Dagblaðið Vísir - DV - 24.02.2017, Qupperneq 22

Helgarblað 24.–27. febrúar 2017
Heimilisfang
Kringlan 4-12
4. hæð
103 Reykjavík
fréttaskot
512 70 70fr jál s t, ó Háð dag b l að DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7000
512 7050
aðalnúmer
ritstjórn
áskriftarsími
auglýsingar
sandkorn
22 Umræða
Útgáfufélag: DV ehf. • Stjórnarformaður og útgefandi: Björn Ingi Hrafnsson
Ritstjórar: Kolbrún Bergþórsdóttir og Kristjón Kormákur Guðjónsson • Fréttastjórar: Baldur Guðmundsson og Einar Þór Sigurðsson
Framkvæmdastjóri : Steinn Kári Ragnarsson • Umbrot: DV ehf. • Prentun: Landsprent • Dreifing: Árvakur
Eðlilegt að fólk fái
ónota tilfinningu
Guðjón Arngrímsson hjá Icelandair um erfiða lendingu í Manchester. – visir.is
N
ú er svo komið að ef sést glitta
einhvers staðar í auðan reit
á höfuðborgarsvæðinu þá
fá peningamenn glampa í
augun og fyllast gríðarlegri þrá til að
reisa þar hótel eða gistiheimili. Of
fáir virðast hafa áhuga á að stöðva
þá. Niðurstaðan er sú að miðborgin
hefur smám saman verið að breytast
í eitt stórt hótelsvæði með tilheyr­
andi lundabúðum sem selja svo að
segja allar sama varninginn. Í blaði
dagsins sýnir DV með myndrænum
hætti hótelin á höfuð­
borgarsvæðinu, sér­
staklega í og við mið­
borgina. Sú mynd
sýnir að hér hefur
geisað hótelæði – sem
virðist síst í rénun.
Svo sannarlega eru
enn í borginni falleg
svæði og gömul upp­
gerð hús sem gleðja
augað. Um leið vaxa
áhyggjur af því að far­
ið verði að hrófla við
þessum stöðum. Hin
gráðugu augu pen­
ingamannanna láta
fátt í friði, ef hægt er
rífa gamalt hús til að
troða þar forljótu há­
hýsi þá er það gert. Ef
fallegt tré er of fyrir­
ferðarmikið er það
fellt til að koma fyrir
enn einu hótelinu.
Í Reykjavík eru
hótel og gistiheimili
svo að segja á hverju
horni. Ár hvert
verður ekki betur séð
en að nú sé komið
nóg og upp rís kraf­
an „Ekki meir! Ekki
meir!“, með litlum
árangri því stöðugt
berast fréttir af enn frekari fram­
kvæmdum. Engin heildarstefna virð­
ist vera til. Meðan menn vilja byggja
hótel þá fá þeir það. Reykjavík er að
verða einsleit borg. Ekki er mikill
sjarmi yfir því.
Kannanir sýna að þeir erlendu
ferðamenn sem hingað koma eru
langflestir ánægðir með dvöl sína og
vilja gjarnan koma aftur. Þetta getur
hins vegar breyst mjög skyndilega.
Ferðamaður sem kemur til nýs lands
má ekki upplifa landið sem túrista­
gildru, stað þar sem reynt er að
plokka sem mesta peninga af hon­
um. Hér á landi er þessi hætta fyrir
hendi. Það er dýrt að dvelja á Íslandi
og ferðamenn hljóta að spyrja sig
hvort það sé þess virði. Einn daginn
kann ferðamannastraumnum að
linna og eftir standa auð hótel­
herbergi og lundabúðir með
varning sem selst sáralítið. Vonandi
á Reykjavík ekki eftir að minna á
Ólympíuleikaborg, að loknum leik­
um, með mannvirki sem engum til­
gangi þjóna lengur. n
Einsleit hótelborg
Gegn áfengisfrumvarpi
Páll Magnússon, oddviti Sjálf­
stæðisflokksins í Suðurkjördæmi,
steig í ræðustól Alþingis síðast­
liðinn fimmtudag og flutti jóm­
frúrræðu sína en hennar hafði
verið beðið með nokkurri eftir­
væntingu. Páll sá sig knúinn til
að koma í pontu til að lýsa yfir
andstöðu sinni við frumvarp um
að sala á áfengi verði gefin frjáls.
Það vekur nokkra athygli að for­
ingi Sjálfstæðismanna á Suður­
landi skuli vera andsnúinn frum­
varpi sem fyrirfram má gera ráð
fyrir að mæti hvað mestri velvild
innan Sjálfstæðisflokksins. Það
vill reyndar svo til að einn flutn­
ingsmanna frumvarpsins er
einmitt einn af þingmönnum
Sjálfstæðismanna á Suðurlandi,
Vilhjálmur Árnason.
Erfitt nafn
Jón Þór Ólafsson, þingmaður
Pírata, gat ómögulega munað
nafn Kolbeins Óttarssonar Proppé,
þingmanns Vinstri grænna,
þegar hann var í ræðustól Al­
þingis og kallaði hann ýmist
Óttarr, Proppéson eða Kolbein
Óttarr Proppé. Kolbeinn tók
þetta ekki óstinnt upp og kall­
aði til Jóns Þórs að hann mætti
kalla sig herra Proppé. Örugglega
skemmtilegasta stund dagsins á
þeim þingdegi.
Föstudaga
á ÍNN
„Miðborgin hefur
smám saman ver-
ið að breytast í eitt stórt
hótelsvæði með tilheyr-
andi lundabúðum.
Leiðari
Kolbrún Bergþórsdóttir
kolbrun@dv.is
Mynd SiGtryGGur Ari
Myndin Myndataka Fuglarnir við Reykjavíkurtjörn gera engar athugasemdir þegar þeir eru beðnir um að sitja fyrir á myndum. Mynd SiGtryGGur Ari
Nú man ég aldrei nafnið
hans, eh, Proppé son
Jón Þór Ólafsson mundi ekki nafnið á Kolbeini Óttarssyni Proppé. – Alþingi
Ég hef tekið
ákvörðun
Ráðherrann Þórdís Kolbrún hefur stofnað skrifstofu ferðamála. – Alþingi