Morgunblaðið - 17.03.2017, Blaðsíða 14

14 FRÉTTIRInnlent
MORGUNBLAÐIÐ FÖSTUDAGUR 17. MARS 2017
Verkfæri atvinnumannsins
18V sett: 6 verkfæri í einu setti
Borvél DHP481
Hersluskrúfvél DTD129
Hjólsög DHS680
SDS+ Höggbor DHR243
Slípirokkur DGA506
Multisög DTM51
3 x 5 Ah rafhlöður og hleðslutæki fylgir
Hleðslutími á tóma rafhlöðu ca 45 mín
Trilla fyrir verkfærin fylgir
Kr. 230.000,-
með VSK
6 stk sett - DLX6066TJX12
6 vélar, 3 rafhlöður + 1 hleðslutæki
18V sett: 10 verkfæri í einu setti
Kr. 335.000,-
með VSK
10 vélar, 5 rafhlöður + 2 hleðslutæki
Borvél
Hersluskrúfvél
Hjólsög
SDS+ Höggbor
Slípirokkur
Multisög
Vinkilborvél
Pússari
Sverðsög
Stingsög
5 x 5 Ah rafhlöður og hleðslutæki fylgir
Hleðslutími á tóma rafhlöðu ca 45 mín
Trilla fyrir verkfæri fylgir
10 stk sett - DLX1006TJX2
ÞÓR FH | REYKJAVÍK: Krókháls 16 | Sími 568-1500 || AKUREYRI: Lónsbakka | Sími 568-1555|
Ágúst Ingi Jónsson
aij@mbl.is
„Bryggjan lítur illa út, margir staurar
eru orðnir mjög tæpir, bitar hafa gefið
sig og það þarf að endurnýja dekkið,“
segir Magnús Arnar Jónsson, bóndi í
Krákuvör í Flatey. Í Morgunblaðinu á
miðvikudag lýsti Ingibjörg Birna Er-
lingsdóttir, sveitarstjóri Reykhóla-
hrepps, áhyggjum sínum af öryggi á
bryggjunni og brýnni þörf á endur-
bótum. Magnús tekur undir þetta og
segist vera hræddur við að fara þar
um með stór tæki.
„Ástand bryggjunnar og þörf á
endurbótum hefur margoft og lengi
verið rætt við Vegagerðina, en án ár-
angurs. Viðgerðum hefur ekki verið
sinnt á efri hluta trébryggjunnar í um
40 ár og endurbætur kosta örugglega
talsvert. Peningar liggja hins vegar
ekki á lausu og það hjálpar ekki að
enginn kannast við að eiga krógann,“
segir Magnús, en hvorki Vegagerðin
né Reykhólasveit telja sig hafa for-
ræði yfir mannvirkjunum. Byggt var
framan við gömlu bryggjuna fyrir
nokkrum árum.
Magnús segir að suðvestan- og
vestanáttir séu erfiðastar í Flatey og
helstu óvinir eyjarskeggja. Þeim geti
fylgi mikill sjór og í háflæði í vondum
veðrum geti Breiðafjarðarferjan
Baldur iðulega ekki athafnað sig við
bryggjuna.
Ferðir hafa fallið niður
Í vetur hafi ferðir fallið niður
nokkrum sinnum eða þá að komið
hafi verið við í Flatey á leið á Brjáns-
læk og þaðan hafi verið siglt í
Stykkishólm án viðkomu í Flatey.
Magnús segir það ekki auka ör-
yggi ábúenda að geta ekki treyst á
reglulegar ferðir Baldurs. Undan-
farna vetur hafa 5-7 manns haft
vetursetu í Flatey á tveimur bæjum,
en eigendur húsa í eynni koma þang-
að reglulega allan ársins hring. Á
sumrin leggja flestir báteigendur
bátum sínum við bólfæri á Höfninni
við Hafnarey, en þar er gott skjól. Á
vetrum eru engir bátar við bryggju
eða ból í Flatey og sjálfur geymir
Magnús bát sinn í Stykkishólmi.
