Víkurfréttir - 25.09.2003, Blaðsíða 16

Ávordögum fékk Miðstöðsímenntunar á Suður-nesjum styrk frá Starfs-
menntaráði til að standa fyrir
námskeiði um Reykjanesskag-
ann. Markmiðið var að efla vit-
und starfsfólks í ferðaþjónustu
á Reykjanesi um þá möguleika
sem Reykjanesskaginn hefur
upp á að bjóða fyrir ferða-
menn og náttúruunnendur.
Fyrirtækjum á Suðurnesjum var
boðið að taka þátt í þessu nám-
skeiði gegn vægu þátttökugjaldi.
Þátttaka var góð og hópurinn frá-
bær. Námskeiðið stóð yfir í fjóra
daga og byggðist upp á ferðum
með leiðsögn á áhugaverða staði
ásamt 3 tíma námskeiði um sölu-
tækni.
Ferðirnar
Fyrsta daginn var farið út á
Reykjanes með leiðsögumannin-
um Helgu Ingimundardóttur. Þó
svo flestir ef ekki allir hefðu
margoft komið á þessar slóðir
lærðu þátttakendur margt og sáu
nýja staði sem þeir höfðu ekki
séð áður s.s. sundlaugina sem
Grindvíkingar notuðu á árum
áður til að læra að synda. Í
Grindavík var m.a.farið í Salt-
fisksetrið og þaðan að Bláa lón-
inu þar sem uppbygging lónsins
var skoðuð og fræðst um fram-
tíðaráætlanir. Í ferðinni lærðu
þátttakendur um sérstæða jarð-
fræði Reykjanesskagans. Hópur-
inn endaði í Go-kart keppni þar
sem keppnisskap þátttakenda
kom í ljós.
Á öðrum degi var Íslendingur
skoðaður og sagði Gunnar Marel
frá smíði skipsins og siglingu
þess til Ameríku. Síðan var farið
í hvalaskoðun með Moby Dick
þar sem höfrungar sýndu listir
sínar við fögnuð viðstaddra. Að
sjóferð lokinni var farið í
Byggðasafn Reykjanesbæjar þar
sem Sigrún Ásta Jónsdóttir for-
stöðukona tók á móti hópnum og
fræddi viðstadda um byggðasögu
Suðurnesja. Þaðan var haldið út í
Garð með Halldóru Ingibjörns-
dóttur sem leiðsögumann og var
Byggðasafn Gerðahrepps skoð-
að. Frá Garði var haldið til Sand-
gerðis þar sem Reynir Sveinsson
á Fræðasetrinu tók við leiðsögn-
inni. Hann fór m.a. með hópinn í
Hvalsneskirkju þar sem
skemmtilegar sögur af Hallgrími
Péturssyni voru sagðar.
Á síðasta degi námskeiðsins var
farið út á Stafnes og gengið út að
Básendum með leiðsögn Reynis
Sveinssonar. Þar virtu viðstaddir
fyrir sér svæðið sem varð fyrir
flóði 1799, sem varð til þess að
verslun lagðist af. Frá Básendum
var haldið til Reykjanesbæjar þar
sem m.a. Keflavíkurborg var
skoðuð og aðrir áhugaverðir stað-
ir. Síðan var haldið til Voga og á
Vatnsleysuströnd og m.a. farið í
Kálfatjarnarkirkju en þar var
tekið á móti hópnum og hann
fræddur um sögu kirkjunnar.
Námskeið í sölutækni
Þátttakendur sátu námskeið í
sölutækni í hinu fallega umhverfi
Eldborgar. Gísli Blöndal mark-
aðs- og þjónusturáðgjafi hélt at-
hygli þátttakenda í 3 klst. með
líflegu og góðu námskeiði. Þátt-
takendur urðu enn betur meðvit-
aðir um gildi góðrar þjónustu og
sölumennsku og lærðu hagnýtar
og öflugar aðferðir sér til aðstoð-
ar.
Árangur
Þátttakendur voru sammála um
að námskeiðið hefði opnað augu
þeirra enn betur fyrir þeirri nátt-
úrperlu sem Reykjanesið er. Á
námskeiðinu lærðu þeir stuttar
sögur um svæðið, kynntust nýj-
um stöðum og urðu þar með
hæfari til að upplýsa ferðamenn
um Reykjanesið. Síðast en ekki
síst kynntust aðilar sem eru að
starfa í ólíkum greinum innan
ferðaþjónustunnar og myndaðist
þar með grundvöllur til frekari
samvinnu sem mun gagnast þeim
í starfi. Besta vopnið í aukinni
samkeppni um ferðamanninn er
samvinna á milli aðila á svæðinu.
Annað námskeið
Til stendur að halda annað nám-
skeið sem mun byrja 24. septem-
ber. Starfsmenn í ferðaþjónustu
eru hvattir til að mæta og fræðast
um allt það sem Reykjanesið hef-
ur upp á að bjóða. Námskeiðið
gagnast öllum þeim sem hafa
samskipti við ferðamenn s.s.
starfsfólk á bílaleigum, gististöð-
um, veitingastöðum, bensín-
stöðvum, hótelum, gistiheimilum
o.fl. Þeim sem hafa áhuga á þátt-
töku er bent á að hafa samband
við Miðstöð símenntunar á Suð-
urnesjum.
16 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
Námskeið um Reykjanesskagann
Innritun í körfubolta hjá 11 ára og yngri (minni-
bolti) hefst föstudaginn 26.sept. kl 18-21 í „K”húsinu við Hringbraut. Tösk-
ur fylgja þegar æfingargjaldið er greitt. Búningasett, íþróttagallar og flís-
peysur verða til sýnis á föstudaginn. en hægt er að kaupa það í versluninni
Kóda. Verð: 4. bekkur og yngri 1700 kr, árið 13.600 kr. 5-6. bekkur 2500 kr.
árið 20.000 kr.
Unglingaráð körfuknattleiksdeildar Keflavíkur.
VF 39. tbl. 24 pages 24.9.2003 14:26 Page 16