Víkurfréttir - 25.09.2003, Blaðsíða 19

VÍKURFRÉTTIR I 39. TÖLUBLAÐ I FIMMTUDAGURINN 25. SEPTEMBER 2003 I 19
Vegna fréttar sem birtist á blaðsíðu 4 í síð-asta tölublaði Víkurfrétta undir heitinu„ölvun unglinga á busaballi” vill undirrit-
aður koma eftirfarandi á framfæri. Skýrar regl-
ur eru um framkvæmd skemmtana á vegum
Nemendafélags Fjölbrautaskóla Suðurnesja (hér
eftir nefnt N.F.S.) sem háðar eru skemmtana-
leyfi. Farið var í hvarvetna eftir þessum reglum á
umræddri skemmtun. Fimm kennarar voru eft-
irlitsaðilar á skemmtuninni af hálfu skólans og
telja þeir að umrædd skemmtun hafi farið vel
fram og nemendur skemmt sér vel.Vissulega var
eitthvað um það að nemendur mættu undir
áhrifum áfengis þegar komið var á staðinn og
var allmörgum gestum meinaður aðgangur
vegna ölvunar. N.F.S. og skólinn hafa hingað til
gripið til aðgerða gegn þeim nemendum sem
virða ekki reglur um skemmtanahald á vegum
N.F.S. Hvorki N.F.S né Fjölbrautaskóli Suður-
nesja geta axlað ábyrgð á hegðan einstaklinga
fyrir eða eftir dansleik, en telja verður nokkuð
víst að umrædd tilvitnun um ölvun eigi við at-
burði sem gerst hafa utan hússins.
Meðferð áfengis og ólöglegra vímuefna eru ekki
liðin á skemmtunum N.F.S. Erfitt er að eiga við
þá einstaklinga sem hella í sig rétt áður en komið
er á dansleik, en foreldrar gætu vissulega aðstoð-
að okkur kennara í forvörnum á einfaldan hátt,
eins og t.d. með því keyra og sækja barnið sitt á
skólaskemmtun.
Með vinsemd og virðingu
Atli Þorsteinsson
Kennari og tengiliður
kennara við N.F.S
Hörkuleikir
í Reykja-
nesmótinu
Tveir leikir voru í Reykja-nesmótinu í körfubolta áþriðjudagskvöld en leik-
irnir fóru fram í Grindavík.
Haukar mættu Njarðvíkingum
og sigruðu Haukar með fimm
stiga mun í nokkuð jöfnum
leik, 80:75. Grindvíkingar tóku
á móti Keflvíkingum og var
um hörkuleik að ræða. Mikill
hraði var í leiknum og mikið
um 3ja stiga skot. Staðan í
hálfleik var 48:42 Keflavík í
vil, en Keflavík sigraði 91:78.
Næstu leikir í Reykjanesmót-
inu eru í Smáranum nk. föstu-
dag þar sem Keflavík mætir
Haukum klukkan 19 og Njarð-
vík leikur við Breiðablik
klukkan 21. Mánudaginn 29.
september verður spilað í
Keflavík en klukkan 19 mætir
Grindavík Breiðablik og
klukkan 21 verður nágranna-
slagur milli Keflavíkur og
Njarðvíkur.
Varðandi skemmtanir N.F.S.
Á laugardag verður haldið sér-
stakt skemmti- og styrktar-
kvöld í Stapanum sem körfu-
boltadeild Keflavíkur stendur
fyrir, en skemmtikvöldið er
liður í fjármögnun Keflavíkur
fyrir veturinn. Dagskráin er
glæsileg, en Svali Björgvins-
son verður veislustjóri, boðið
verður upp á skemmtiatriði,
hljómsveitin Breiðbandið treð-
ur upp og um kvöldið verður
dansleikur með hljómsveitinni
Á móti sól. Hrannar Hólm for-
maður körfuknattleiksdeildar
Keflavíkur segir að kvöldið sé
liður í fjármögnun fyrir vetur-
inn og verðinu sé stillt í hóf.
“Miðinn kostar 3. 500 krónur,
en innifalið í miðanum er mat-
ur, skemmtun og dansleikur á
eftir.” Hrannar segir að vetur-
inn í körfunni verði spennandi,
en óðum styttist í Íslandsmót-
ið. “Á mánudaginn verður síð-
an fyrsti Reykjanesbæjarslag-
urinn en þá mætast Keflavík
og Njarðvík klukkan níu í
Keflavík. Það verður ákjósan-
legt tækifæri til að skoða liðin
í hörkuleik, en við gerum ráð
fyrir að Nick Bradford og
Derrick Allen verði báðir með.
Ég á líka von á því að kanarnir
spili með Njarðvíkingum,”
sagði Hrannar Hólm í samtali
við Víkurfréttir.
Skemmti- og styrktar-
kvöld Keflavíkur-
körfunnar í Stapanum
Þorsteinn Bjarnason, fyrrum landsliðsmarkvörður, stóð í marki Grindvíkinga á laugardag í úrslitaleik þeirra gegn
KA í fallbaráttu úrvalsdeildarinnar í knattspyrnu. Þorsteinn er 46 ára gamall og lék síðast í deildinni fyrir þrettán
árum en hann hefur verið varamarkvörður liðsins frá því á miðju sumri þegar Ólafur Gottskálksson þurfti að taka
sér hvíld vegna meiðsla. Þorsteinn var fráleitt elsti maðurinn á vellinum því Eyjólfur Ólafsson var að dæma sinn
síðasta leik og Eyjólfur hefur fyllt fimm tugi. Haft var á orði í dag að um hálfgerðan Oldboys-leik væri að ræða í
Grindavík. Á meðfylgjandi mynd Hilmars Braga má sjá Þorstein markvörð sparka frá markinu og Eyjólf dómara í
baksýn. Ef ekki væru þessir tveir gulklæddu á myndinni gæti myndin allt eins verið úr einhverjum Oldboys-leik
eins og fyrr greinir. Þeir sem lesa þessa frétt eru hvattir til að reyna ekki að telja áhorfendurna í stúkunni.
Þorsteinn í markinu hjá Grindavík
VF 39. tbl. 24 pages 24.9.2003 13:34 Page 19