Morgunblaðið - 23.03.2017, Blaðsíða 16
16 FRÉTTIRInnlent
MORGUNBLAÐIÐ FIMMTUDAGUR 23. MARS 2017
Guðlaugur Þór Þórðarson utanrík-
isráðherra og Frank Bakke-
Jensen, EES og Evrópumálaráð-
herra Noregs, undirrituðu í gær
yfirlýsingu Íslands og Noregs um
stóraukið samstarf ríkjanna innan
EES.
Yfirlýsingin mælir m.a. fyrir um
aukið samstarf Íslands og Noregs á
öllum stigum EES-samstarfsins og
í þeim efnum verður sérstök
áhersla lögð á virkari hags-
munagæslu þegar löggjöf Evrópu-
sambandsins er enn í mótun. Þá
skulu embættismenn frá utanrík-
isráðuneytum ríkjanna eiga reglu-
legt samráð um hagsmunagæslu í
EES-samstarfinu og vinna saman í
því að koma sjónarmiðum sínum á
framfæri við stofnanir ESB á þeim
sviðum þar sem þau eiga sameig-
inlegra hagsmuna að gæta.
„Aukið samstarf við Noreg um
hagsmunagæslu innan EES mun
styrkja enn frekar stefnu íslenskra
stjórnvalda að leggja aukna
áherslu á að koma sjónarmiðum og
athugasemdum Íslands á framfæri
á fyrri stigum stefnumótunar- og
lagasetningarferlis Evrópusam-
bandsins,“ segir m.a. í tilkynningu
frá utanríkisráðuneytinu.
Ljósmynd/Utanríkisráðuneytið
Samstarf Guðlaugur Þór og Frank Bakke-Jensen rita undir yfirlýsinguna.
Samið við Norð-
menn vegna EES
Hagsmunagæsla gagnvart ESB
Sigurður Bogi Sævarsson
sbs@mbl.is
„Ég á Jóhannesi mikið að þakka,
eins og fleiri kollegar mínir,“ segir
Guðni Ágústsson, fyrrverandi ráð-
herra. Þeir Jóhannes Kristjánsson
eftirherma og Guðni stilla nú saman
strengi með skemmtidagskrá þar
sem sagðar eru sögur og ýmsar eft-
irminnilegar persónur töfraðar fram.
Fyrsta skemmtun þeirra félaga
var í Grindavík um síðastliðna helgi
og þótti heppnast afar vel. Nú liggur
leiðin austur fyrir fjall. Þeir koma
fram á Flúðum annað kvöld, á Hotel
Midgard á Hvolsvelli á laugardags-
kvöld og í framhaldinu eru Salurinn í
Kópavogi og Landnámssetrið í
Borgarnesi og eftir atvikum fleiri
staðir á dagskránni.
Tekinn feill á
óskyldum mönnum
Guðni Ágústsson segir að lengi
hafi það verið keppikefli stjórnmála-
manna að Jóhannes hermdi eftir
þeim og að þeir kæmust í Spaugstof-
una og í skopteikningar Sigmunds í
Mogganum. Annars var þeim voðinn
vís, enda eiga stjórnmálamenn mikið
undir að njóta jákvæðrar athygli al-
þjóðar.
„Það spillti ekki fyrir í þessum leik
hversu líkur Jóhannes er mér í útliti.
Oft er tekinn feill á okkur, óskyldum
mönnunum. En þar fyrir utan þá
leikur hann og hermir eftir tugum
manna jafn vel og mér. Ég held að
hinir pólitíkusarnir sem hann ekki
hermdi eftir hafi öfundað okkur,“
segir Guðni.
„Jóhannes er að því leyti ólíkur
flestum öðrum eftirhermum sem ég
þekki og man eftir að hann hold-
gervist, verður eins í framan og fórn-
arlambið. Ég er sennilega einn mest
eftirhermdi maður landsins en Jó-
hannes byrjaði á þessu og sagði fólk-
inu að ég væri ekki eins alvarlegur
og ég liti út fyrir að vera. Það breytti
ímynd minni.“
Margir hafa skorað á þá að koma
fram saman þar sem Jóhannes töfr-
aði fram allskonar karaktera og
Guðni segði skemmtisögur. Nú hafa
þeir félagar ákveðið að svara þessu
kalli og tilefnið er að Jóhannes hefur
verið að skemmta og herma eftir í 40
ár.
