Dagblaðið Vísir - DV - 16.05.2017, Page 30

30 menning Vikublað 16.–18. maí 2017
Kolfinna Nikulásdóttir leikstýrir hinni umdeildu rappsveit Reykjavíkurdætrum í sviðsverki í Borgarleikhúsinu
V
ið þurfum að segja og heyra
nýjar sögur. Fólk í ábyrgðar­
stöðum þarf að vera með­
vitað um þetta, ekki bara fá
sömu einstaklinga aftur og
aftur til að segja sams konar sögur á
sama sviðinu fyrir sama fólkið,“ segir
Kolfinna Nikulásdóttir, leikstjóri,
gjörningalistakona og rappari, sem
óhætt er að segja að sé ein ferskasta
listamannsrödd sinnar kynslóðar –
uppátækjasöm, hæðin og óskamm­
feilin.
Um þessar mundir leikstýr­
ir þessi 26 ára listakona sínu fyrsta
leikverki í atvinnuleikhúsi, verki þar
sem hin umdeilda rapphljómsveit
Reykjavíkurdætur tekur yfir litla svið
Borgar leikhússins. Í gagnrýni um
sýninguna í DV í dag skrifar Bryndís
Loftsdóttir að erindi sýningarinnar
sé sjóðheitt og „sprengikraftur hóps­
ins kærkomin tilbreyting frá hvers­
dagslegri sýningum leikhússins.“
Kristján Guðjónsson hitti
Kolfinnu á kaffihúsi í miðborginni og
spjallaði við hana um rappheiminn,
niðurlægjandi fund með þjóðleik­
hússtjóra, andúð hennar á femín­
isma og hryllingsmyndina Human
Centipede svo eitthvað sé nefnt.
Hataði Listaháskólann
„Ég hef verið í leikhúsinu síðan ég
var pínulítil, þetta er í fjölskyldunni.
Ég elska leikhús, er algjört leikhús­
nörd og hef eiginlega séð allt sem
hefur verið sett upp undanfarin 20
ár. Ég er samt tiltölulega nýbúin að
uppgötva hvað ég elska þetta mikið
og að þetta sé það sem ég vilji gera –
að vera leikstjóri í íslensku leikhúsi,“
segir Kolfinna og réttir átta mánaða
dóttur sinni, Unni, penna til að leika
með.
Kolfinna hefur einnig fengist
við myndlist en segir að þegar hún
stundaði nám í Myndlistaskólanum í
Reykjavík segist hún þó hafa gripið í
gjörningaformið við hvert tækifæri. Í
stað þess að fara í frekara myndlistar­
nám ákvað hún því að sækja um á
sviðshöfundabraut í Listaháskólan­
um. Kolfinna segir það hafa verið
mjög opið leikhúsnám sem hafi gefið
henni hugmynd um hvað hún vildi –
eða að minnsta kosti hvað hún vildi
ekki gera á sviðinu.
„Ég sá reyndar eftir því allan
tímann að hafa valið þetta fram
yfir myndlistadeildina, fannst gras­
ið alltaf grænna hinum megin. Ég
þjáðist mjög mikið og hataði skól­
ann allan tímann. Ég var reið út í
kennarana, svo reið yfir því að það
væri verið að steypa alla í sama mót.
En ég held að það sé líklega bara eðli
þess að vera nemandi, maður verður
að vera óánægður og benda kennur­
unum á hvað þeir eru rosalega gam­
aldags. Ef þú ert ánægður með allt,
allir ánægðir með þig og þú færð
rosalega háar einkunnir í listnámi
þá ert þú líklega ekkert mjög góður
listamaður.“
Gjörningaverk Kolfinnu eru oft á
óskýrum mörkum raunveruleikans
og erfitt að gera sér grein fyrir hvar
gjörningnum sleppir – hún gifti sig
sem hluta af gjörningi og undanfarið
hefur hún haldið úti Instagram­síðu
þar sem hún deilir sérstaklega kyn­
þokkafullum myndum af sjálfri sér
undir mottóinu „Be sexy or die!“.
„Það eru mjög misvísandi skila­
boð sem maður fær í dag. Allt sam­
félagið er að segja manni að vera
sexí, annars hafi maður engan til­
vistarrétt. En á sama tíma er hálfpart­
inn bannað að vera sexí í allri þessari
PC­sturlun sem er í gangi. Þetta ger­
ir að verkum að við tölum varla um
kynþokka og látum eins og hann
sé ekki til. Þegar ég byrja að pósta
myndum af mér þar sem ég reyni að
vera sexí spyr fólk af hverju ég sé að
þessu, hvað sé eiginlega að mér. Ég
held að þessi hræðsla sé einhver af­
leiðing af kláminu en ég held að það
að vera sexí og sýna nekt sem oftast
sé einmitt ágætis meðal við kláminu.
Karlremba sem
gerir femínískt leikhús
„Ég held
að mjög
margir hafi
haldið að ég
væri alveg
geðveik
Á fullri ferð inn í leikhúsið
Kolfinna Nikulásdóttir stefnir á
frama innan íslensks leikhúsheims
– og Unnur dóttir hennar fær að
skutlast með henni. MyNd Sigtryggur Ari
Kristján guðjónsson
kristjan@dv.is