Fréttablaðið - 24.02.2018, Síða 106

Helstu poppstjörnur níunda áratugarins höfðu lítinn sem engan áhuga á því að halda tónleika á Íslandi þegar
þær voru á hátindi frægðarinnar.
Unglingar þessarar miklu gull-
aldar sem kennd er við 80’s hafa þó
heldur betur fengið æskudrauma
sína uppfyllta á fullorðinsárunum
eftir að hetjur herðapúða og sítt að
aftan áranna hafa sótt landið heim
í stríðum straumum. Hápunktur
þessa árs verður í ágúst þegar breska
leðurvillidýrið Billy Idol heldur hér
tónleika. Hann virðist vera í topp-
formi og ætti ekki að klikka. En
hvaða ellismellir hafa staðið sig best
hingað til?
Elliærir bítladýrkendur og rokk-
hundar sem telja sig mun svalari en
þeir eru í raun og veru þreytast seint
á að tala tónlist níunda áratugarins
niður. Þetta hafi allt verið svo innan-
tómt og hallærislegt. Samt lifir þessi
tónlist enn góðu lífi, enda sígild.
Annars gæti Siggi Hlö varla með
góðu móti haldið úti vikulegum
útvarpsþætti sem keyrir á „eitísinu“.
Og gömlu stjörnunum er tekið
fagnandi, rétt eins og þær væru enn
á toppi allra vinsældalista. Kannski
nenna þau að koma hingað núna
vegna þess að þau eru blönk. Gildir
einu fyrir óbilandi aðdáendurna
sem eru á besta aldri og hafa tíma
og peninga til þess að hverfa aftur í
tímann eina kvöldstund.
„Ég er ógurlega spenntur fyrir
komu Billys Idol til landsins og
hlakka til tónleikanna í Höllinni
í ágúst því Billy er minn maður og
hefur verið líklega allt frá árinu
1983,“ segir Kjartan Guðmundsson,
fjölmiðlamaður, KR-ingur og „eitís“-
sérfræðingur.
„Hann hóf ferilinn sem meðlimur
í pönksveitinni Generation X og tók
slatta af pönklúkkinu og -atti tjúdinu
yfir í sólóferilinn, sem byggði þó
helst á rokkskotnu poppi og einstaka
ballöðu,“ segir Kjartan sem ætlar að
mæta fjallbrattur á tónleikana enda
„orðinn allt of gamall til að velta því
sérstaklega fyrir mér hvað öðrum
þykir töff og hvað ekki.“
Idol hefur ekki lifað neinu kór-
drengslífi þannig að spurningin er
hvort hann geti enn haldið dampi.
„Ferillinn hjá Billy Idol hefur svo
sem aldrei borið sitt barr eftir lok 9.
áratugarins, enda var hann að eigin
sögn oft og tíðum uppteknari við að
upphugsa aðferðir til að drepa sig en
að búa til tónlist, meðal annars með
neyslu annarlegra efna og ofsaakstri
í umferðinni í Los Angeles,“ segir
Kjartan en bendir á að hin síðari ár
hafi „margir áttað sig á því að margt
af gamla stöffinu hans er stórgott og
jafnast á við það besta sem eitísið ól“.
Bryan Ferry
Harpa 2012
Roxy Music-töffarinn Bryan Ferry er vitaskuld miklu stærri en 80’s. Hálfgerður guðfaðir þar
sem Roxy Music hafði mikil áhrif á „eitís“-hljóm-
sveitir. Ekki síst Duran Duran.
Þessi jakkafataklæddi eilífðarspaði steig á svið í
Eldborg 67 ára gamall og var frábær. Arnar Eggert
Thoroddsen sagði þetta meðal annars um tón-
leikana:
„Þrátt fyrir köflótt rennsli var heildarupplifunin
góð. Það virðist bara vera eitthvað við það að upp-
lifa gangandi goðsagnir frá fyrstu hendi sem fær
mann til að slaka á óþarfa poti.“
Paul Young
Harpa 2011
Paul Young heillaði á sínum tíma með lögum eins og Love Of the Common People og Come Back And Stay. Honum var tekið
fagnandi en þegar á hólminn var komið kom á daginn að hann var
heillum horfinn. Gat ekkert.
Paul Young nýtur þess vafasama heiðurs
að vera langslappasta 80’s-stjarnan sem sótt
hefur landið heim. Fólk baulaði á Young og
margir yfirgáfu salinn áður en tónleikunum
lauk.
