Freyr - 01.08.2005, Blaðsíða 29

MOLAR
Evrópuþingið mót-
mælir langflutning-
um á búfé
Meirihluti Evrópuþingsins krefst þess að
embættismannaráð ESB felli niður um-
deilda styrki til flutninga á búfé. Styrkirnir
eru forsenda þessara flutninga til Ltbanon
og Egyptalands.
Dýraverndunarsamtök víðs vegar í ESB
hafa krafist þess að þessir styrkir verði
felldir niður. Fyrr á þessu ári komust mót-
mælin inn á borð hjá Evrópuþinginu þar
sem 368 þingmenn undirrituðu þau.
Embættismannaráð ESB hefur um árabil
reynt að fella niður þessa styrki en lönd
sem hagnast hafa á þeim, svo sem írland
og fleiri lönd, hafa varið þá.
Á hverju ári eru um 200 þúsund gripir
sendir til þessara landa í allt að 10 daga
ferðalag og styrkur evrópskra skattborgara
við þessa flutninga nemur 11 milljónum
evra á ári.
Landbúnaðarstjóri ESB, Mariann Fischer
Boel, hefur lýst því yfir að þessir styrkir
verði þeir fyrstu sem komi til endurskoðun-
ar, þegar styrkjakerfi ESB við landbúnaðinn
verður endurskoðað. Það getur þó tekið
allt að fimm ár að leysa málið, en vitað er
að önnur lönd, svo sem Brasilía, eru tilbúin
að yfirtaka þennan markað.
(Landsbygdens Folk nr. 32/2005).
ESB leyfir ræktun á
umdeildum erfða-
breyttum maís
Embættismannaráð ESB hefur veitt leyfi
fyrir ræktun á umdeildu afbrigði af erfða-
breyttum maís, sem nefnist MON863, en
það er erfðatæknifyrirtækið Monsanto
sem sett hefur það á markað. Leyfilegt er
að flytja það inn og rækta í löndum ESB en
einungis til fóðurframleiðslu. Fjórtán lönd
ESB lögðust þó gegn því að veita þessa
heimild.
Það sem greinir þetta afbrigði frá hefð-
bundnum maís er að það myndar eitur
sem ver það gegn skordýrum.
Umhverfisverndarsamtök eru andvíg
innflutningnum og vísa til þess að rann-
sóknir á því bendi til að eitrið raski starf-
semi lifrarinnar í rottum. Matvælayfirstjórn
ESB, Efsa, heldur því hins vegar fram að
þetta maísafbrigði sé jafn öruggt og hefð-
bundinn maís og metur umræddar auka-
verkanir sem ólíklegar.
Meirihluti landa ESB lagðist gegn leyfis-
veitingunni en fjöldi þeirra náði ekki þeim
aukna meirihluta sem þarf til að stöðva
málið.
Þar með kom til kasta embættismanna-
ráðsins sem tók lokaákvörðunina um að
rækta megi afbrigðið til fóðurframleiðslu
en ekki til matvælaframleiðslu.
Fjórtán lönd greiddu atkvæði gegn leyf-
isveitingunni, sjö voru meðmælt, en fjögur
sátu hjá. Leyfið gildir í tíu ár en nk. haust
munu landbúnaðarráðherrar ESB taka af-
stöðu til hvort nota megi þetta afbrigði til
matvælaframleiðslu. Ákvörðun þeirra verð-
ur afgerandi fyrir framtíð afbrigðisins í Evr-
ópu, en innflutningur þess verður fyrst
leyfður eftir að fyrir liggur samþykki land-
búnaðarráðherra ESB.
(Landsbygdens Folk nr. 32/2005).
Aukning í einka-
merkjum fyrirtækja
á vörum í sænskum
verslunum
Svíþjóð er það vestrænt land þar sem mest
aukning á sér stað í einkamerkjum mat-
vöruverslana, þ.e. þar sem fyrirtæki selja
vörur í eigin umbúðum.
Vörutegundir í eigin umbúðum verslana
hafa þrefaldast að fjölda sl. fjögur ár, jafn-
framt þvl sem markaðshlutdeild þessara
vara hefur aukist um 8,5%.
Mest hefur aukningin orðið í lágvöru-
verslunum og þar munar mest um að
þýska verslanakeðjan Lidl hefur haslað sér
völl í Svíþjóð.
Það eru einkum gosdrykkir, kartöfluflög-
ur og matarolía sem seld eru í þessum um-
búðum en Lidl hefur einnig sett á markað
mjólk undir eigin vörumerki. Matvælakeðj-
urnar hafa ekki meira upp úr þessari sölu,
frekar hið gagnstæða, en merkin þjóna
þeim tilgangi að vekja athygli á fyrirtækinu
og að ná niður verði til framleiðanda. Það
er einnig mikilvæg ástæða fyrir því að
mjólkursamvinnufyrirtækið ARLA hefur
barist gegn einkamerkingu fyrirtækja á
mjólkurvörum.
ALLT FYRIR
HESTAMENNSKUNA
OG MEIRA TIL
BÚÐIN
MR BÚÐIN LYNGHÁLSI 3 SÍMI: 540 1125
29
FREYR 08 2005