Morgunblaðið - 23.03.2017, Síða 9

FRÉTTIR 9Innlent
MORGUNBLAÐIÐ FIMMTUDAGUR 23. MARS 2017
Þýskubíllinn svonefndi lauk níu
daga hringferð í gær þegar bíllinn
staðnæmdist við þýska sendiráðið á
Íslandi. Þýskukennaranemarnir
Stefanie Meyer og Hanna Bedbur
fóru hringinn í kringum landið á
vegum þýska sendiráðsins og
kynntu fyrir grunnskólanemum
Þýskaland og kosti þess að læra
þýsku í framhaldsskóla. Á níu dög-
um heimsóttu þær níu skóla og um
það bil 300 nemendur.
Sabine E. Friðfinnsson, starfs-
maður þýska sendiráðsins, segir
hringferðina hafa farið fram úr
skærustu vonum og „geisluðu“
þýsku kennaranemarnir að hennar
sögn þegar til Reykjavíkur var aft-
ur komið. „Þær eru brosandi út að
eyrum. Og ef það væri ekki fyrir
eyrun þá brostu þær sennilega all-
an hringinn,“ sagði Sabine í sam-
tali við Morgunblaðið í gær. Hún
segir veður hafa verið mjög gott á
meðan á ferðalaginu stóð en aflýsa
þurfti þó einni heimsókn á Þing-
eyri vegna veðurs. „Að öðru leyti
gekk þetta eins og í sögu,“ segir
hún.
„Þær voru hissa hversu vel börn-
in tóku á móti þeim,“ segir Sabine
um viðtökurnar. „Það var svo mik-
ill áhugi á því sem var verið að
kenna og stundum vissu börnin
hvað kennararnir voru að segja án
þess að þau hefðu lært þýsku,“ seg-
ir Sabine. „Stelpurnar voru hissa
hvað krakkarnir vissu mikið um
Þýskaland, um Berlínarmúrinn og
pólitíkina,“ segir Sabine. Spurð út í
kosti þess að læra þýsku segir Sab-
ine Íslendinga eiga auðvelt með
þýskuna og tugmilljónir manna tali
tungumálið um allan heim. Áætlað
er að í heildina tali um 200 millj-
ónir manna þýsku.
„Svo er gott að læra þýskuna því
ef þú kannt smá í þýsku þá geturðu
farið í nám til Þýskalands og þar
eru engin skólagjöld,“ segir hún.
Þýskubíllinn er hvergi nærri hætt-
ur og heimsækir hann sex skóla á
höfuðborgarsvæðinu í næstu viku.
Fóru hringinn og
kynntu Þýskaland
 Heimsóttu tólf skóla á níu dögum
Morgunblaðið/Kristinn Magnússon
Þýskubíllinn Þýsku þýskukennararnir Stefanie Meyer og Hanna Bedbur voru glaðar á svip þegar Þýskubíllinn stað-
næmdist fyrir utan þýska sendiráðið í Reykjavík eftir níu daga hringferð þar sem tólf grunnskólar voru heimsóttir.
Við skoðun á vegum Mannvirkja-
stofnunar á ryksugum reyndust
39% tækjanna hafa fullnægjandi
orkumerkingar, í 40% tilfella
þóttu merkingarnar ekki full-
nægjandi og í 21% tilfella reynd-
ust ryksugurnar ekki hafa nauð-
synlegar orkumerkingar. Alls var
91 ryksuga af mismunandi gerð
skoðuð fyrr í þessum mánuði og
orkumerkingar skráðar.
BSI á Íslandi ehf. annaðist
skoðunina sem er faggilt skoð-
unarstofa á sviði markaðseftirlits.
Með lögum um merkingar og
upplýsingaskyldu varðandi vörur
sem tengjast orkunotkun var inn-
leidd tilskipun Evrópuþingsins og
-ráðsins um merkingar og staðl-
aðar vörulýsingar á orkutengdum
vörum er greina frá notkun
þeirra á orku og öðrum aðföng-
um. Lögin gera þeim sem bjóða
fram vörur sem falla undir þessa
löggjöf skylt að láta neytendum í
té og vekja athygli þeirra á upp-
lýsingum um orkunotkun, orku-
nýtni, hávaða og annað er varðar
rekstur þeirra og kveðið er á um
í reglugerð fyrir viðkomandi
vöruflokk.
Orkumerkingum
á ryksugum reynd-
ist ábótavant
Morgunblaðið/Skapti Hallgrímsson