DV fjallaði um vonbrigðin og þar sagði:
„Young átti hryllilegan dag á sviðinu og var
augljóst að hann réð ekki við sín eigin lög
lengur.“ Einar Bárðarson, umboðsmaður Íslands,
sagði: „Maðurinn var ekki í standi til að syngja opin-
berlega,“ og mælti með að Young færi í söngnám.
Útvarpsmaðurinn Þórður Helgi Þórðarson, Doddi litli,
var miður sín: „Ég hélt mikið upp á fyrstu plötuna hans, No
Parlez, og á hana í dag. Vonbrigðin voru samt rosaleg og ég var
búinn að gefast upp eftir tuttugu mínútur.“
Stóri bömmerinn
Duran Duran
Egilshöll 2005
Duran Duran var vinsælasta 80’s-hljómsveitin á Íslandi í kringum
1985 og aðdáendur áttu þann draum
heitastan að sjá fimmmenningana
frá Birmingham á sviði. Þeir létu þó
ekki sjá sig fyrr en 2005 en stóðu sig
frábærlega.
Sá sem hér skrifar hafði þetta um
tónleikana að segja í Fréttablaðinu
á sínum tíma: „Drengirnir tóku Wild
Boys með ótrúlegum krafti og þar
kannaðist maður við sína menn; John
mátulega hress á öðrum kantinum
en Andy dýrvitlaus á hinum með sól-
gleraugun og logandi sígarettuna.“
Og hlutdræg lofrullan hélt svo
áfram: „Tónleikarnir verða öllum
alvöru Duran Duran-aðdáendum
ógleymanlegir en þeir sem skemmtu
sér ekki í Egilshöllinni á fimmtu-
daginn hafa verið á röngum stað á
röngum tíma og hefðu aldrei átt að
leggja leið sína þangað. Þeir sem
þekkja Duran Duran og kunna að
meta þá fengu hins vegar allar óskir
sínar uppfylltar.“
Tónleikarnir voru frábærir og hljóta
að teljast bestir þar fyrir utan vegna
þess hversu langþráðir þeir voru og
reyndust síðar sögulegir þar sem þeir
voru með síðustu tónleikunum sem
sveitin kom fram á í upprunalegri
mynd þar sem gítarleikarinn Andy
Taylor var rekinn skömmu síðar.
Cindy Lauper
Eldborg 2011
Góður rómur var gerður að tónleikum Cindyar Lauper. Hún er vitaskuld þvottekta 80’s-stjarna þótt hún hafi
alla tíð mátt standa í skugga drottningarinnar Madonnu
og ekki haft sama úthald.
Lög eins og Girls Just Want to Have Fun, Time After
Time, She Bop, All Through the Night og True Colors
munu halda nafni þessarar litríku og mögnuðu söngkonu
á lofti um ókomna tíð.
Baldur Arnarson skrifaði um tónleikana í Morgun-
blaðið, gaf þeim þrjár stjörnur og hélt vandlega til haga
því sem mestu máli skipti: „Allir þekkja lagið „Girls Just
Want to Have Fun“. Salurinn rís á fætur. Geðshræringin
leynir sér ekki hjá heitustu aðdáendunum.“ Og: „Kvöldið
er ekki stórbrotið. En það gleymist ekki heldur.“
Billy Idol heldur sér
merkilega vel þrátt
fyrir aldur og líferni
en hann var nú
kannski aldrei sá fal-
legasti í bransanum.
NORDICPHOTOS/GETTY
Herðapúðar
gaddabelti
gloss og
eilífðarinnar
2 4 . f e b r ú a r 2 0 1 8 L a U G a r D a G U r62 L í f i ð ∙ f r É T T a b L a ð i ð
Lífið
2
4
-0
2
-2
0
1
8
0
4
:3
5
F
B
1
1
2
s
_
P
1
0
6
K
.p
1
.p
d
f
F
B
1
1
2
s
_
P
1
0
3
K
.p
1
.p
d
f
F
B
1
1
2
s
_
P
0
0
7
K
.p
1
.p
d
f
F
B
1
1
2
s
_
P
0
1
0
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
F
0
D
-2
C
2
8
1
F
0
D
-2
A
E
C
1
F
0
D
-2
9
B
0
1
F
0
D
-2
8
7
4
2
7
5
X
4
0
0
.0
0
1
7
A

F
B
1
1
2
s
_
2
3
_
2
_
2
0
1
8
C
M
Y
K