Morgunblaðið - 03.02.2018, Blaðsíða 6

6 FRÉTTIRInnlent
MORGUNBLAÐIÐ LAUGARDAGUR 3. FEBRÚAR 2018
DraumasiglingumFeneyjar
sp
ör
eh
f.
Vor 5
Glæsileg sigling um Feneyjar með fljótaskipinu MS
Michelangelo. Feneyjar hafa löngum verið kallaðar Drottning
Adríahafsins og ekki að ástæðulausu. Í ferð okkar verður m.a.
komið við á Murano og Burano eyjunum, siglt að mynni Po
fljótsins og svo kynnumst við að sjálfsögðu Feneyjum.
26. apríl - 3. maí
Fararstjóri: Hólmfríður Bjarnadóttir
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Verð: 239.500 kr. á mann í tvíbýli. ÖRFÁ SÆTI LAUS
Mjög mikið innifalið!
Guðmundur Magnússon
gudmundur@mbl.is
Byggingarfulltrúinn í Reykjavík
hefur samþykkt að heimila niðurrif
á friðlýstum samkomusal á baklóð
nr. 2 við Thorvaldsensstræti. Um er
að ræða húsið þar sem skemmti-
staðurinn Nasa var síðustu árin.
Salurinn verður endurbyggður í
upprunalegri mynd í samráði við
Minjastofnun, en hann var frið-
lýstur í desember 2013.
„Salurinn er mjög illa farinn,
byggður úr lélegu efni árið 1942, og
samkvæmt deiliskipulagi þarf að
sökkva honum um það bil tvo metra
niður í jörðina til að uppfylla hljóð-
kröfur,“ segir Benedikt Ingi Tómas-
son verkfræðingur, verkefnastjóri
framkvæmda á Landssímareitnum.
Endurbyggingin er hluti af fram-
kvæmdum við nýtt hótel á vegum
Icelandair á staðnum. Stefnt er að
því að þeim ljúki á næsta ári.
Nasa-salurinn er viðbygging til
vesturs við timburhúsið við Thor-
valdsensstræti 2, sem byggt var
1878. Í timburhúsinu var Kvenna-
skóli Þóru Melsteð upphaflega til
húsa. Seinna voru þar skrifstofur
Sjálfstæðisflokksins um árabil og
reisti flokkurinn bakhúsið undir
skemmtanahald og samkomur.
Á vef Minjastofnunar segir að
Nasa-salurinn endurspegli „í gerð
sinni, rýmisskipan, hlutföllum,
skreyti og andrúmi tíðaranda 5.
áratugarins þegar ensk-amerísk
áhrif í tónlist, tísku og byggingarstíl
voru áberandi“. Enginn samkomu-
salur með hliðstæðum einkennum
hafi varðveist í jafn heillegri mynd í
Reykjavík. Menningargildi salarins
felist enn fremur í tengingu hans
við íslenska tónlistarsögu, en þar
var vettvangur tónleikahalds um
áratuga skeið.
Framkvæmdir hefjast í vor
Að sögn Benedikts Inga er líklegt
að framkvæmdir við niðurrif og
endurbyggingu NASA hefjist með
vorinu, en enn er eftir að fá
byggingarleyfi og semja við borgar-
yfirvöld um tilhögun framkvæmda.
„Það eru margir í grennd sem hafa
hagsmuna að gæta í sambandi við
svona framkvæmd, þar á meðal Al-
þingi, og við munum hafa náið sam-
ráð við þá alla og taka tillit til þeirra
sjónarmiða,“ segir Benedikt. Hann
segir að mikill metnaður sé lagður í
endurbygginguna og náið samstarf
sé haft um hana við Pétur Ár-
mannsson, arkitekt hjá Minja-
stofnun. Þannig hafi til dæmis mikl-
um tíma verið varið í að leita að
upprunalegri málningu í salnum og
veggfóðri.
„Það var skafið niður á 18 lög af
málningu í kringum sviðið og við er-
um búin að fá nokkuð góða mynd af
mismunandi útliti salarins á undan-
förnum áratugum,“ segir Benedikt.
