Ægir - 01.09.2017, Blaðsíða 16
16
Síldarverksmiðja Síldarvinnslunnar árið 1961.
tjón þar sem 12 manns fórust.
„Upp úr þessu hófst endur-
reisnarstarf á tímum mikilla
efnahagserfiðleika. Bætur sem
fengust fyrir það sem eyðilagð-
ist náðu aldrei að mæta kostn-
aði við uppbygginguna.
Ástandið var skelfilega erfitt og
fyrirtækið algjörlega háð við-
skiptabanka sínum. Upp úr
1990 fór hagurinn heldur að
vænkast og þá stóðu menn
frammi fyrir því hvort ætti að
byggja fyrirtækið upp með
myndarlegum hætti eða að
reyna bara að halda í horfinu.“
Smári segir að forsenda
uppbyggingar hafi verið að fá
nýtt fjármagn og því hafi verið
ákveðið að fara með fyrirtækið
á markað 1994. Í kjölfarið hófst
mikil uppbygging sem hann
segir að hafi varað allar götur
síðan. Árið 1997 var byggt nýtt
fiskiðjuver sem er sérhæft til
vinnslu á uppsjávarfiski og hef-
ur verið í stöðugri þróun síðan.
Þannig gat verksmiðjan fryst
um 350 tonn af loðnu þegar
húsið var tekið í notkun en í
dag eru afköstin komin í 800 til
900 tonn á sólarhring. Smári
segir þróunina í fiskvinnslunni
hafa verið mjög öra og á sama
tíma og afköst og framlegð í
fiskvinnslunni hafi aukist hafi
starfsfólki fækkað.
Breytt eignarhald
Eftir 10 ár á markaði var Síldar-
vinnslan tekin af hlutabréfa-
markaði árið 2004 en þá höfðu
orðið miklar breytingar á eign-
arhaldinu. Í dag eru hluthafar í
Síldarvinnslunni tæplega 300.
Félögin Samherji og Gjögur
eiga samtals 79% í félaginu,
Samvinnufélag útgerðarmanna
í Neskaupstað á um 11% og
aðrir eiga minni hluti.
Síldarvinnslan gerir í dag út
þrjú uppsjávarskip, Börk NK,
Beiti NK og Bjarna Ólafsson AK,
þrjá ísfisktogara, Gullver NS,
Vestmannaey VE og Bergey VE
og frystitogarann Blæng NK.
Nýbúið er að selja einn ísfisk-
togara og nú standa yfir samn-
ingar um smíði á fjórum nýjum
ísfisktogurum í stað þeirra fjög-
urra sem hafa verið í rekstri.
Þegar allt er talið vinna nú
um 350 manns hjá Síldarvinnsl-
unni og eru starfsstöðvarnar í
sex sveitarfélögum víða um
land. Höfuðstöðvarnar eru í
Neskaupstað en þar rekur fyrir-
tækið fiskiðjuver, fiskimjöls-
verksmiðju og öfluga úgerð. Þá
er fyrirtækið með fiskvinnslu og
fiskimjölsverksmiðju á Seyðis-
firði og gerir þaðan út togarann
Gullver. Í Vestmannaeyjum rek-
ur fyrirtækið útgerðina Berg-
Hugin sem gerir út togarana
Bergey VE og Vestmannaey VE.
Síldarvinnslan er einnig með
fiskimjölsverksmiðju í Helguvík
og á Akranesi rekur félagið út-
gerðina Runólf Hallfreðsson
ehf. sem gerir út uppsjávarskip-
ið Bjarna Ólafsson AK og loks er
það fóðurverksmiðjan Laxá á
Akureyri.
Síldarvinnslan á einnig hlut í
útgerðarfyrirtæki í Bandaríkjun-
um sem gerir fyrst og fremst út
á hörpuskel og hlut í græn-
lenskri útgerð sem gerir út upp-
sjávarskipið Polar Amaroq á
Grænlandi. Smári segir að hjá
Síldarvinnslunni leggi menn
áherslu á að stunda fjölbreyttar
veiðar á góðum skipum og reka
öfluga vinnslu í landi.
Makrílvinnsla í fiskiðjuveri Síldarvinnslunnar í Neskaupstað. Ljósm. Þórhildur Eir Sigurgeirsdóttir.