Morgunblaðið - 26.08.2017, Blaðsíða 26

26 UMRÆÐAN
MORGUNBLAÐIÐ LAUGARDAGUR 26. ÁGÚST 2017
Þorsteinn Þorsteinsson varð í4.-8. sæti í flokki 50 ára ogeldri á Evrópumóti eldriskákmanna sem fram fór í
Barcelona á Spani dagana 12.-20.
ágúst. Þorsteinn hlaut sex vinninga
af níu mögulegum, taplaus og náði
eftirtektarverðum árangri gegn
þeim stórmeisturum sem hann
mætti, hlaut 2½ vinning af fjórum
mögulegum og lagði að velli stiga-
hæsta keppandann, Georgíumann-
inn Zurab Sturua. Sigurvegari varð
Armeninn Karen Movsziszian en
hann fékk sjö vinninga af níu mögu-
legum.
Hinn íslenski keppandinn, Bragi
Halldórsson, tefldi í flokki keppenda
65 ára og eldri. Eftir að Bragi hætti
sem íslenskukennari við MR hefur
hann fengið meiri tíma til að sinna
áhugamáli sínu og öðrum viðfangs-
efnum en nýlega gaf hann út ritið
Ævintýri frá miðöldum. Bragi hlaut
4½ vinning úr níu skákum og hafn-
aði í 32. sæti af 66 keppendum. Sig-
urvegari var Svíinn Nils-Gustaf
Renman.
Með frammistöðu sinni komst
Þorsteinn yfir 2.300 elo-stig og var
hársbreidd frá því að ná áfanga að
alþjóðlegum meistaratitli. Hann
undirbjó sig vel fyrir hverja skák
sem kom vel fram í eftirfarandi skák
sem tefld var um miðbik mótsins:
EM Barcelona 2017, 4. umferð:
Kolesar Milan – Þorsteinn Þor-
steinsson
Sikileyjarvörn
1. Rf3 Rf6 2. c4 c5 3. Rc3 Rc6 4.
d4 cxd4 5. Rxd4 g6 6. e4 d6 7. Be2
Rxd4 8. Dxd4 Bg7 9. Be3 0-0 10.
Dd2 a5 11. 0-0 a4 12. f3 Da5 13.
Hab1 Be6 14. Rd5?!
Lítur vel út en er tiltölulega mein-
laus atlaga. Hvítur beinir sjónum að
e7-peðinu en Þorsteinn lætur sér
fátt um finnast.
14. … Dxd2 15. Rxe7+ Kh8 16.
Bxd2 Hfe8 17. Rd5 Rxd5 18. cxd5
Bxd5 19. Bb5 He5!?
- sjá stöðumynd -
Athyglisverður leikur. Svartur
gat einnig leikið 19. … Bc6, 19. …
Bd+ og síðan 20. … Bxa2 eða jafn-
vel 19. … Bxa2 strax í öllum tilvikum
með góðri stöðu.
20. b3
20. Bc3 hefði verið svarað með
20. … Bxa2 21. Bxe5 Bxe5! og svarta
staðan er sigurvænleg.
20. … Bxb3! 21. axb3 Hxb5 22.
bxa4 Bd4+!
Vel leikið. Áður en svartur stofnar
til uppskipta á hrókum hrekur hann
kónginn út í horn. Hvítur getur þ.a.l.
ekki seilst eftir b7-peðinu.
23. Kh1 Hxb1 24. Hxb1 Hxa4 25.
Bf4 Bc5 26. g3 Hb4 27. Hd1 Hb6 28.
e5 dxe5 29. Bxe5+ f6 30. Hd8+?
Hvítur varð að leika 30. Hd5! og á
þá jafnteflisvon t.d. 30. … Bf8 31.
Bd4! o.s.frv
30. … Kg7 31. Hd7+ Kf8 32. Bc3
Be7 33. Kg2 Kf7 34. Be1 Hb2+ 35.
Kh3 Ke6
Úrvinnsla Þorsteins er með ágæt-
um. Hann bætir kóngsstöðuna áður
en b-peðið rúllar af stað.
36. Hd3 b5 37. g4 b4 38. Bg3 Hc2
39. He3+ Kf7 40. f4 Hc3 41. He4 b3
– og hvítur gafst upp.
