Dagblaðið Vísir - DV - 28.04.2017, Blaðsíða 16

16 Helgarblað 28. apríl 2017fréttir - erlent
eldofninn.is
Eldofninn, pizzeria • Bústaðavegi • sími 533 1313 • eldofninn.is
Kaffit
ími
- ekta Íta
lskt
Eldofninn flytur in
n eðal kaffi frá Ítal
íu
Nýtir sér NeyðiNa og
selur líffæri úr fólki
n svartamarkaðsbrask með líffæri eykst n skjótfenginn gróði fyrir flóttamenn í fjötrum fátæktar
e
itt Ég nýti mér neyð fólks en
á sama tíma hagnast það
einnig,“ segir Abu Jaafar,
ungur karlmaður sem bú-
settur er í Beirút, höfuðborg
Líbanons. Abu þessi hefur lifibrauð
sitt af því að sýsla með líffæri á svört-
um markaði og nýtir hann sér neyð
fólks, einkum og sér í lagi flótta-
manna.
Síðan borgarastyrjöldin braust
út í Sýrlandi hafa hundruð þúsunda
Sýrlendingar flúið yfir landamærin
til Líbanons. Breska ríkisútvarpið,
BBC, ræddi við Abu fyrir skemmstu.
Tekið er fram í umfjölluninni að Abu
sé ekki hans rétta nafn og þá vildi
Abu ekki þekkjast á mynd. Ástæðan
er einföld: Svartamarkaðsbrask með
líffæri er lögbrot og Abu væri í vond-
um málum ef upp um hann kæmist.
Ólöglegt, en hjálpar fólki
„Ég veit að það sem ég geri er ólög-
legt en ég er að hjálpa fólki. Ég lít
þannig á það,“ segir Abu en hann
starfaði sem öryggisvörður áður en
hann komst í kynni við hóp manna
sem kaupa líffæri af flóttamönnum.
Hann hefur aðstöðu undir vinnu
sína í bakherbergi lítils kaffihúss í út-
hverfi Beirút. Þar hefur hann samið
um kaup og sölu á líffærum yfir þrjá-
tíu einstaklinga á síðustu þremur
árum. „Flestar beiðnirnar snúa að
því að útvega nýru, en ég get einnig
útvegað önnur líffæri,“ segir hann og
bætir við að eitt sinn hafi hann verið
beðinn um að útvega auga. Abu fór á
stúfana og fann skjólstæðing sem var
tilbúinn að selja úr sér annað augað.
Engra annarra kosta völ
Líbanon er ekki sérstaklega fjöl-
mennt ríki, en talið er að íbúar
þess séu rúmlega sex milljónir.
Sýrlendingar í landinu eru taldir
vera allt að ein og hálf milljón tals-
ins sem þýðir að hátt í fjórðungur
íbúa landsins er frá Sýrlandi. Þá
eru margir flóttamenn frá Palestínu
í landinu, einstaklingar sem voru
með stöðu flóttamanna í Sýrlandi
en flúðu borgarastyrjöldina þar. Þar
sem þetta fólk var þegar með stöðu
flóttamanns í Sýrlandi gat það ekki
fengið skráningu sem flóttamaður í
Líbanon og þar af leiðandi ekki feng-
ið atvinnuleyfi. „Þeir sem hafa ekki
stöðu flóttamanns eru í mestri neyð.
Hvað getur þetta fólk gert? Sumir
eiga engra annarra kosta völ en að
selja úr sér líffæri,“ segir Abu. Aðrir,
sér í lagi börn, sjá fyrir sér með betli,
önnur pússa skó eða selja tyggjó. Þá
eru þess mýmörg dæmi að fólk hafi
leiðst út í vændi. Öruggasta leiðin til
að fá borgað hratt og örugglega er
með sölu líffæra.
Alveg sama um viðkomandi
Í umfjöllun BBC sagði Abu að þegar
hann finni hentugan kandídat sé við-
komandi ekið á afvikinn stað þar sem
aðgerðin fer fram. Læknar sjá um
skurðaðgerðina og að henni lokinni
ekur Abu með sjúklingana til baka.
„Ég fylgist með þeim í viku eftir að-
gerðirnar en þegar búið er að fjarlægja
saumana hætti ég öllum afskiptum af
viðkomandi. Mér er í raun alveg sama
hvað verður um viðkomandi, hvort
hann lifi eða deyi,“ segir hann.
Fékk 850 þúsund fyrir nýrað
Síðasti skjólstæðingur Abu var 17
ára sýrlenskur piltur sem yfirgaf
heimaland sitt eftir að faðir hans og
bróðir voru drepnir. Pilturinn hefur
verið í Líbanon í þrjú ár án vinnu.
Með aðstoð Abu Jaafar gat pilturinn
selt úr sér hægra nýrað fyrir upphæð
sem nemur rúmum 850 þúsund
krónum – sem er stórfé í Líbanon.
Sjálfur segist Abu ekki vilja gefa
upp hvað hann fær út úr viðskipt-
unum, en gera má ráð fyrir að hann
fái vel greitt enda er áhættan tals-
verð. Þá kveðst hann ekki vita hvað
verður um líffærin en segist gera ráð
fyrir að þau séu seld til sjúklinga er-
lendis. „Það hefur aldrei verið meira
að gera,“ segir hann og ítrekar að
enginn sé neyddur til að selja úr sér
líffæri. Hann sé aðeins milliliður og
hjálpi þeim sem eiga bágt til að ná
endum saman – jafnvel þótt fórnar-
kostnaðurinn geti verið mikill. n
Einar Þór Sigurðsson
einar@dv.is
Sýslar með líffæri
Abu Jaafar viðurkennir
að hann nýti sér neyð
fólks. Hann bendir þó
á að hann sé einnig að
hjálpa því.
Aðgerð Hér má sjá
einn ungan mann sem
lét fjarlægja annað
nýrað úr sér. Fyrir það
fékk hann rúmar 850
þúsund krónur.