Höfum margoft og lengi
rætt við Vegagerðina
 Brýn þörf á viðgerð á bryggjunni í Flatey á Breiðafirði
 „Hjálpar ekki að enginn kannast við að eiga krógann“
Morgunblaðið/Guðlaugur Albertsson
Flatey Fremsti hluti bryggjunnar var byggður fyrir nokkrum árum, en sá
hluti sem er næst landi er kominn til ára sinna. Frystihúsið í baksýn.
Ágúst Ingi Jónsson
aij@mbl.is
Eins og undanfarin ár eru HB
Grandi og Samherji í tveimur efstu
sætunum hvað varðar aflahlutdeildir
stærstu útgerðarfyrirtækja.
Fiskistofa hefur birt á heimasíðu
sinni yfirlit um aflahlutdeild þeirra
100 útgerða sem ráða yfir mestum
aflaheimildum. Slíkur listi var gefinn
út í upphafi fiskveiðiársins og síðan
uppfærður eftir úthlutun aflamarks í
deilistofnun um áramótin og viðbót-
arúthlutun á loðnu, en listinn er mið-
aður við 14. mars. Nokkur fyrirtæki
sem ráða yfir miklum heimildum í
þessum tegundum hafa færst ofar á
listanum frá því sem var í september
og röðin breyst innbyrðis.
HB Grandi er með um 11,3% af
hlutdeildunum en var í september
við upphaf fiskveiðiársins með
11,0%. Samherji er með 6,5%, en var
með 6,24% í september. Í 3. til 5. sæti
eru Síldarvinnslan í Neskaupstað,
Vinnslustöðin Vestmannaeyjum og
Þorbjörn í Grindavík. Tvö fyrr-
nefndu fyrirtækin hafa færst upp
fyrir Þorbjörninn á listanum.
Með of mikla hlutdeild
Þegar skoðuð er krókaaflahlut-
deild útgerða þá eru þar nokkrar
breytingar á stærstu útgerðunum.
Hjálmar Fáskrúðsfirði er stærst
með 4,3% hlutdeilda og síðan Grunn-
ur í Hafnarfirði og Jakob Valgeir í
Bolungarvík með um 4,1% hvor út-
gerð. Stakkavík í Grindavík sem ver-
ið hefur stærst í krókaaflahlutdeild-
um mörg undanfarin ár er nú 6. sæti
á listanum.
Eina fyrirtækið sem fer yfir há-
markshandhöfn á hlutdeildum er
Hjálmar sem ræður yfir tæplega
4,7% hlutdeilda samtals í þorski í
báðum kerfunum. Fyrirtækið hefur
ákveðinn frest til að leiðrétta þá
stöðu.
Kvótastaða 10 stærstu útgerða 2017
Röð Eigandi
Samtals þorsk-
ígildi í tonnum
Hlutfall
af heild
1 (1)* HB Grandi hf. 49.342 11,32%
2 (2) Samherji Ísland ehf. 28.422 6,52%
3 (5) Síldarvinnslan hf. 22.772 5,23%
4 (6) Vinnslustöðin hf. 20.433 4,69%
5 (3) Þorbjörn hf. 20.425 4,69%
6 (7) Skinney-Þinganes hf. 19.327 4,44%
7 (14) Ísfélag Vestmannaeyja hf. 19.169 4,40%
8 (4) FISK-Seafood ehf. 18.618 4,27%
9 (9) Brim hf. 15.864 3,64%
10 (8) Rammi hf. 15.733 3,61%
*Röð 1. september 2016
Heimild: Fiskistofa
HB Grandi með 11,3%
af aflahlutdeildum
 Loðna og deilistofnar breyta röð frá upphafi fiskveiðiárs
„Ég er mjög ánægður fyrir hönd ís-
lenskra blaðamanna að Mannrétt-
indadómstóllinn hafi [í gærmorgun]
staðfest dóm héraðsdóms um að það á
ekki að skjóta sendiboðann,“ segir
Steingrímur Sævarr Ólafsson, fyrr-
verandi ritstjóri Pressunnar, og bæt-
ir við að ekki eigi að refsa fjölmiðlum
fyrir að miðla orðum annarra einstak-
linga.
