Morgunblaðið - 06.07.2017, Qupperneq 36

FIMMTUDAGUR 6. JÚLÍ 187. DAGUR ÁRSINS 2017
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 548 KR. ÁSKRIFT 5.950 KR. HELGARÁSKRIFT 3.715 KR. PDF Á MBL.IS 5.277 KR. I-PAD ÁSKRIFT 5.277 KR.
1. Móðir fær ekki að vita
2. Adolf Ingi hefur sigur í máli …
3. Þekktir ofbeldismenn stofna …
4. Rúta fór í siglingu um höfnina
»MEST LESIÐ Á mbl.is
FÓLK Í FRÉTTUM
 Teiknimyndasögur skopmynda-
teiknarans Lóu Hjálmtýsdóttur verða
að leiksýningu á Litla sviði Borgar-
leikhússins í upphafi næsta árs í nýju
íslensku verki sem hefur fengið nafn-
ið Lóaboratoríum. Leikritið, sem er
skrifað af Lóu sjálfri, er samvinnu-
verkefni Borgarleikhússins og Sokka-
bandsins. Það fjallar um fjórar konur
sem búa í sama fjölbýlishúsinu í ótil-
greindum þéttbýliskjarna á Íslandi og
glíma allar við sín vandamál. Þær
þurfa að taka á öllu sem þær eiga
þegar pítsusendill festist í loftræsti-
kerfi hússins með ófyrirséðum afleið-
ingum. Með hlutverk kvennanna fara
Arndís Hrönn Egilsdóttir, Elma Lísa
Gunnarsdóttir, Jóhanna Friðrikka
Sæmundsdóttir og María Heba Þor-
kelsdóttir. Leikstjóri er Dóra Jó-
hannsdóttir.
Morgunblaðið/Þórður
Lóaboratoríum á svið
í Borgarleikhúsinu
 Sumartónleikar í Skálholti hefjast á
laugardag kl. 13 með erindi Karls Sig-
urbjörnssonar um kirkjuglugga Gerðar
Helgadóttur. Klukkan 14 flytur Hljóm-
eyki undir stjórn Mörtu Halldórsdóttur
Ljósbrot eftir John Speight sem hann
samdi 1991 í minningu Gerðar. Sumar-
tónleikarnir, sem haldnir eru í 42. sinn,
standa í alls fimm vikur. Á
þeim tíma koma fram
fjölmargir íslenskir
listamenn og erlendir
gestir frá m.a. Svíþjóð,
Frakklandi og
Ástralíu. Allar
nánari upplýs-
ingar eru á
sumar-
tonleikar.is.
Sumartónleikar í
Skálholti að hefjast
Á föstudag Suðlæg átt, 8-13 m/s og skúrir á S-verðu landinu.
Hægari vindur og bjartviðri N-til, en stöku skúrir síðdegis.
Á laugardag Norðan 8-13 m/s vestast, annars hæg norðlæg eða
breytileg átt. Skýjað með köflum og sums staðar skúrir.
SPÁ KL. 12.00 Í DAG Austan og suðaustan 8-13, víða rigning.
Heldur hægari síðdegis og skúrir SV-lands. Hiti 9 til 17 stig.
VEÐUR
Guðlaugur Victor Pálsson
er kominn í hóp víðförl-
ustu knattspyrnumanna
Íslands eftir að hann
samdi í gær við svissneska
félagið Zürich til ársins
2020. Sviss verður sjö-
unda landið þar sem Vict-
or spilar í meistaraflokki
og hann er orðinn einn
fimm íslenskra knatt-
spyrnumanna sem hafa
spilað sem atvinnumenn í
flestum löndum. »2
Einn af þeim allra
víðförlustu
„Að sjálfsögðu þarf ég að berjast fyr-
ir minni stöðu og þannig á það að
vera í landsliðinu. Það eiga að koma
inn sterkir leikmenn sem veita manni
samkeppni og það gerir mann að
betri leikmanni. Þetta er spurning um
hvernig þú tekst á við þetta, hvort þú
leggst í jörðina og ferð að gráta,
kvarta og kenna öðrum um eða hvort
þú stígur sjálfur upp og reynir að
gera betur,“ segir landsliðskonan
Anna Björk Kristjánsdóttir. »1
Spurning hvernig þú
tekst á við samkeppni
„Fyrir ýmsa þá sem ekki fylgjast mikið
með körfubolta lítur út fyrir að ég sé
bara að fara eitthvað út í heim til að
leika körfubolta en svo er ekki. BC Ast-
ana er afar þekkt félag innan körfu-
boltaheimsins og leikur í mjög sterkri
deildarkeppni í Rússlandi ásamt fleiri
liðum frá grannlöndum Rússlands,“
segir Hörður Axel Vilhjálmsson sem er
á leið til Kasakstans. »3
Hörður spilar bæði í
Kasakstan og Rússlandi
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Sigurður Bogi Sævarsson
sbs@mbl.is
Líðandi sumar er það 28. sem Kári Kristjánsson
stendur vaktina sem gæslumaður náttúru Ís-
lands. Allt frá árinu 1989 hefur hann verið við
störf úti á mörkinni; fyrst í ellefu sumur sem
landvörður í Öskju, Herðubreiðarlindum og
Hvannalindum og svo þjóðgarðsvörður í Jökuls-
árgljúfrum. Seinna hafði hann umsjón með svæði
sunnan jökla og Lakagígum, þá með aðsetur á
Kirkjubæjarklaustri. Svo áfram sem starfsmaður
Vatnajökulsþjóðgarðs frá stofnun hvar Kári
starfar enn. Eftirlit og eignaumsjón á hálendi er
formleg lýsing á starfi hans nú; að fara vítt og
breitt um þennan víðfeðma þjóðgarð til að sinna
tilfallandi málum og framkvæmdum.
