Dagblaðið Vísir - DV - 14.02.2017, Blaðsíða 2
Vikublað 14.–16. febrúar 20172 Fréttir
Traust fasteignaviðskipti
og persónuleg þjónusta
- þinn lykill að nýju heimili
414 6600 | nyttheimili.is
FRÍTT
SÖLUMAT
Reynir Eringsson
820 2145
Skúli Sigurðarsson
898 7209
Guðjón Guðmundsson
899 2694
Fasteignasala
Leigumiðlun
Hafa áhyggjur
af þróuninni
Rúmlega sex af hverjum tíu
ökumönnum segjast aka hraðar
en 90 kílómetra á klukkustund
á svæðum þar sem leyfður há-
markshraði er 90 kílómetrar. Svo
virðist vera sem ábyrgð ökumanna
og virðing fyrir leyfðum hámarks-
hraða aukist með aldrinum.
Þetta er meðal þess sem
kemur fram í niðurstöðum
viðhorfskönnunar sem Gallup
framkvæmdi fyrir Samgöngustofu
í lok síðasta árs. Í könnuninni var
gerð athugun á viðhorfi og hegð-
un vegfarenda til ýmissa þátta er
varða umferðaröryggi.
Samgöngustofa og áður Um-
ferðarstofa hafa látið gera slíkar
kannanir árlega frá árinu 2005
en í nýjustu könnuninni koma
fram niðurstöður sem benda til
þess að ökumenn ástundi meiri
hraðakstur en áður, að því er segir
í tilkynningu frá Samgöngustofu.
Sérstakar áhyggjur vekur að
aukning í hraða virðist eiga sér
stað á svæðum þar sem leyfður
hámarkshraði er 90 kílómetrar.
Meðalhraði þátttakenda er 95,9
kílómetrar á klukkustund, en
árið 2014 sögðust 54 prósent aka
hraðar en 90. Þetta hlutfall er nú
62 prósent. Árið 2014 sögðust
þrjú prósent aka á 101 kílómetra
hraða eða meira, en í fyrra var
það hlutfall komið upp í sjö pró-
sent sem er það hæsta sem mælst
hefur. Hlutfall þeirra sem fara að
lögum og halda sig við 90 kíló-
metra á klukkustund eða minna
fer úr 46 prósentum árið 2014
niður í 37 prósent í fyrra.
Þá veldur það áhyggjum að 77
prósent þeirra ökumanna sem
hafa minnstu reynsluna, aldurs-
hópurinn 18–24 ára, segjast aka
hraðar en 90 þar sem það er
leyfður hámarkshraði. 25 prósent
einstaklinga í þessum aldurs-
hópi segjast aka hraðar en 101
kílómetra á klukkustund og er
það áberandi hæsta gildið borið
saman við aðra aldurshópa.
Þ
rjár ungar konur á aldrin-
um 19 til 24 ára, Inga Björk
Bjarnadóttir, Ingi gerður
Bjarndís Ágústsdóttir og
María Hjarðar fengu styrk
að upphæð 300 þúsund króna frá
Reykjavíkurborg þann 24. janúar
en þær vilja vitundarvakningu á
öllu sem sem viðkemur píkunni.
Verkefni þeirra heitir Völvan, vit-
undarvakning um málefni píkunn-
ar. Þeim finnst vanta opinskáa um-
ræðu um píkuna og telja að fræðsla
í skólum sé takmörkuð. Verkefnið
snýr líka að líkamsvirðingu, kyn-
ferðisofbeldi, getnaðarvörnum,
kynlífi, sjálfsfróun og barneignum.
Umsækjendurnir
Þær Inga Björk og María Hjarðar
hafa verið áberandi fyrir sín bar-
áttumál en Ingigerður var for-
maður Keðjunnar, nemendafé-
lags Kvennaskólans í Reykjavík.
Inga Björk Bjarnadóttir hefur vak-
ið athygli fyrir réttindabaráttu fatl-
aðra. Hennar helsta baráttumál
hefur verið að benda á það ofbeldi
sem fatlaðar konur verða fyrir. Inga
Björk hefur einnig talað um reynslu
sína sem fötluð kona í hjólastól og
hvernig komið er fram við hana
þegar hún fer út á skemmtanalífið:
„Ef ég segi nei þá hef ég verið
kölluð tussa, ég hef verið kölluð tík
og mér hefur verið hótað nauðgun
fyrir að segja nei,“ sagði Inga Björk í
samtali við Ísland í dag fyrir ári.
María Hjarðar steig fram í við-
tali við Vísi en hún var þá nemi í
menntaskólanum á Egilsstöðum
og formaður femínistafélags skól-
ans. Þá hefur María verið á lista fyrir
Vinstri græn. Sagði María við Vísi að
hún hefði gengið í gegnum erfiða
tíma sjálfshaturs.