Aronjan sigraði í St. Louis –
Kasparov varð í áttunda sæti
Garrí Kasparov náði að rétta hlut
sinn lokadaginn á at- og hrað-
skákmótinu sen lauk í St. Louis í
Bandaríkjunum um síðustu helgi. Þá
fékk hann 5½ vinning úr níu hrað-
skákum. Á twitter, degi eftir keppn-
ina, stóð: „Hva, engin umferð dag?
Ég er orðinn funheitur og ungu
strákarnir farnir að þreytast.“
Ólíklegt verður að telja að Kasp-
arov láti staðar numið eftir þetta.
Hann þótti skipuleggja tímanotkun
sína illa og lenti oft í heiftarlegu
tímahraki. Lokaniðurstaðan varð
þessi: 1. Aronjan 24½ v. (af 36) 2.-3.
Karjakin og Nakamura 21½ v. 4.
Nepomniachtchi 20 v. 5.-7. Dom-
inguez, Quang Liem og Caruana 16
v. 8. Kasparov 15½ v. 9. Anand 14 v.
10. Navara 13 v.
Þorsteinn í 4.-8.
sæti á EM öldunga
– vann stigahæsta
keppandann
Skák
Helgi Ólafsson
helol@simnet.is
Tveir góðir Bragi Halldórsson sem tefldi í flokki 65 ára og eldri og Þor-
steinn Þorsteinsson sem tefldi í flokki 50 ára og eldri
Ýmsir hafa rætt
það við mig að þeir
séu í senn óánægðir
og hneykslaðir á því
að minningu for-
feðra þeirra sé ekki
sá sómi sýndur í
Víkurgarði sem
venja er hér á landi.
Ekki er nóg með að
leiðum sé raskað.
Borgaryfirvöld hafa
gert garðinn að heldur óyndislegu
sölutorgi. Þau segja að búið sé að
raska svo miklu að litlu skipti
hvað gert sé við garðinn. Með öðr-
um orðum: Eyðilegging réttlætir
meiri eyðileggingu.
Það sjá allir að þótt seint sé
verður að stöðva þá skelfilegu
þróun sem þarna á sér stað. Það
verður ekki gert með blaðagrein-
um einum. Almenningur þarf að
láta af sér vita. Þess vegna birti
ég hér nöfn þeirra látnu Reykvík-
inga, sem Jón Helgason birtir í
Árbókum Reykjavíkur frá árinu
1786-1838. Hann nefnir aðeins þá
þekktustu. Langflestir þeirra sem
nefndir eru voru jarðsettir í aust-
urhluta garðsins, þar sem mest
hefur verið raskað.
Nöfnin koma hér á eftir. Ég
hvet alla er finna þar ættingja
sem þeim finnst að sýna mætti
meiri ræktarsemi til að senda
borgarstjóra mótmæli vegna þess
hvernig farið er með hvílustað
þeirra. Þeir sem ekki finna þarna
frændur en vilja samt mótmæla
geta að sjálfsögðu gert það án
þess að tengja það nafni. Hægt er
að senda skilaboð á
netfangið erindi-
@reykjavik.is Þar þarf
ekki að skrifa meira en
t.d.: Ég undirr. mót-
mæli fyrirhuguðum
framkvæmdum í Vík-
urgarði, bið um að
garðurinn fái land sitt
aftur og verði endur-
skipulagður sem merk-
asti sögustaður í
Reykjavík. Síðan nafn
og kennitala.
1790: Sr. Guðmundur
Þorgrímsson dómkirkjuprestur.
1791: Jafet Illugason lóskeri við
Innréttingarnar. 1795: Sigurður
Erlendsson í Götuhúsum. Halldóra
Sigurðardóttir kona Gísla Thorla-
cius rektors á Hólavelli. Hún var
grafin innan kirkju. 1804: Jóhann
Árnason biskups Þórarinssonar,
kennari á Hólavelli. 1805: Arnes
Pálsson útileguþjófur, niðursetn-
ingur í Engey. 1807: Þorkell
Magnússon, fyrrum barnakennari
á Grænlandi. 1811: Runólfur
Klemensson fv. faktor, sem
drukknaði í Tjörninni. Þórður Sig-
hvatsson bóndi í Hlíðarhúsum,
ættfaðir Thorlaciusættarinnar
vestfirsku. Filippus Gunnarsson
faktor og signetasmiður. Teitur
Sveinsson vefari og verkstjóri við
Innréttingarnar, ættfaðir Teits-
ættar. 1812: Egill borgari Helga-
son Sandholt. 1815: Þorkell Guð-
mundsson Bergmann kaupmaður,
sem kom mikið við sögu á upp-
hafsárum bæjarins. 1821: Jóhann-
es Zoëga tugtmeistari o.fl., ætt-
faðir Zoëgaættarinnar. Skafti
Sæmundsson í Götuhúsum. 1822:
Guðbrandur Vigfússon lyfsali í
Nesi. 1825: Benedikt Gröndal fv.