Umgangast landið af virðingu
„Vitund og áhugi á umhverfismálum hefur
alltaf verið nærri mér. Þetta eru viðhorf sem ég
meðtók strax sem barn og vandist að lifa sam-
kvæmt,“ segir Kári Kristjánsson, sveitapiltur frá
bænum Riftúni í Ölfusi. „Móðir mín, Sigfríður
Einarsdóttir, hafði mikinn áhuga á öllu í náttúr-
unni og af henni lærði ég að þekkja blóm og
fugla og eins að landið væri auðlind sem um-
gangast skyldi af virðingu. Í starfi mínu sem
landvörður hef ég oft greint þessi viðhorf best
meðal fólks sem kemur af landsbyggðinni eða
hefur verið í sveit. Það er einfaldlega öðrum bet-
ur meðvitað um náttúruna, gögn hennar og
gæði.“
Meðal þeirra sem þekkja til er Kári Krist-
jánsson eins konar goðsögn; vörslumaður há-
lendisins og ódeigur við að segja sína skoðun
þegar honum þykir gengið á náttúru landsins
eða spjöll unnin. „Ætlunin var að prófa land-
vörsluna kannski eitt sumar en mér líkaði strax
vel og því varð ekki aftur snúið. Ég lærði tré-
smíði og verkkunnátta úr faginu hefur oft komið
sér vel á fjöllum, sérstaklega nú á seinni árum
þegar verið er að opna skála fyrir sumarið, setja
upp dælur, vatnsveitur, gangsetja rafstöðvar og
símkerfi, koma upp nýrri aðstöðu og slíkt, sem
eru mín helstu verkefni,“ segir Kári og heldur
áfram:
„Ég er núna í seinni tíð að mestu kominn út
úr hefðbundnum landvörslustörfum, eins og að
sjá um fræðslu, rukka fyrir tjaldsvæði, vísa til
vegar eða standa í ströggli við fólk sem ekur ut-
an vega. Mér finnst afskaplega sárt þegar slíkt
gerist, hvort sem það er hugsunarleysi eða
ásetningur.“
Leiðsögumönnum séu sett skilyrði
Sú breyting er eftirtektarverð, segir Kári, að
ferðamenn sem áður komu til Íslands og hann
hitti inni á hálendinu voru mjög gjarnan fólk
sem var vel lesið, þekkti til náttúru og sögu og
var hingað komið til þess að bæta við þá þekk-
ingu sína. „Svona fólk hittir maður sjaldnar í
dag og ófáir virðast varla vita hvar þeir eru
staddir. Það finnst mér að einhverju marki geta
skýrt fjölgun slysa sem ferðamenn lenda í. Þá er
takmörkuð ef nokkur menntun erlendra leið-
sögumanna sem eru við störf á Íslandi umhugs-
unarverð. Þar verða stjórnvöld að setja einhver
skilyrði.“
Vörslu-
maður
öræfanna
 28. sumar Kára Krist-
jánssonar á hálendinu
Morgunblaðið/Sigurður Bogi
Landið „Vitund og áhugi á umhverfismálum hefur alltaf verið nærri mér,“ segir Kári á heimili sínu
þar sem hann hefur fallegt Herðubreiðarmálverk eftir Stefán Jónsson frá Möðrudal á stofuveggnum.
Með fjölgun erlendra ferðamanna til lands-
ins hefur álag á náttúruna aukist mikið,
segir Kári Kristjánsson. Æ fleiri leggja líka
leið sína upp á hálendið, en þó ekki í sama
mæli, og fjölgunin er á vinsælustu stöð-
unum niðri í byggð.
„Sem betur fer; hálendið myndi ekki
bera slíkt. Margir vilja ganga mjög grimmt
að náttúrunni, jafnvel stöðum sem eru í
mikilli hættu. Innan Vatnajökulsþjóðgarðs
get ég til dæmis nefnt Öskju, Hvannalindir
og Lakagíga. Þar má ekkert út af bregða,
svo og í Fjarðarárgljúfri sem er skammt
vestan við Kirkjubæjarklaustur. Aðrir staðir
bera álagið miklu betur, til dæmis Eldgjá,“
segir Kári.
Ganga grimmt
að náttúrunni
NOKKRIR STAÐIR Í MIKILLI HÆTTU