Feykir - 23.11.2016, Side 27

2 72 01 6
Karólína kom til Íslands eftir
að námi í framhaldsskóla lauk
og réði sig sem vinnukonu
að Húsatóftum á Suðurlandi.
Fljótlega eftir komuna skynj-
aði Karólína að Ísland væri
landið hennar. „Þetta var mjög
skrítið. Ég get ekki útskýrt
það beint en það var þannig
að mig langaði til að búa á
Íslandi. Ég fór samt aftur út í
nám og stofnaði að því loknu
fyrirtæki, með þáverandi
kærasta mínum, sem enn er
starfandi. Mér datt í hug að
það gæti gengið upp að vinna
á Íslandi þrátt fyrir að fyrir-
tækið væri í Þýskalandi,“ segir
Karólína. Sú ráðagerð gekk
upp með hjálp tækninnar og
hún lét verða af því að flytja
til Íslands. Karólína, sem er
verkfræðingur að mennt,
lét byggja lítið hús sem hún
teiknaði sjálf og setti það upp í
Hegranesi en þar hafði hún fest
kaup á 8 ha spildu. Fljótlega
kom í ljós að landið dugði ekki
fyrir þau hross og kindur sem
hún var komin með. „Ég fór
í það að skoða mig um, hvort
væri hægt að kaupa eitthvað
sem væri ekki svo dýrt en
samt með gott beitiland. Það
mátti vera afskekkt, sem er í
raun kostur fyrir mig, en samt
ekki of afskekkt. Það verður
að vera hægt að komast í búð
o.s.frv. án þess að ferðast í
marga klukkutíma. Þannig
fór að Magnús Ólafsson benti
mér á að Hvammshlíð væri
til sölu og ekki dýr, þar sem
jörðin hafði verið á sölu í
langan tíma,“ segir Karólína
en viðurkennir að jörðin hafi
kannski ekki verið spennandi
fyrir venjulega bændur. Á
Keypti 600
hektara eyðijörð
VIÐTAL
Páll Friðriksson
Caroline Kerstin Mende eða Karólína í Hvammshlíð
Karólína í Hvammshlíð varð
til þegar hin þýsk-ættaða
Caroline Kerstin Mende festi
kaup á eyðijörðinni Hvammshlíð á síðasta ári og
breytti nafni sínu á Fésbókinni til samræmis við ný
heimkynni. Aðkoma að bænum er frá Þverárfjalls-
vegi þar sem hann hæst stendur og skaflar loka fyrir
umferð þegar þannig háttar veðri. Þegar blaðamaður
Feykis fór þar um eitt sinn velti hann vöngum yfir
því hvernig það væri að búa á slíkum stað, hvort ekki
væri veður ill á vetrum með ófærð og tilheyrandi
einangrun. Til að komast að því heimsótti hann
húsfrúna einn dumbungsdag í nóvember, fékk kaffi
og spurði hana út í hennar hugðarefni.
jörðinni, sem telur rúma
600 hektara, voru engin hús
né ræktað land og síðast
var búið í Hvammshlíð um
1880. Kaupin gengu mjög
hratt fyrir sig og Karólína
flutti aðeins einum mánuði
eftir að skrifað var undir
samning og núna hefur
hún búið í Hvammshlíð í
eitt ár. Litla húsið hennar
var flutt úr Hegranesinu
á kranabílspalli Þórðar
Hansen og komið fyrir á
góðum stað. Svo vel vill
til að gamli Þverárfjalls-
vegurinn liggur nálægt
húsinu og heimreiðin
er gamall línuvegur.
Karólína segir að auk
vegaslóðanna hafi fleira
verið á staðnum s.s.
rafmagnslínur sem liggja
í gegnum landið og
vatnslindir í Hvamms-
hlíðarfjallinu. Þar er
kaldavermsl svo ekki
frýs þótt kalt sé í veðri.
Fjárbúskapur í
gegnum Alnetið

Eins og áður sagði
gengur það prýðilega
upp hjá Karólínu að vinna á
Íslandi meðan aðal-starfsemi
fyrirtækisins fer fram í
órafjarlægð. En þrátt fyr-ir
að ljósleiðari liggi skammt
frá heimilinu notar hún 3G
lykil fyrir netsambandið. „Já,
ég er með 3G netlykil þó að
ljósleiðari fari gegnum landið
og rétt við húsið. Ég má ekki
tengjast þar sem þetta er
stofnæð. Því miður! Þetta er
fínt en stundum gengur hægt
en þetta er allt í lagi fyrir mig
því ég er ekki að hala miklu
niður,“ segir hún.
