Morgunblaðið - 08.04.2017, Page 42

42 ÍSLENDINGAR
MORGUNBLAÐIÐ LAUGARDAGUR 8. APRÍL 2017
Börn og brúðhjón
Allir þeir sem senda blaðinu mynd af nýjum borgara eða mynd af
brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinnimbl.is/islendingar
eða á islendingar@mbl.is
Á opnunni „Íslendingar“ í
Morgunblaðinu er sagt frá
merkum viðburðum í lífi
fólks, svo sem stórafmælum,
hjónavígslum, barnsfæðingum
og öðrum tímamótum.
Elín María Björnsdóttir ráðgjafi á40 ára afmæli í dag. Hún erkomin aftur heim til Íslands eft-
ir að hafa verið í námi og starfað er-
lendis undanfarin misseri.
„Ég seldi fyrirtækið mitt, Eggið, og
fór fyrst í Opna háskólann í Reykjavík
og síðan í nám í Svíþjóð. Þar var ég ráð-
in til ráðgjafarfyrirtækisins Franklin-
Covey og varð síðan framkvæmdastjóri
FranklinCovey í Evrópu og Mið-
Austurlöndum.
Núna er ég alþjóðlegur ráðgjafi hjá
þeim en vinn einnig sjálfstætt. Ég er
bæði í ráðgjöf og held fyrirlestra og
tæpi á mannlegri hegðun og persónu-
legum þroska og vexti. Svo er ég mikið í
stefnumótunarvinnu og verkefnastjórn-
un. Ég vinn við að þróa leiðtogahæfni
bæði á fyrirtækjamarkaði og svo í
menntageiranum en þar hef ég mikið
verið.“
Sem dæmi um alþjóðleg ráðgjafar-
störf þá hélt Elín fyrirlestur í Rúmeníu
á ráðstefnu sem hét „The Woman“ um
mikilvægi samstarfs menntageirans og
atvinnulífsins í mars sl. og svo hélt hún
annan fyrirlestur í Dubai á opnun
stærstu menntaráðstefnu Sameinuðu
arabísku furstadæmanna, GESS Con-
ference, um hvernig megi innleiða betur menntastefnu þeirra fyrir
árið 2021 og ná þeim markmiðum sem þeir stefna að. Í gær var hún
síðan með fyrirlestra á Landspítalanum hér heima og undanfarið hef-
ur hún unnið með bæði lögreglunni, sveitarfélögum og fjölda fyrir-
tækja hér á landi.
„Ég er heimakær flökkukind, er mikil fjölskyldukona, finnst gaman
að hjálpa fólkinu mínu, var t.d. að aðstoða dóttur mína við að halda
góðgerðartónleika,“ segir Elín um áhugamál sín en hún er í sambúð
og á samtals fimm börn með sambýlismanni sínum. „Heimilið er eitt
það mikilvægasta en svo finnst mér mjög gaman að ferðast og kynn-
ast nýjum menningarheimum og mér finnst það forréttindi að hafa
fengið tækifæri til þess.
Í dag ætla ég að vera með nánustu fjölskyldu, en svo á ég ótrúlegt
ríkidæmi vinkvenna og þegar þær fréttu að ég ætlaði ekki að halda
stórt upp á afmælið voru þær mættar til mín á miðvikudagskvöld í
samráði við manninn minn og elduðu fyrir mig. Ég var algjörlega
grunlaus og þetta var afskaplega gaman.“
Ráðgjafinn Ella Björns.
Heldur fyrirlestra
víða úti í heimi
Elín María Björnsdóttir er fertug í dag
G
unnar Þór Bjarnason
fæddist á Ísafirði 8.4.
1957, gekk þar í
barnaskóla fyrstu árin
en flutti til Reykjavík-
ur 10 ára. Hann var þó oft á Ísa-
firði á sumrin eftir það: „Það var
gott að alast upp á Ísafirði. Ég hef
lítið verið þar eftir að við fluttum
burt en Ísafjörður á alltaf sinn
sérstaka sess í huga mínum.“
Í Reykjavík bjó Gunnar við
Grenimel í Vesturbænum, gekk í
Melaskóla og Hagaskóla, lauk stúd-
entsprófi frá MR 1977, tók BA-próf
í sagnfræði og þýsku frá HÍ 1981,
síðar MA-próf í alþjóðastjórn-
málum frá sama skóla, og stundaði
framhaldsnám í Kiel í Þýskalandi.
Á fullorðinsárum átti hann lengi
heima í Hlíðunum en býr nú á
Seltjarnarnesi.
Gunnar Þór hefur lengst af feng-
ist við kennslu, fyrst þrjú misseri
við MS en haustið 1989 hóf hann
störf við FB og kenndi þar í aldar-
fjórðung. Hann hefur auk þess
sinnt stundakennslu við HÍ um
langt árabil og þá einkum kennt er-
lendum stúdentum Íslandssögu:
„Kennsla er gefandi starf og fátt er
skemmtilegra en vel heppnuð
kennslustund með fjörugum nem-
endum. Maður kynnist ótrúlega
mörgum eftirminnilegum ein-
staklingum. Í háskólakennslunni
hef ég kennt stúdentum hvaðanæva
úr heiminum – og frá hverju ein-
asta Evrópulandi. Það er dýrmæt
reynsla.“
Gunnar Þór Bjarnason, sagnfræðingur og rithöfundur – 60 ára
Hjólað um Frakkland Hér er Gunnar Þór í banastuði með vinum sínum í stráka- og hjólreiðaferð vorið 2012.
Frá Ísafirði til Úkraínu
Hjónin Gunnar Þór og eiginkonan, Jóhanna Thelma, í hjólaferð við Gullfoss.
Reykjavík Svan-
hildur Ágústa
Helgadóttir fædd-
ist 23. júlí 2016.
Hún vó 4.506 g og
var 53 cm löng.
Foreldrar hennar
eru Helgi Rúnar
Hlynur Eiríksson
og Hulda Klara
Lárusdóttir.
Nýr borgari
Íslendingar Kjartan Gunnar Kjartansson, Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Rau›arárstígur 14 · sími 551 0400 · www.myndlist.is
Opið virka daga kl. 10–18, laugard. kl. 11–16 Allir velkomnir
Boðskort
Sýningaropnun í Gallerí Fold, laugardaginn 8. apríl, kl. 15
Á nýjum slóðum
Elínborg Ostermann Jóhannesdóttir
málverkasýning í
Gallerí Fold 8.– 29. apríl