Freyr - 01.08.2005, Blaðsíða 6

VIÐTAL
í sambýli við
feiknskap
náttúrunnar
VIÐTAL VIÐ JÓN HELGASON í SEGLBÚÐUM, FYRRI HLUTI
Jón Helgason í Seglbúðum í Landbroti er
kunnastur fyrir opinber störf sín. Hann var
alþingismaður fyrir Suðurlandskjördæmi á árunum
1974-1995 og jafnframt landbúnaðarráðherra frá
1983 til 1988 og dómsmálaráðherra 1983-1987, en
forseti Alþingis var hann á árunum 1979-1983.
Þá var hann formaður Búnaðarfélags íslands og
forseti Búnaðarþings 1991-1995. Árið 1998 var Jón
kosinn á Kirkjuþing og á fyrsta þingi þar á eftir
jafnframt forseti þess og gegnir því starfi enn.
Hefur enginn annar maður gegnt öllum þessum
þremur forsetastörfum.
Jón hefur látið af umfangsmestu félagsmála-
störfum sínum og býr nú í Seglbúðum, ásamt
konu sinni, Guðrúnu Þorkelsdóttur, en þau halda
þó jafnframt heimili í Reykjavík, þar sem hann
hefur enn ýmsum störfum að gegna. Við búinu í
Seglbúðum hefur tekið systursonur Jóns, Erlendur
Björnsson, og fjölskylda hans.
ÆTT OG UPPRUNI
Jón er fyrst beðinn um að segja
á sér deili.
Ég er fæddur árið 1931 í
Seglbúðum, yngstur fjögurra
systkina, en eldri eru systurnar
Margrét, Ólöf og Ásdfs. Foreldr-
ar okkar voru Helgi Jónsson frá
Seglbúðum og Gyðríður Páls-
dóttirfrá Þykkvabæ í Landbroti.
Föðurforeldrar mínir voru Jón
Þorkelsson frá Eystra-Hrauni (
Landbroti, f. 1857, d. 1906, og
Ólöf Jónsdóttir f. 1860, d.
1953. Foreldrar Ólafar, Jón
Jónsson frá Heiðarseli og Katrín
Pálsdóttir frá Hunkubökkum,
hófu búskap sinn á því að fá
leyfi frá eigendum Kirkjubæjar-
klausturs til að byggja sér kofa
innst í Klaustursheiði. Var býlið
kallað í Stórhól. Hokruðu þau
þar í eitt ár, en fluttu þá út í
Mýrdal, þar sem þau bjuggu
þangað til þau komu frá Höfða-
brekku að Seglbúðum 1866.
Búskap lauk hins vegar I Stórhól
tveimur árum eftir að þau fóru
þaðan, en þar sjást enn tófta-
brot rétt við veginn inn að Laka,
skammt sunnan við Eintúna-
háls. Það heiðarbýli var byggt
árið 1828 og búið þar til 1934.
Móðurforeldrar mfnir voru
Páll Sigurðsson, f. 1870, d.
1939, og Margrét Elíasdóttir, f.
1871, d. 1922, f Þykkvabæ
syðri í Landbroti. Hann var frá
Eystri-Dalbæ f Landbroti, en
hún frá Syðri-Steinsmýri f Með-
allandi.
Skólaganga þín ?
Ég var fyrst í heimangöngu-
skóla í Þykkvabæ efri. Skólastof-
an var byggð við íbúðarhúsið þar
árið 1914 en þáverandi bóndi,
Helgi Þórarinsson, sem var mikill
framfara- og framkvæmdamað-
ur, var hvatamaður að bygging-
unni og greiddi sjálfur helming
kostnaðarins. Ég fylgdi yngstu
systur minni, Ásdísi, í skólann,
hún var þá tíu ára en ég átta.
Þetta var um 40 mínútna gangur
hvora leið.
FREYR 08 2005