yfirdómari. Aneka Sandholt, ekkja
Egils Sandholt, 1827: Sigurður
Pétursson fv. sýslumaður og leik-
ritahöfundur. Árni Jónsson
(Reynistaðamágur), sem Jörundur
dubbaði til land- og bæjarfógeta.
Henrik Scheel tugthúsráðsmaður
o. fl. Christofer Faber fv. faktor.
1828: Lars Michael Knudsen
kaupmaður. 1832: Finnbogi
Björnsson fv. verslunarmaður í
Finnbogabæ. (Tengdasonur Teits
Sveinssonar í Teitsbæ). Lárus Sig-
urðsson stud. theol. 1833: Guð-
laugur Sívertsen kaupmaður.
1834: Hans Pétur Möller faktor.
Einar Jónsson tómthúsmaður í
Þingholti. 1835: Gunnlaugur Odds-
son dómkirkjuprestur. Lars Hölt-
er beykir. Einar Jónsson
verslunarstjóri frá Gili. Sólveig
Bogadóttir Thorarensen, eigin-
kona Odds Thorarensen lyfsala.
1836: Guðmundur borgari Bjarna-
son, ættfaðir Borgarabæjarættar-
innar. 1837: Jens Egilsson Sand-
holt tómthúsmaður.
Ættingjar þínir í Víkurgarði
Eftir Þóri
Stephensen ȃg hvet alla er finna
þar ættingja að
senda borgarstjóra mót-
mæli vegna þess hvern-
ig farið er með hvílustað
þeirra.
Þórir Stephensen
Höfundur er fyrrverandi dóm-
kirkjuprestur og staðarhaldari í
Viðey.
Atvinna
Til hvers að skipa all-
ar þessar nefndir og af
hverju þurfa þær að
starfa? Eða nei, þær
reyndar starfa ekki, svo
af hverju þurfa þær að
lifa svona lengi? Tökum
sem dæmi nefnd sem
fjalla á um veiðigjöld.
Hvað í ósköpunum er
hún að gera? Það er
hægt að afgreiða þessi
veiðigjöld á einum fundi: a) Veiði-
gjald er % af aflaverðmæti. b)
Kvótahafar borgi veiðigjald, ekki
leiguliðar. c) Fiskvinnslan borgar
sín veiðigjöld sjálf.
Það er algjört glapræði hvernig
menn finna út veiðigjöld. Ein-
hverjum datt í hug að finna út hver
hagnaður útgerðarinnar væri, segj-
um 10%, sama aðila datt svo í hug
að skoða hagnað fiskvinnslunnar og
fékk líka 10%, þá fékk hann það út
að hagnaður sjávarútvegsins væri
20% og best væri að útgerðin borg-
aði það allt. Ég stórefast reyndar
um að það standist stjórnarskrá að
láta menn og fyrirtæki borga skatt
og gjöld fyrir aðra.
Einnig fundu þessir hottintottar
það út að best væri að innheimta
þetta sem krónutölu af lönduðum
afla, og þá skipti engu máli hvort
viðkomandi fengi úthlutaðan kvóta
eða ekki. Veiðigjöld voru jú hugsuð
sem tekjur fyrir þjóðarbúið fyrir að
fá úthlutaðan kvóta, hét fyrst auð-
lindagjald ef ég man rétt.
Gallinn við að hafa þetta sem
fasta krónutölu er að þú getur lent
í því að veiðigjöldin verði meiri en
aflaverðmætið, ólíklegt, en hefur
samt gerst þetta árið þegar margar
sölur á fiskmarkaði fara á svokall-
aða núllsölu, það er aflinn selst
ekki.
