Dagblaðið Vísir - DV - 24.02.2017, Side 33

Helgarblað 24.–27. febrúar 2017 Fólk Viðtal 25
Kannski stjórnar maður ósköp litlu
ára, nú fer fólk ekki að heiman fyrr
en 30–35 ára,“ segir hann. „Það
er rosalegt að fólk sem vinnur hjá
manni þurfi að vera í skollaleik
til að komast í gegnum greiðslu-
mat. Það er sagt við það: Geturðu
ekki átt tvær milljónir á banka-
bók í tvo sólarhringa? Ég vildi að-
stoða mann sem var í vandræðum
með að kaupa íbúð. Ég sagði hon-
um að við skyldum setja íbúðina á
mitt nafn en ég komst ekki í gegn-
um greiðslumat upp á 17 milljónir
fyrr en í þriðja sinn.
Ég á lóð hér á Völlunum og lang-
aði til að byggja þar 20 litlar íbúð-
ir, um 50 fermetra, fyrir unga fólkið
sem er í vinnu hjá mér. Ég hugs-
aði þetta þannig að unga fólk-
ið fengi 100 prósent lán. Auðvitað
þarf að borga af því en þegar mað-
ur er ungur hefur maður mikla
orku, spýtir í lófana og getur tekið
á sig aukavinnu. Ef það er útskýrt
fyrir ungu fólki sem er að kaupa
sína fyrstu íbúð að það þurfi að
vinna nokkra tíma í næturvinnu
til að borga lán þá er þetta ekkert
mál. En þessir ágætu menn sem
stjórna þessu vildu það ekki. Þeir
sem áttu hús þarna fyrir fengu að
breyta iðnaðar- og verslunarhús-
næði í hótelíbúðir. „Geturðu ekki
látið þetta heita hótelíbúðir?“ var
sagt við mig. En ég vildi ekki taka
þátt í einhverjum skrípaleik. Ég fæ
ekki að byggja þessar íbúðir eins og
er en það koma aftur kosningar í
bæjar félaginu. Ég á leik þá.
Mér finnst forkastanlegt að
þegar ungt fólk kemur í bankann í
dag þá er það ekki spurt hvað sé að.
Ef spurt væri að því myndi bank-
inn komast að því að það er í raun-
inni ekkert að, viðkomandi þarf
bara tveggja milljóna króna lán í
tvö til fimm ár. Bankar eiga að vera
í þannig bisness í stað þess að snúa
öllu á hvolf og taka af fólki í staðinn
fyrir að leysa málin.
Bankarnir eru ekki að hjálpa
ungu fólki og þess vegna segi ég
enn og aftur, það eru lífeyrissjóð-
irnir með alla þessa peninga sem
eiga að hjálpa því. Ég vil að lífeyris-
sjóðirnir láni ungu fólki skyndilán.
Ef ég ræki lífeyrissjóð myndi ég
segja við fólk: „Ef þið borgið til mín
þá skal ég hugsa um ykkur.“ En þeir
sem reka lífeyrissjóðina þegja allir.“
Ertu flokkspólitískur?
„Nei, en kannski hefði ég átt að
vera það. Þá hefði ég kannski komið
einhverjum málum á framfæri
þannig að pólitíkusarnir hefðu tekið
mark á þeim.“
Klessuverk Kjarvals
Helgi er mikill baráttumaður, eins
og hann hefur sýnt og sannað, en
hvaðan kemur hann? Aðspurður
segist hann hafa alist upp í Kamp
Knox, braggahverfinu. „Pabbi var
til skiptis á sjó og í landi. Á þessum
tíma var slegist um að fá að vera
smiður eða múrari en þótt pabbi
væri sérstaklega laghentur maður
komst hann ekki á samning. Hann
vann um tíma í Völundi og þang-
að kom mikill listamaður sem hét
Kjarval og bað hann að gera lista í
kringum málverk. Listamaðurinn
kunni það vel að meta vinnu pabba
að hann kom einu sinni í heimsókn
í braggana og gaf pabba málverk af
hrauni. Kona í minni fjölskyldu, sem
hafði vit á listum, var heilluð af þessu
málverki. Ég var bara tíu ára og
Trúin „Ég trúi á það
góða hinum megin.“
Myndir Heiða HelgadóTTir
Fyrirtækið „Á næsta ári eru 50 ár síðan
þetta fyrirtæki var skrásett og það hefur
alltaf haft sömu kennitölu.“„Lífeyris-
sjóðirnir vita
ekkert hvað þeir
eiga að gera við
peningana, þeir
eiga svo mikið af
þeim. En ef eldri
borgarar vilja fá
eitthvað af sínum
eigin peningum
til baka þá blæðir
þeim hjá lífeyris-
sjóðunum alveg
óskaplega.