„Mér finnst alls ekki nógu mikið
um það að konur kunni að meta lík-
ama sína og finnist þær sjálfar flott-
ar og æðislegar. Glansmyndir af
líkömum og andlitum kvenna gefa
upp ranga mynd af raunveruleikan-
um sem mér finnst sorglegt.“
Sagði María að það hefði hjálpað
henni að mynda sig fáklædda.
„Það er kominn tími til þess að
við, í samfélagi sem að segir okkur
að hata okkur sjálf, mótmælum og
elskum okkur. Það er stór partur af
því að læra að elska sjálfan sig að
stíga út fyrir þægindarammann.
Það að taka af sér myndir reglulega
gæti verið partur af því.“
Í umsókninni segja konurnar:
„Nafn átaksins er tilkomið vegna
vangaveltna okkar um enska orðið
„vagina“, sem þýðir leggöng, en hið
rétt orð yfir píku er „vulva“. Þetta
er lýsandi fyrir ríkjandi viðhorf til
píkunnar; að hún sé smættuð niður
í leggöng sem móttak fyrir getn-
aðarlim og sem fæðingarveg. Eitt
helsta markmið okkar er að breyta
þessu viðhorfi svo við sem samfé-
lag gerum okkur grein fyrir því að
píkan, völvan, er svo miklu meira
en bara leggöng. Völva, sem hefur
sama hljóm og enska orðið vulva,
er svo eitt fallegasta orð íslenskrar
tungu að okkar mati, auk þess að
vera valdeflandi.“
Í tengslum við átakið verður sett
á fót Facebook-síða með mynd-
böndum, greinum og viðtölum um
málefni píkunnar. Nú þegar hefur
fjöldi þekktra Íslendinga ákveðið
að koma að vitundarvakningu um
málefni píkunnar.
„Viðmælendur okkar allir eiga
það sameiginlegt að vilja breyta
viðhorfi fólks til píkunnar og trúa því
að með fræðslu og vitundarvakn-
ingu vinnist baráttan um jafnrétti.“
Í þessum hópi eru m.a. Óttarr
Proppé, Ólafur Stefánsson, Hrefna
Sætran, Sigríður Ingibjörg Inga-
dóttir, Ólafur Darri Ólafsson, Hildur
Lilliendahl og Edda Björgvinsdóttir.
Ávinningur
Konurnar sóttu um 500 þúsund
króna styrk en fengu eins og áður
segir 300 þúsund en áætlaður
kostnaður við verkefnið í heild er
2,5 milljónir.
Fimmtudaginn 9. mars mun
fyrsta myndbandið líta dagsins ljós
og 10. mars verður haldin veisla í
tengslum við fyrsta myndskeiðið
þar sem almennir borgarar og þjóð-
þekktir einstaklingar tala um það
sem þeim er hugleikið í tengslum við
píkuna eins og það er orðað í um-
sókninni. Þá munu greinar og blogg
um píkuna birtast reglulega á sam-
skiptamiðlum. Í umsókninni segir:
Væntanlegur ávinningur vit-
undarvakningarinnar er að sam-
félagið verði víðsýnna og ham-
ingjusamara eftir að hafa kynnst
píkunni betur, þar sem hún er nú
uppspretta kynferðislegrar ánægju
helmings þjóðarinnar. Einnig er
væntanlegur ávinningur sá að fólk
komist nær því að kyn aftri sér ekki,
hvort sem er fjárhagslega, félags-
lega eða persónulega. Þá er von
okkar að átakið verði þáttur í barátt-
unni gegn kynbundnu ofbeldi, sem
er helsta dánarorsök kvenna á aldr-
inum 16–44 ára í Evrópu og heimin-
um öllum. n
Völvan fær 300
þúsund fyrir píkuna
n Vitundarvakning um málefni píkunnar n Vilja breyta viðhorfi fólks
Átak Margir þekktir Íslendingar leggja átakinu lið. Má þar nefna Óttarr Proppé, Hildi
Lilliendahl, Eddu Björgvinsdóttur, Ólaf Stefánsson, Sigríði Ingibjörgu og Ólaf Darra.
María Hjarðar „Mér finnst alls ekki
nógu mikið um það að konur kunni
að meta líkama sína og finnist þær
sjálfar flottar og æðislegar.“
Inga Björk Bjarnadóttir Inga
Björk Bjarnadóttir hefur vakið athygli
fyrir réttindabaráttu fatlaðra.
Kristjón Kormákur Guðjónsson
kristjon@dv.is „Völva, sem hefur
sama hljóm og
enska orðið vulva, er svo
eitt fallegasta orð ís-
lenskrar tungu að okkar
mati, auk þess að vera
valdeflandi.