Fréttablaðið - 07.04.2018, Page 102

H reindís Ylva Garð-arsdóttir Holm er fædd 1. mars 1989 og situr í fjórða sæti á lista Vinstri grænna til borgar-
stjórnar í vor. Hún er leikkona og
lauk námi frá hinum virta Guild-
ford School of Acting í Bretlandi.
„Ég ákvað ellefu ára gömul að
Ungt fólk í stjórnmálum
Leigumarkaðurinn
er eins konar lottó
Hreindís Ylva Garðarsdóttir Holm er einna yngst á lista Vinstri
grænna til borgarstjórnar í vor og vill leggja höfuðáherslu á hús-
næðismál, menningu og listir, femínisma og geðheilbrigðismál.
Hreindís vill auka
aðgengi barna að
menningu og listum í
borginni. Fréttablaðið/
SteFán KarlSSon
verða leikkona,“ segir Hreindís Ylva
frá. Íslendingar þekkja hana ef til vill
af fjölunum eða hvíta tjaldinu. Hún
fór til að mynda með hlutverk í kvik-
myndinni Óróa eftir Baldvin Z.
Hreindís Ylva hefur haft mörg járn
í eldinum allt frá uppvexti og því
kemur það líklega þeim sem þekkja
hana ekki á óvart að hún taki nú virk-
an þátt í stjórnmálum. Hún stundaði
einnig nám við Tónlistarskóla FÍH á
jazzsöngbraut og hóf nám í stjórn-
málafræði.
„Það er fremur stutt síðan ég hóf
afskipti af stjórnmálum. Þótt ég hafi
alla tíð haft mikinn áhuga á þeim,“
segir Hreindís Ylva.
„Ég var svolítið með mínar skoð-
anir á kantinum. Ég bjó í London í sex
ár, á meðan ég stundaði leiklistarnám
og einbeitti mér eingöngu að leikhúsi
og leiklist. Ég flutti svo heim árið
2016 og þá stóðu yfir kosningar í kjöl-
far Panamalekans,“ segir Hreindís
Ylva sem ákvað á þeim tímapunkti
að hefja nám í stjórnmálafræði. „Ég
fór á svokallaðar leiðtogaumræður
og hitti þar Katrínu Jakobsdóttur.
Frá þeim tímapunkti dróst ég inn í
heim stjórnmála og það verður ekki
aftur snúið,“ segir Hreindís Ylva sem
nefnir Katrínu Jakobsdóttur sem eina
Kristjana Björg
Guðbrandsdóttir
kristjana@frettabladid.is
Myndir úr lífi Hreindísar
Hreindís Ylva á
að baki fjöl-
breytta menntun
og starfsferil
þrátt fyrir ungan
aldur. Hún hefur
bæði starfað við
leiklist og söng.
Hún keppti í
eurovision og
hefur starfað
sem flugfreyja,
svo fátt eitt sé
upptalið.
af þeim stjórnmálamanneskjum sem
hún lítur mest upp til.
„Það eru ótrúlega margar, og þar
eru konur í meirihluta. Mér finnst
setning sem vinkona mín sagði við
mig einu sinni lýsa því vel hvernig
mér líður stundum: ,,Við stöndum á
öxlunum á risum,“ og var þá um að
ræða allar ótrúlegu konurnar sem
hafa farið á undan okkur og rutt
brautina, súffragettur, rauðsokkur og
allar konurnar sem fengu virkilega að
heyra það fyrir það eitt að reyna að
kjósa og/eða bjóða sig fram. En ef ég
má bara velja eina þá ætla ég, og þetta
er kannski klisja, að nefna formann
minnar eigin hreyfingar og forsætis-
ráðherra, Katrínu Jakobsdóttur. Ég
hef dáðst að henni af kantinum öll
hennar ár í stjórnmálum og það er
svo gott þegar einhver sem maður
hefur litið upp til veldur svo ekki von-
brigðum við persónuleg kynni. Ég
verð henni ævinlega þakklát fyrir að
taka sér tíma til að setjast niður með
ungri konu sem hafði ótal spurningar
um hvernig væri best að snúa sér ef
hún vildi prófa pólitík. Hún er hrein
og bein, eldklár og sönn, jarðbundin
og á sama tíma ótrúlega fyndin og
skemmtileg kona,“ segir Hreindís
Ylva.
Ákvörðun hennar um að taka
virkan þátt í stjórnmálum vatt upp
á sig og hún fékk tækifæri til áhrifa.
