðinni kom það
mun styttra en upphaflega var
ætlað. Aldarfjórungi seinna
náði skipið svo fullri stærð á ný.
Hilmar er ánægður með
breytingarnar. „Þetta er mikil
bót fyrir mannskapinn, vinnu-
aðstaðan er betri, skipið veltur
minna og er mun stöðugra á
sjó. Lestin stækkaði um helm-
ing þannig að við þurfum ekki
alltaf að vera að fara í land til
millilöndunar. Við vorum áður
með fullfermi um 8.500 kassa
en nú erum við að koma upp
undir 20.000 kössum í skipið.
Útgerðin verður því hagkvæm-
ari og þetta gerir það mun ein-
faldara að vera með tvær áhafn-
ir og löndunardagar eru
ákveðnir ár fram í tímann.
Þannig geta menn skipulagt sín
frí af öryggi með góðum fyrir-
vara. Það er reynt að stoppa
ekki lengur en einn og hálfan
dag í landi og stundum aðeins
einn dag, áður en skipið fer út
með nýja áhöfn.
Með þessum hætti eru
menn alltaf á launum, í raun
hálfum launum hvort sem þeir
eru í landi eða á sjó. Þá er reynt
að skipuleggja veiðiferðirnar
þannig að ekki verði miklar
sveiflur í aflaverðmætum milli
veiðiferða. Það er þá helst að
makrílvertíðin geti skipt þarna
máli. Hún stendur kannski í
einn og hálfan mánuð. Þannig
getur önnur áhöfnin lent í mán-
uð á makríl og fær þar með
lægra aflaverðmæti en hin, en
svo jafnast það út á næsta ári.
Þetta kemur vel vel út fyrir alla.“
Kostir og gallar kvótakerfisins
Hilmar hefur verið skipstjóri frá
því fyrir kvótakerfi og þekkir því
vel kosti þess og galla. Hvað
finnst honum um kerfið eftir að
hafa unnið í því frá upphafi árið
1984?
„Í raun og veru hefur það
ekki skilað því sem við sjómenn
höfðum væntingar til. Þegar
kvótakerfið kom var þetta
ákveðið magn sem hvert skip
mátti fiska og þá héldu sjó-
menn náttúrulega að menn
færu að haga sér svolítið skyn-
samlega við veiðarnar. Það hef-
ur farið á hinn veginn. Pressan
úr landi á skipstjórann virðist
vera alveg gífurleg, sérstaklega
á ísfisktogurunum. Menn eru
oft að böðlast á þessu í vitlaus-
um veðrum til að reyna að skila
þeim fiski til vinnslu í landi sem
kallað er eftir.
En að öðru leyti held ég að
kerfið hafi sannað sig sem slíkt
með betri meðferð á fiski. Það
var engin hemja eins og þetta
var fyrir kerfið, þegar menn fisk-
uðu og fiskuðu án tillits til þess
hve miklu vinnslan í landi ann-
að. Þá var miklu af fiski, eins og
til dæmis grálúðu, keyrt í gú-
anó.
Nú er þetta dýrasti fiskurinn
sem við veiðum. Kílóverð á grá-
lúðuhausum er jafn hátt og
kílóverð af þorski. Svo er farið
að hirða miklu meira en áður.
Við hirðum auðvitað alla grá-
lúðuhausa og sporða og mest
alla hausa af þorskinum sem við
fáum. Svo erum við að hirða
stóran hluta af karfahausunum
og um tíma hirtum við einnig
ufsa- og ýsuhausa. Það er
skylda að hirða 30% af þorsk-
hausum samkvæmt reglugerð,
sem byggist á rúmmáli lest-
anna. Hvað menn hirða svo um-
fram það fer mikið eftir mörk-
uðum fyrir hausana og verðinu
sem fæst fyrir þá. Markaðurinn
er mjög erfiður núna vegna lok-
unar markaðar fyrir herta hausa
í Nígeríu. Í síðasta túr vorum við
þó að frysta hausa, en þeir eiga
að fara til Spánar. Þar verða þeir
þýddir upp og seljast ferskir á
markaði. Það hefur verið þann-
ig í gegnum tíðina að lokist
einn markaður opnast annar.“
Hefst ekkert með öskrum og
látum
Hilmar er búinn að vinna með
mörgum góðum mönnum á
sjó, en kýs að nefna ekki neinn
sérstakan. Hann segist vera
Strandgötu 1 Neskaupstað Sími:4700 800 Fax:4700 801
• Veiðarfæraþjónusta
• Gúmmíbátaþjónusta
• Fiskeldisþjónusta
Stöðug þróun veiðarfæra í samvinnu
við sjómenn og útgerðir.
Fjarðanet er aðili að Hampidjan Group
Neskaupstaður / Fjáskrúðsfjörður / Akureyri / Ísafjörður
www.fjardanet.is fjardanet@fjardanet.is
Víðtæk þekking og reynsla
í uppsetningu og gerð veiðarfæra

Alhliða veiðarfæraþjónusta í höndum fagmanna