Morgunblaðið - 09.01.2017, Qupperneq 15

FRÉTTIR 15Erlent
MORGUNBLAÐIÐ MÁNUDAGUR 9. JANÚAR 2017
Vilhjálmur A. Kjartansson
vilhjalmur@mbl.is
Fjórir eru látnir og minnst 15 eru
særðir, þar af einn lífshættulega,
eftir að ökumaður flutningabíls ók
bíl sínum í gegnum mannþröng í
Jerúsalem í gær. Roni Alsheich,
lögreglustjóri ísraelsku lögregl-
unnar, segir að um hryðjuverka-
árás hafi verið að ræða en öku-
maður flutningabifreiðarinnar hafi
látið til skara skríða þegar ísr-
aelskir hermenn gengu út úr rútu
við götuna Armon HaNatziv sem
er vinsæl göngugata nálægt gamla
borgarhluta Jerúsalem.
Haft er eftir ökumanni rútunn-
ar, sem hermennirnir komu út úr,
á BBC að ökumaður flutningabíls-
ins hafi keyrt á fullri ferð á hóp
hermanna og síðan bakkað yfir
fórnarlömb sín. Aðrir hermenn á
svæðinu skutu bílstjóra flutninga-
bílsins til bana, að sögn lögreglu og
fólks sem varð vitni að atburð-
inum.
Abdul-Latif Qanou, talsmaður
Hamas-samtakanna, sem Evrópu-
dómstóllinn segir að ekki megi
skilgreina sem hryðjuverkasam-
tök, segir að þau fagni árásinni.
Kallaði hann árásina hetjudáð og
hvetur aðra Palestínumenn til
frekari mótspyrnu gegn Ísrael.
Frá því um miðjan október hafa
35 Ísraelar verið drepnir í hnífa-
og skotárásum. Þá hafa 200 Pal-
estínumenn látið lífið í átökum við
ísraleska hermenn og lögreglu.
Fréttaritari BBC í Jerúsalem
segir að árásum hafa fækkað
undanfarið en árásin í gær geti
leitt til frekari átaka.
Ók á og bakkaði yfir fórnarlömb sín
AFP
Ofbeldi Flutningabifreið var ekið á hóp fólks við göngugötu í Jerúsalem.
 Hryðjuverkaárás í Jerúsalem  Hamas-samtökin fagna árásinni og hvetja til frekari andstöðu gegn
Ísrael  Þrjár konur og einn karlmaður létu lífið í árásinni  Að minnsta kosti fimmtán manns særðust
Töluverður snjór hefur fallið í borginni Sam-
michele di Bar, sem er ekki í frásögur færandi
nema fyrir þær sakir að borgin er mjög sunnar-
lega á Ítalíu. Nokkurn veginn þar sem hællinn
byrjar, ef litið er til þess að Ítalía er nokkurn
veginn í laginu eins og stígvél.
Kaldar lægðir ganga nú yfir Evrópu og hafa
23 látið lífið víða í álfunni vegna kuldans, m.a. í
Póllandi, Ítalíu, Búlgaríu og Rússlandi.
AFP
Snjór fellur í suðurhluta Evrópu
Netárásum hefur
farið ört fjölg-
andi í Frakklandi
síðastliðin þrjú
ár og stafar inn-
viðum samfélags-
ins alvarleg ógn
af slíkum árás-
um, að sögn
varnarmála-
ráðherra lands-
ins. Frakkar
segjast hafa orðið fyrir barðinu á
tölvuþrjótum í 24.000 netárásum á
síðasta ári.
Varnarmálaráðherra Frakk-
lands, Jean-Yves Le Drian, segir
fjölda slíkra árása tvöfaldast á
hverju ári og að forsetakosning-
unum, sem fram fara þar í landi á
þessu ári, gæti stafað hætta af slík-
um árásum.
Netárásum
fjölgar í
Frakklandi
 Óttast netárásir í
kosningabaráttunni
Jean-Yves Le
Drian
Sjúkraflutningamaðurinn Ya-
kov Kaminetzk segir aðkom-
una hafa verið hryllilega.
„Þegar ég kom á vettvang
sá ég nokkra vegfarendur sem
höfðu verið keyrðir niður af
stórum vöruflutningabíl ná-
lægt Armon Hanatziv-
göngugötunni. Einhverjir veg-
farendanna voru meðvitundar-
lausir og fastir undir bílnum,“
segir hann.
Ljót aðkoma
SJÚKRAFLUTNINGAR
Stjórnvöld í Kostaríku hafa lýst yf-
ir neyðarástandi í landinu, en
öskugos frá eldfjalli í landinu hefur
valdið frestunum á millilanda-
flugferðum og ógnar öryggi íbúa
höfuðborgarinnar.
„Síðustu daga hefur eldfjallið
Turrialba gosið ítrekað, með stöð-
ugu öskufalli,“ segir í yfirlýsingu
frá almannavörnum landsins.
Neyðarástandið gildir um höfuð-
borgina San Jose og aðrar borgir í
nágrenninu. San Jose er um 36
kílómetra frá eldfjallinu, sem er í
3.432 metra hæð yfir sjávarmáli.
Aska frá eldfjallinu hefur þannig
fokið með vindi til borgarinnar og
annarra bæja, meðal annars Her-
edia, Cartago og Alajuela, þar sem
helsti alþjóðaflugvöllur landsins
er.
Fólk sem er úti við er beðið um
að vera með sérstök hlífðargler-
augu og í fatnaði sem ver húð og
öndunarfæri.
Jarðfræðistofnun Kostaríku seg-
ir skjálftavirkni undir eldfjallinu
vera sífellt að aukast.
AFP
Eldfjall Aska frá eldfjallinu Turrialba fellur á nærliggjandi byggð.
Lýst yfir neyðar-
ástandi í Kostaríku
 Stöðugt öskufall frá Turrialba