Góður vinskapur hefur verið milli
Jóhannesar og Guðna í gegnum tíð-
ina – og segir ráðherrann fyrrver-
andi að sér finnst eftirherman stund-
um vera bróðir sinn. Þar ráði
kannski einhverju að þeir koma úr
líku umhverfi, eru báðir sveitamenn
úr stórum systkinahópum. Þannig
voru Brekkusystkin Jóhannesar á
Ingjaldssandi tólf og Brúnastaða-
systkin Guðna alls sextán - og eru
svo stórir barnahópar á einum bæ
vandfundnir, að minnsta kosti á síð-
ari áratugum.
Níðast ekki á nokkrum manni
„Ég byrjaði að herma eftir sem
krakki,“ segir Jóhannes. „Að ná sér-
stökum mönnum í töktum og tali er
áhugavert. Listin er sú að ná hreyf-
ingum og sérkennum og eitt boðorð
að fara aldrei illa með persónuna og
níðast ekki á nokkrum manni. Það
var mér innprentað. Ég hef orðið
góður vinur margra þeirra sem ég
hermi eftir. Ég nefni Steingrím Her-
mannsson, Ólaf Ragnar Grímsson,
Halldór Blöndal og fleiri. Menn í
æðstu stöðum hér áður, eins og for-
setinn og biskup, voru friðhelgir í
eina tíð en ég sleppti þeim ekki. Það
var til dæmis mjög gaman að leika
Sigurbjörn Einarsson biskup, svo
magnað var tungutak hans, orða-
forðinn einstakur og röddin frábær.
Svo koma inn nýir menn en þeir
verða að hafa skemmtanagildi, svona
eins og Gísli Einarsson fréttamaður
og Þorvaldur Gylfason hagfræð-
ingur.“
Mikið hlegið í leikhúsinu
Á skemmtununum á næstunni,
sem bera yfirskriftina Eftirherman
og orginalinn verður dagskráin spil-
uð af fingrum fram: sögur, tilsvör og
vísur, segir Jóhannes. Bætir við að
dagskráin muni ráðast af salnum og
stemningunni og verði þannig séð
leikstýrt af náttúrunni sjálfri á svið-
inu.
„Við finnum fyrir mikilli eft-
irspurn og væntingum fólks um að fá
okkur í samkomuhúsin víða um
land,“ bætir Guðni Ágústsson við.
„Eftirherman verður komin í flest
samkomuhús landsins og ég fullyrði
að það verður mikið hlegið í þessu
leikhúsi okkar Jóhannesar, ekki
minna en í Þjóðleikhúsinu. Við ætl-
um að fagna íslenska vorinu með
fólkinu í landinu; - gleði fylgir því
þegar daginn er farið að lengja og
maður er manns gaman, segir ein-
hversstaðar.“
Í framan eins og fórnarlambið
Jóhannes eftirherma og Guðni Ágústsson með skemmtidagskrá Sögur og per-
sónur Listin er að ná hreyfingum, sérkennum og níðast ekki á nokkrum manni
Morgunblaðið/RAX
Vinir Leiðir Jóhannesar Kristjánssonar og Guðna Ágústssonar hafa lengið legið saman. Með þeim er traust vinátta
og í raun og sann getur hvorugur án hins verið í lífi, starfi og leik, eins og sjást mun á skemmtunum þeirra.
Til er fræg saga og hún sönn, af
því þegar Guðni hringdi heim til
Jóhannesar í einhverjum er-
indagjörðum og Árelía Jóhann-
esdóttir, móðir eftirhermunnar,
svaraði. „Þetta er Guðni
Ágústsson landbúnaðarráð-
herra, er Jóhannes heima?“ Og
Árelía svaraði að bragði „Æ,
láttu ekki alltaf svona Jói minn,
vertu ekki alltaf að hrekkja
hana móður þína.“ - Við þessu
gat Guðni ekkert sagt, en reyndi
þó að leiðrétta þennan
skemmtilega misskilning.
Hvort fólk þekkir þá félaga í
sundur á samkomunum eða
ekki er ómögulegt að svara. Þó
er hægt að rifja upp vísu séra
Hjálmars Jónssonar sem hann
orti í orðastað Guðna forðum.
Ræðuna mína ljúfur les,
leiddur á nýjan stig.
Ég er að leika Jóhannes
og Jóhannes leikur mig.
Ég er að leika
Jóhannes
BANNAÐ AÐ HREKKJA
Sími: 535 1200 | sala@iskraft.is | iskraft.is
Fjöldi þekktra vörumerkja
sem fagmaðurinn þekkir og treystir
Fáðu ráð hjá fagmönnum
um val á lýsingu
hefur tekið höndum
saman við alþjóð-
lega hönnuði um
að kynna nýjar
lausnir í lýsingu
með steinsteypu,
við og áli.
S
te
yp
a
V
ið
ur Á
l