„Ég held að í stjórnmálum gildi að
einhverju leyti sömu lögmál og í leik-
list. Það er réttur staður og stund fyrir
þig. Í mínu tilfelli small allt saman
og ég tók þátt í stjórnmálastarfi með
Vinstri grænum. Það urðu óvænt
aðrar kosningar og þá tók ég ellefta
sæti á lista í Reykjavík norður. Ég
lærði mjög mikið á því,“ segir Hrein-
dís Ylva. Spurð hvort ákveðin reynsla
hafi mótað hana og komi að gagni í
stjórnmálum nefnir Hreindís Ylva afa
sinn sem fyrirmynd.
„Mér hefur stundum fundist
merkileg tilviljun að einmitt á sama
tíma og ég tók þá ákvörðun að
sökkva mér á kaf í pólitík þá lést afi
minn sem var alla tíð mjög pólitískur
og mikill vinstri maður og var virki-
lega ánægður með að ég var farin að
taka þátt í pólitík. Kannski svolítið
eins og ég hafi tekið við hans kyndli,
sem er mikill heiður.
Eins gaf það að taka virkan þátt
í #metoo-hreyfingunni mér byr
undir báða vængi og sýndi mér hvað
einstaklingar geta virkilega breytt
miklu,“ segir hún frá.
Hreindís Ylva starfar nú bæði sem
leiklistar- og söngkennari. „Listir
og menning fyrir börn og þátttaka
þeirra er mér ofarlega huga. En líka
almennt aðgengi fólks að listum og
menningu. Ég vil auka aðgengi fólks
að menningarstofnunum okkar.
Fólks sem býr við ýmiss konar
skerðingar sem hamlar því að það
geti notið til dæmis leiksýninga eða
tónleika,“ segir Hreindís Ylva og
nefnir dæmi frá London. „Þar tíðkast
að halda sýningar sem eru afslapp-
aðar, þar er kannski sleppt björtum
og skerandi ljósum og hvellum
hávaða. Þar fá þeir sem eru með tou-
rette að trufla án þess að hafa af því
áhyggjur,“ segir hún og vill að menn-
ingarstofnanir borgarinnar bjóði upp
á sýningar í þessum anda.
„Ég vil einnig auka aðgengi barna.
Ég kenni 130 börnum í hverri viku.
En ég hef samt aðeins kennt einu
barni sem hefur ekki íslensku að
móðurmáli. Það getur ekki verið að
börn innflytjenda hafi ekki áhuga.
Ég held að það vanti að bjóða þeim
upp á þetta, að aðstoða foreldra þeir
ra. Ég held að lausnin sé að færa listir
og menningu í auknum mæli til skól-
anna, mér finnst þetta mikilvægt.“
Hreindís Ylva nefnir einnig að hús-
næðismálin séu þau allra mikilvæg-
ustu í hugum ungs fólks. Hún leigir
íbúð í Fossvogi og sér ekki fram á að
geta keypt sér íbúð.
„Leiga í Reykjavík er almennt fárán-
lega há. Ég sá stúdíóíbúð auglýsta á
dögunum á 190.000 krónur. Markað-
urinn er svona af því hann getur verið
svona. Það er auðvitað vonlaus staða
sem blasir við ungu fólki á húsnæðis-
markaði, vonlaust að kaupa og leigu-
markaðurinn er einhvers konar lottó,“
segir Hreindís Ylva.
frettabladid.is Viðtalið má lesa í
lengri útgáfu á Fréttablaðið.is
7 . a p r í l 2 0 1 8 l a U G a r D a G U r38 H e l G i n ∙ F r É T T a B l a ð i ð
0
7
-0
4
-2
0
1
8
0
4
:3
3
F
B
1
2
8
s
_
P
1
0
7
K
.p
1
.p
d
f
F
B
1
2
8
s
_
P
1
0
2
K
.p
1
.p
d
f
F
B
1
2
8
s
_
P
0
2
2
K
.p
1
.p
d
f
F
B
1
2
8
s
_
P
0
2
7
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
F
6
0
-8
E
3
4
1
F
6
0
-8
C
F
8
1
F
6
0
-8
B
B
C
1
F
6
0
-8
A
8
0
2
7
5
X
4
0
0
.0
0
1
6
B

F
B
1
2
8
s
_
6
_
4
_
2
0
1
8
C
M
Y
K