Morgunblaðið - Sunnudagur - 24.12.2017, Blaðsíða 14

Það er ekkert sem lyftir manniupp fyrir jólin eins og takt-föst hamarshögg, eldglær-
ingar og glóandi járn. Þetta er mjög
vinsælt hjá krökkunum enda hafa
fæst þeirra séð eldsmið að störfum.
Það er virkilega gaman að geta
fangað athygli þeirra í allri tækni-
væðingunni sem tröllríður sam-
félaginu nú um stundir. Þá er ég
ekki frá því að það sjáist iðulega
fortíðarglampi í augum eldra fólks,
sem er skiljanlegt því áður fyrr var
smiðja á hverjum bæ.“
Þetta segir Einar Gunnar Sig-
urðsson eldsmiður, en Árni Sæberg,
ljósmyndari Morgunblaðsins, rakst
á hann fyrir tilviljun þegar hann
var að leita að jólalegu myndefni á
dögunum. Einar hefur boðið upp á
eldsmíði á aðventunni undanfarin ár
í samstarfi við Skógræktarfélag
Reykjavíkur og Skógræktarfélag
Mosfellsbæjar. Hann var að smíða
hjörtu þegar Árna bar að garði, en
er með sitthvað fleira uppi í erm-
inni. „Við handverksmenn erum
aldrei við eina fjölina felldir,“ segir
Einar kíminn.
Aflið sem Einar notast hér við er
yfir hundrað ára gamalt og hand-
snúið, en lofti er dælt undir kolin til
að viðhalda glóðinni í aflinu. „Yfir-
leitt er ég þó rækilega raftengdur í
smiðjunni,“ segir Einar en bætir við
að skemmtilegt sé til hátíðabrigða
að vera eingöngu með steðjann og
hamarinn á viðburðum sem þessum.
Íslenskir eldsmiðir eru á bilinu
þrjátíu til fjörutíu talsins og segir
Einar markmið þeirra fyrst og
fremst að kynna handverkið al-
menningi og stuðla að því að það
falli ekki í gleymskunnar dá. „Eld-
smiðurinn var um tíma í bráðri út-
rýmingarhættu, en með samstilltu
átaki hefur tekist að snúa vörn í
sókn. Það er mikilvægt að halda
þessari þekkingu lifandi. Í dag hef-
ur þessi iðja þó fyrst og fremst list-
rænt gildi.“
Í skóginum stóð
eldsmiður einn
Einar Gunnar Sigurðsson eldsmiður hefur undanfarin ár
glatt skógfarendur á höfuðborgarsvæðinu á aðventunni.
Þetta árið smíðar hann jólahjörtu fyrir börnin.
Myndir: Árni Sæberg saeberg@mbl.is
Texti: Orri Páll Ormarsson orri@mbl.is
14 MORGUNBLAÐIÐ SUNNUDAGUR 24.12. 2017
ELDSMÍÐI