Víkurfréttir - 25.09.2003, Blaðsíða 4

4 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
B ítlabærinn Keflavík hef-ur alið af sér marga affremstu tónlistarmönn-
um landsins en varla er á neinn
hallað þegar sagt er að Hljóm-
ar standi þar fremstir í flokki.
Um þessar mundir heldur
hljómsveitin upp á 40 ára
starfsafmæli sitt og hefur af því
tilefni efnt til stórsýningar sem
enginn sannur tónlistarunn-
andi má missa af. Blaðamaður
Víkurfrétta hafði samband við
Gunnar Þórðarson til að fræð-
ast um þennan merkilega við-
burð.
Í hverju felst sýningin?
Við erum að kynna nýju plötuna
okkar þannig að við munum
spila lög af henni í bland við
gömlu lögin sem allir þekkja. Við
verðum með fimm aukahjóð-
færaleikara okkur til trausts og
halds á sýningunni, en þannig
finnst okkur við koma lögunum
betur til skila til áhorfenda. Fyrst
verður spilað undir borðhaldi fyr-
ir um 270 til 280 manns en eftir
það, um hálf tólf, verður húsið
opnað fyrir öðrum gestum og
hefðbundinn dansleikur tekur við
þar sem sérstakir leynigestir stíga
með okkur á svið.
Hvar er sýningin sett upp og
hvenær hefjast sýningar?
Hún verður í Stapa og verður
frumsýnd 4. október og svo
verða tvær aðrar sýningar þann
11. og 18. Við erum farnir að æfa
uppi í Stapa og rifja upp sporin!
Hafið þið verið að spila mikið
undanfarið?
Já, við erum búnir að spila um
allt land í sumar til að kynna nýju
plötuna okkar fyrir fólki, en hún
kemur einmitt út á frumsýningar-
daginn 4. október. Þá eru næstum
40 ár upp á dag frá því hljóm-
sveitin hélt sína fyrstu tónleika
þann 5. október 1963.
Er enn jafn gaman að spila með
strákunum eftir allan þennan
tíma?
Já já, þetta er aðeins öðruvísi en í
gamla daga. Maður er ekki eins
blautur á bak við eyrun en þetta
er mjög skemmtilegt og góður
andi í hópnum. Svo er líka
skemmtileg tilbreyting að stækka
bandið með aukahljóðfæraleikur-
unum.
Lofið þið ekki rífandi stemmn-
ingu?
Jú, svo sannarlega. Það verður
rífandi stemmning enda hef ég
heyrt af miklum áhuga víðar en
hér suðurfrá, til dæmis í Reykja-
vík og víðs vegar um landið. Við
vonumst auðvitað til að sjá sem
flesta en sérstaklega Keflvíkinga,
Njarðvíkinga og fleiri nærsveitar-
menn.
Er ekki hætt við að færri komist
að en vilji?
Jú, vissulega en ef eftirspurnin
verður það mikil verður slíkt at-
hugað þegar að því kemur.
Það er næsta víst að enginn verð-
ur svikinn af þessu einstaka tæki-
færi fyrir eldri kynslóðina til þess
að upplifa gömlu Hljóma-
stemmninguna og fyrir yngra
fólkið að kynnast einni ástsæl-
ustu hljómsveit okkar Íslendinga
frá upphafi.
Hljómar rifja upp sporin í Stapa
Jón Gunnarsson nýkjör-inn alþingismaður Sam-fylkingarinnar í Suður-
kjördæmi hefur látið af starfi
sínu sem framkvæmdastjóri
Sæbýlis. Þorsteinn Magnússon
fyrrverandi framleiðslustjóri
Vinnslustöðvarinnar í Vest-
mannaeyjum hefur verið ráð-
inn framkvæmdastjóri.
Jón sem starfaði hjá fyrirtækinu
frá árinu 1999 segist kveðja fyr-
irtækið með ákveðnum söknuði.
„Það hefur mikið uppbyggingar-
starf farið fram innan fyrirtækis-
ins síðustu ár og maður á eftir að
sakna þess. En tímabilið
framundan er mjög spennandi í
starf i mínu sem þingmaður,”
sagði Jón í samtali við Víkur-
fréttir, en þann 12. október fer
hann utan sem einn fulltrúa Ís-
lands á allsherjarþing Sameinuðu
Þjóðanna sem fram fer í New
York.
T angó er í tísku og rómantíkin blómstrar. Nú spretta uppMilonga (tangoböll) í Reykjavík og er boðið reglulegaupp á Milonga á Kaffe Kúltúre við Hverfisgötu og í
Iðnó. Argentínskur tangó er ástríðufullur stílhreinn para-
dans, sem á rætur að rekja til Buen-
os Aires í Argentínu og er dansaður
um allan heim. Einstök tangótón-
listin er drifkraftur dansins sem
byggist á aðferðum spuna og gerir
hvern dans að einstakri upplifun
parsins.
Föstudagskvöldið 3. október kl.
20:15 - 21:45 hefst 6 vikna nám-
skeið í Púlsinum í Sandgerði.
Kennarar verða hjónin Bryndís
Halldórsdóttir og Hany Hadya en
þau hafa kennt tangó um árabil
m.a. í Kramhúsinu. Sjálf hafa þau
lært hjá nokkrum af þekktustu
kennurum í Buenos Aires og víð-
ar. Skráning er í síma 848-5366
eða á netinu www.pulsinn.is
Ferskasta blaðið á Suðurnesjum í haust!
Nýr framkvæmda-
stjóri Sæbýlis Seiðandi tangó
Auglýsingasíminn
421 0000
VF 39. tbl. 24 pages 24.9.2003 12:57 Page 4