En aftur að nefndunum. Eina
nefndin sem virkilega er þörf á er
ráðherravalsnefnd sem hefði það
starf að velja ráðherra sem eru
með bein í nefinu og þora að taka
ákvarðanir en láta ekki einhverja
Bjarnabófa stjórna
öllu eins og raunin
er í atvinnuvegaráðu-
neytinu. Ráðherra
gerir ekkert annað
en að skipa í nefndir
og neitar að taka
ákvörðun af því að
nefndin er ekki búin
að skila sínu. Ég
spyr nú bara til
hvers í helvítinu er-
um við með ráðherra
ef þeir geta ekki tek-
ið af skarið og gert
það sem þarf að laga? Ráðherra á
að sjá til þess að vélin gangi smurt.
Það er ekki þjóðarhagur að útgerð-
ir allt í kringum landið hálflamist
eftir 1. september vegna stórhækk-
unar veiðigjalda. Eina sem ráð-
herra hefur sagt er að menn hefðu
átt að vita þetta og leggja til hliðar.
Hún hefði nú kannski átt að gera
það líka fyrir hrun. Átti ég að vita
það 2015 hvað ég mundi veiða mik-
ið árið 2018? Þarna kemur berlega
í ljós hvað þetta er arfavitlaus að-
ferð við að innheimta veiðigjöld.
Einföldum þetta aðeins svo fólk,
sem ekki vinnur við þetta, skilji
hvað ég er að segja. Leggjum bara
fastan krónutöluskatt á öll hús, t.d.
1.000 kr. á fermetra, óháð því hvað
húsið er verðmætt, en í lögum um
þennan skatt er sett ákvæði um að
þeir sem búa í húsinu eigi að
borga, ekki þeir sem eiga húsið.
Hvaða rugl er það? Ég veit að
þetta er mikil einföldun á því
hvernig veiðigjöldin eru innheimt
en þetta er samt ekkert langt frá
lagi.
Ráðherra ætlar nú með þver-
móðsku og í skjóli Bjarnabófanna
ekki að gera neitt fyrr en áð-
urnefnd nefnd er búin að skila
sínu.
Já, og eitt enn; af hverju eru
alltaf vinir vina valdir í nefndir, af
hverju ekki fólk sem stafar í við-
komandi greinum? Ég er viss um
að ef fólk, sem er að vinna við það
sem nefndirnar eiga að fjalla um,
yrði sett í nefndir væri hægt að
stytta líftíma þeirra um 80%, fólk
er ekki að hanga og bíða eftir ein-
hverjum kaffibollum, vínarbrauði
eða öðrum sporslum frá ríkinu,
fólkið vill fá niðurstöðu strax svo
hægt sé að halda áfram að vinna.
Gott dæmi um hvað ráðherrar og
stjórnvöld eru hryllilega máttlaus
er gjaldtaka á ferðamenn. Íslend-
ingar eru svo vitlausir, eða öllu
heldur íslensk stjórnvöld, að þau
þurfa alltaf að reyna að finna upp
hjólið þegar aðrir eru búnir að
byggja limósínur ofan á sín hjól
fyrir hagnaðinn af ferðamönnum á
meðan við erum enn að reyna að
hanna hjólið. Þarna vantar ráð-
herra með bein í nefinu til að
ákveða og fylgja því eftir sem
ákveðið er en ekki láta grátkóra
endalaust stjórna sér. Það mætti
halda að Kristján gamli í LÍÚ hefði
gefið út námskeið á geisladisk í
grátkórslistinni, það eru bara allir
komnir með þessa tækni. Ísland er
búið að tapa milljörðum á milljarða
ofan vegna þessarar vangetu
stjórnmálamanna. Ísland hefur
ekkert að gera með gelda ráðherra
með ákvörðunarfælni.
Ég legg það til, frú Þorgerður,
að þú gyrðir þig í brók með okkur
og ég skal koma með þér í þennan
sameiginlega garð okkar og við för-
um að reyta burt allt þetta illgresi
sem í honum er. Byrjum á veiði-
gjöldunum, þau þarf að klára fyrir
1. september, og svo tökum við hin
beðin á eftir.
Óþarfar nefndir
Eftir Þórð
Birgisson »Einnig fundu þessir
hottintottar það út
að best væri að inn-
heimta þetta sem
krónutölu af lönduðum
afla, sama hvort við-
komandi fengi kvóta eða
ekki.
Þórður Birgisson
Höfundur er sjómaður.