Morgunblaðið - Sunnudagur - 24.12.2017, Blaðsíða 35

24.12. 2017 MORGUNBLAÐIÐ SUNNUDAGUR 35
Jólarjómaís með Baileys, Irish cream
súkkulaði og piparkökum
6 egg
6 msk sykur
½ l rjómi
200 gr piparkökur
2 plötur Pipp súkkulaði með Irish
cream (eða 200 gr gott rjóma-
súkkulaði eða karamellufyllt
súkkulaði)
½ – 1 dl Baileys (eftir smekk)
Myljið piparkökurnar frekar fínt;
allt í lagi að hafa smá bita. Saxið
súkkulaðið og þeytið rjómann.
Þeytið eggin og sykurinn í hræri-
vél eða með rafmagnsþeytara
þar til mjög ljós. Þetta tekur um
5 -7 mínútur. Gætið þess að
þeyta eggin vel því annars skilur
ísinn sig þegar hann frýs.
Blandið rjómanum varlega
saman við eggjablönduna með
sleikju ásamt Baileys, súkku-
laðinu og piparkökunum (takið
smá frá af piparkökunum til að
dreifa yfir í lokin). Hrærið hægt
og rólega þar til allt hefur bland-
ast saman. Ég mæli eindregið
með að smakka blönduna á
þessum tímapunkti og athuga
hvort þið viljið meira Baileys.
Hellið í box eða form og fryst-
ið. Það þarf ekki að hræra í ísn-
um á meðan hann er að frjósa,
einn af kostum þess að nota
áfengi í ís er að það myndast
mun minni ískristallar í ísnum.
Takið ísinn úr frysti 15-20 mín-
útum áður en þið berið hann
fram og njótið út í ystu æsar. Ef
til vill ekki hentugt fyrir börnin
en dásamlegt fyrir fullorðna.
Frá eldhusperlur.com
Hver á ekki minningar um an-
anasfrómas úr æsku? Þetta hef-
ur um áratugaskeið verið einn
algengasti eftirrétturinn á ís-
lenskum veisluborðum.
5 dl rjómi
1 dós ananasskífur
4 egg
5 matarlímsblöð
75 g sykur
½ sítróna
Takið frá nokkrar ananasskífur
til skreytingar. Saxið hinar gróft
niður og geymið safann úr dós-
inni.
Þeytið saman egg og sykur
með handþeytara í nokkrar
mínútur þannig að úr verði ljós
froða.
Pressið sítrónuna og leysið
matarlímsblöðin upp í sítrónu-
safanum og um 1 dl af ananas-
safanum. Setjið skálina með
matarlíminu og safanum í
vatnsbað og bræðið matar-
límið. Bætið varlega saman við
eggjablönduna og hrærið vel
saman. Passið vel upp á að
blandan fari ekki í kekki. Leyfið
að kólna.
Þeytið rjómann og bætið
saman við. Saxið nokkra an-
anasbita og bætið saman við.
Setjið í fallega skál og geymið
í ísskáp á meðan matarlímið er
að stirðna.
Skreytið með ananasskífum,
rjóma og berjum.
Frá vinotek.is
Ananasfrómas
BOTN
ca. 20 Lu Digestive kex (300 g)
100 g smjör
140 g Odense-marsípan
OSTAKREMIÐ
300 g tilbúinn kaldur hrísgrjóna-
grautur (ég bjó hann til úr grautar-
hrísgrjónum)
600 g Philadelphia Orginal
100 g sykur
3 egg
2 tsk vanillusykur
1 tsk kanill (má sleppa)
120 g möndlur án hýðis
OFAN Á KÖKUNA
1 ferna kirsuberjasósa (500 ml)
2 msk portvín (má sleppa)
1 msk flórsykur
2 blöð matarlím
100 g hvítt Toblerone (má sleppa)
Stillið ofn á 160°C við undir- og yf-
irhita. Bræðið smjör og myljið kex
smátt og blandið því saman við
smjörið. Setjið í smurt smelluform
(ca. 24 cm), gjarnan klætt bök-
unarpappír og þrýstið blöndunni
ofan í botninn. Bakið botninn í 5
mínútur og látið kólna. Skerið
marsípanið þunnt og dreifið því yfir
kaldan kexbotninn.
Grófsaxið möndlur og þurrristið
á pönnu þar til þær hafa fengið góð-
an lit og kælið svo. Setjið rjómaost
og sykur í skál og þeytið þar til að
blandan verður kremkennd. Bætið
eggjum við, einu í senn, þeytið á
milli en þó ekki mjög lengi. Bætið
hrísgrjónagrautnum smátt og
smátt út í og þeytið á meðan. Því
næst er vanillusykri, kanil og möndl-
um bætt út og hrært saman við
blönduna. Hellið blöndunni yfir kex/
marsípan botninn og bakið við 160
gráður í 45-50 mínútur. Gott er að
slökkva þá á ofninum og leyfa kök-
unni að standa í ofninum í 45 mín-
útur í viðbót á meðan ofninn kólnar.
Leggið matarlímsblöðin í kalt
vatn í um það bil 5 mínútur. Á
meðan er kirsuberjasósan sett í
pott ásamt flórsykri og portvíni og
allt látið að malla í smá stund. Þeg-
ar matarlímsblöðin eru orðin mjúk
er mesta vatnið kreist úr þeim og
þeim bætt út í sósuna. Takið pott-
inn af hellunni og hrærið vel þar til
matarlímið hefur leyst upp. Kirsu-
berjasósunni er að síðustu hellt yfir
kalda ostakökuna (sem er enn í
forminu) og sett inn í ísskáp í
minnst 6 tíma, helst yfir nótt, áður
en hún er borin fram. Áður en kak-
an er borin fram er gott að saxa
niður hvítt Toblerone og setja ofan
á kökuna.
Frá eldhussogur.is
Risalamande ostakaka með kirsuberjasósu
Óskum viðskiptavinum
okkar og landsmönnum
öllum gleðilegra jóla
Starfsfólk Eignamiðlunar
588 9090 . www.eignamidlun.is . Grensásvegi 11 . 108 Reykjavík