Í dag starfar Karólína við
lítið bókaforlag sem hún
stofnaði fyrir tveimur árum
og er systurfyrirtæki aug-
lýsingastofunnar sem hún átti
áður. „Mig langaði að gefa
út bækur um íslenskt efni á
þýsku og ensku til að upplýsa
bæði Íslandsvini erlendis og
ferðamenn sem koma hing-að
til lands og gefa þeim tækifæri
til að kíkja á bak við tjöldin
eða umfram það sem lesið er
um í venjulegum ferðabókum.
Ég er að ljúka við sjöundu
bókina núna en hún fjallar
um torfbæi á Íslandi,“ segir
Karólína og leggur áherslu
á að hún reyni að hafa þær
sem ódýrastar svo ferðamenn
kaupi hana frekar.
Auk þess að skrifa bækur
er Karólína með óvenjulegan
búskap að því leyti að hún
hirðir kindur fyrir fólk
sem býr í Þýskalandi. Þá
tekur fólk kind í fóstur
og borgar fyrir hey og
bólusetningu o.þ.h. en
í staðin fær það myndir og
fréttir af búskapnum. Svo
fær það ullina af sinni kind
en Karólína sér um að hún
komist í réttar hendur. „Þetta
er mest handverksfólk sem
spinnur og þæfir ullina en það
er mjög vinsælt í Þýskalandi.
Íslenska ullin er að mínu mati
vanmetin hér á landi. Ullin er
sérstök að því leyti að litirnir
eru fjölbreyttir og ullin er
mjög góð, öfugt við þá sem
er á sambærilegum kindum í
Þýskalandi.“
Jól á fjöllum
Nú hefur Karólína búið
einn vetur í Hvammshlíð
og annar að mæta á svæðið
en hún kvíðir því ekki. Hún
segir að auðvitað sé meiri
snjór þarna en í Hegranesinu
en það sé skjólsælt, oft logn
og ekki mjög kalt. „Það er
ekki eins snjóþungt hér og
í Laxárdal til dæmis, sem
er hérna í nágrenninu. Svo
er þetta góður staður fyrir
norðaustan- og austanáttinni.
Það var meðal þess sem réði
hvar bæjarstæðinu var valinn
staður, fyrir utan vegarslóðann
og rafmagnið.“ Þrátt fyrir
að nokkur snjór hafi komið
síðasta vetur leið húsfrúnni
vel, kindum og hrossum og
segist hún eiga afbragðsgóðan
nágranna. Hún segir að Bragi
á Þverá reynist henni mjög
vel og það yrði miklu erfiðara
að búa þarna ef hann væri
ekki til staðar. Aðspurð um
það hvort hún verði ein um
jólin segir hún svo vera. „Ég
var eina manneskjan hér um
síðustu jól. Kannski er ég
bara vön því að vera ein um
jólin en mér finnst ég ekki
vera einsömul með dýrunum
mínum, sérstaklega þar sem
ég á hundinn minn Baug. Ég
hef nú líka samskipti við fólk,
fer í heimsókn og fólk kemur
til mín eða ég tala við vini
mína í gegnum Skype.“
Kannski býr Karólína í
Hvammshlíð, þrátt fyrir allt,
ekki svo afskekkt. „Alls ekki,
þvert á móti. Ég er í alfara
leið.“
Banana-Kipferl
Þessar smákökur eru
afbrigði af vanillu-
„kipferl“ (hnýflum)
sem eru mjög
vinsælir í Þýskalandi.
Á fyrstu árum
auglýsingastofunnar
okkar sem heitir
Banana fengu
v iðskiptavinirnir
okkar heimabakaða
banana-kipferl sem
jólagjöf. Uppskriftin
er einföld og góð.
125 g sykur
2 bananar
250 g smjör
150 g malaðar möndlur
375 g hveiti (má vera
heilhveiti)
1 egg
20 vanilludropar
1 tsk kanill
Maukið bananana
vel, bætið sykrinum
við, sjóðið það allt
saman í u.þ.b. 30
mínútur þangað til
þetta er orðið eins
konar sulta. Látið
kólna. Hnoðið þá
sultuna og allt hitt
vel saman og setjið
svo í kæli í tvo tíma.
Gerið litla banana
úr deiginu og bakið
í 200° C í 10 til 15
mínútur þar til þeir
eru orðnir ljósbrúnir.
Það má setja flór-
sykur á þá á eftir.
Uppáhaldið hjá Karólínu
Karólína og Baugur. MYND: PF
Vetrarstemning hjá kindunum
skrautlegu í Hvammshlíð.
MYND: KARÓLÍNA