Vísar hann í máli sínu til þess að
Mannréttindadómstóll Evrópu hefur
komist að þeirri niðurstöðu að Hæsti-
réttur Íslands hafi brotið gegn tján-
ingarfrelsi hans, er dómstóllinn gerði
honum árið 2013 að greiða manni sem
bauð sig fram til stjórnlagaráðs 200
þúsund krónur í miskabætur og 800
þúsund krónur í málskostnað vegna
ærumeiðandi ummæla sem birtust í
Pressunni í ritstjórnartíð Steingríms.
Ummælin voru jafnframt ómerkt.
Var það Ægir Geirdal Gíslason
sem höfðaði mál gegn Steingrími árið
2011 og krafðist þess að sex tilgreind
ummæli um meint kynferðisbrot
hans gegn tveimur systrum yrðu
dæmd dauð og ómerk.
Sigur fyrir blaðamennsku
„Að því leytinu er þetta sigur fyrir
vandaða blaðamennsku og enn ein
áminning til
Hæstaréttar um
að fjölmiðlar í lýð-
ræðisþjóðfélagi
eru að sinna sinni
skyldu að koma
upplýsingum á
framfæri. Ég
held að fimm slík-
ar áminningar
ættu að vera skýr
skilaboð til
Hæstaréttar um að þeir þurfi að
koma inn í nútímann,“ segir Stein-
grímur.
En dómurinn í gær var sá fimmti
sem Mannréttindadómstóllinn fellir
þess efnis að Hæstiréttur Íslands hafi
brotið gegn tjáningarfrelsi íslenskra
blaðamanna.
Steingrímur segir Mannréttinda-
dómstólinn nú staðfesta að vinnu-
brögð við framsetningu fréttanna
hafi verið vönduð og átt erindi við al-
menning. „Upplýsingaöflun var
vönduð í málinu og það á ekki að tak-
marka tjáningarfrelsi eins og Hæsti-
réttur gerði í sínum dómi. Að þessu
leyti tekur Mannréttindadómstóllinn
algjörlega undir með héraðsdómi og
það eru góðar fréttir,“ segir Stein-
grímur enn frekar.
Fimmta áminning-
in til Hæstaréttar
Steingrímur S.
Ólafsson
 Mannréttindadómstóll Evrópu segir
brotið á tjáningarfrelsi Steingríms
Trjátegundin elri, einnig nefnd ölur,
er að byrja að blómgast þessa dagana
og næstu vikur má því búast við elri-
frjókornum í lofti ef veður fer hlýn-
andi. Elri er fyrst allra tegunda, sem
valda ofnæmi, til að blómstra á vorin
eða fljótlega eftir að hitastig fer upp
fyrir 5°C, segir á vef Náttúrufræði-
stofnunar Íslands.
Nú þegar má sjá útsprungna rekla
hanga á greinum í borginni en með
blómguninni fara frjókorn að dreifast
út í andrúms-
loftið. Fólk með
birkiofnæmi get-
ur fundið fyrir of-
næmiseinkennum
því frjókorn birkis
og elris hafa sömu
ofnæmisvaka.
Birki blómgast
ekki strax, venjulega um og eftir
miðjan maí. ÁAnnars staðar á Norð-
urlöndunum blómgast það í apríl og
dæmi eru um að frjókorn þaðan, að
því er talið er, hafi mælst hér á landi
áður en íslenska birkið var byrjað að
dreifa frjóum sínum. Birki er einn
skæðasti ofnæmisvaldur á Norður-
löndunum en grasofnæmi er algeng-
ara hér á landi.
Frá 1. maí verður hægt að fylgjast
með mælingum á birki- og gras-
frjóum á vef Náttúrufræðistofnunar
en það eru helstu frjóofnæmisvaldar
á Íslandi.
Ölur byrjar að blómgast
 Fólk með birkiofnæmi getur fundið fyrir einkennum