Friðlýstur Nasa-salurinn rif-
inn og síðan endurbyggður
 Framkvæmdir í vor  Sökkt tvo metra niður í jörð til að uppfylla hljóðkröfur
Salurinn Veitinga- og samkomusalur Sjálfstæðishússins við Austurvöll á gullaldarárunum um miðja 20. öld. Síðustu
árin hefur verið talað um Nasa-salinn eftir samnefndum skemmtistað sem þar var rekinn í nokkur ár.
Morgunblaðið/Rósa Braga
Framkvæmdir Nasa-salurinn er í viðbyggingunni til hægri.
Jón Birgir Eiríksson
jbe@mbl.is
Helgi Ólafsson, stórmeistari í skák,
mun á sunnudag etja kappi við
heimsmeistarann norska Magnus
Carlsen, en viðureign þeirra verður
hluti nýrrar skákdeildar, Pro Chess
League, þar sem
allar viðureign-
irnar fara fram á
netinu. Að baki
deildinni er
stærsta skákvef-
síða heims, chess-
.com.
Keppnin er
liðakeppni og lið
frá öllum heims-
hornum taka
þátt. Eitt íslenskt
lið keppir á mótinu, Reykjavíkur-
lundarnir (e. Reykjavik Puffins) sem
er að þessu sinni skipað þeim Birni
Þorfinnssyni, Hannesi Hlífari Stef-
ánssyni, Jóni Viktori Gunnarssyni
og áðurnefndum Helga Ólafssyni.
Liðsstjóri er Ingvar Þór Jóhannes-
son.
Mótið var haldið í fyrsta skipti í
fyrra og fer nú fram í annað sinn.
Bjartsýni um góðan árangur
Íslenska liðið hefur unnið eina
viðureign, tapað einni og gert jafn-
tefli í einni. Ingvar Þór kveðst bjart-
sýnn fyrir hönd liðsins. „Við vorum
óheppnir í fyrra en erum með sterk-
ara lið núna. En að sama skapi hefur
mótið stækkað, það er meiri umfjöll-
un og áhugi,“ segir hann.
Leyfilegt er að keppendur tefli í
einrúmi en skilyrði er að þá sé notast
við vefmyndavél svo sanna megi að
réttur maður sitji í raun við tölvuna.
Fylgjast má með öllum viður-
eignum mótsins á vefsíðunni chess-
.com, en upplýsingar um lið, ein-
staka keppendur og mótið í heild má
finna á vefsíðunni prochess-
league.com.
Helgi
teflir við
Carlsen
Helgi
Ólafsson
 Skákdeild á netinu
fer ört stækkandi
Þorsteinn Ásgrímsson
thorsteinn@mbl.is
„Þetta er fullnaðarsigur fyrir
Reykjavík Media, Stundina og fyrir
tjáningarfrelsið í landinu,“ sagði Jó-
hannes Kr. Kristjánsson, eigandi
Reykjavík Media, í gær eftir að fyr-
irtæki hans og Stundin voru sýknuð í
Héraðsdómi Reykjavíkur í gær af öll-
um kröfum Glitnis HoldCo um stað-
festingu á lögbanni á umfjöllun miðl-
anna upp úr gögnum úr bankanum.
Stundinni og Reykjavík Media voru
dæmdar 1,2 milljónir króna í máls-
kostnaðarbætur hvoru um sig.
Þrotabú Glitnis fór fram á lögbann
á fréttaflutning Stundarinnar og
Reykjavík Media úr gögnum úr
bankanum sem fjölmiðlarnir hafa
haft undir höndum og snerust að
mestu leyti um viðskipti Bjarna
Benediktssonar, formanns Sjálf-
stæðisflokksins, við Glitni í aðdrag-
anda hrunsins. Samþykkti sýslumað-
urinn í Reykjavík beiðni þrotabúsins
16. október síðastliðinn, skömmu fyr-
ir alþingiskosningar. Röksemdir
Glitnis fyrir staðfestingu lögbannsins
voru að fjölmiðlarnir hefðu lýst yfir
að þeir hefðu ekki birt allt sem þeir
vildu úr gögnunum þegar lögbannið
var sett. Þá færi birting gagnanna
gegn ákvæðum laga um persónu-
vernd og meðferð persónuupplýsinga
og frekari birting gæti mögulega leitt
til skaðabótaskyldu félagsins. Kærðu
Stundin og Reykjavík Media úrskurð
sýslumanns og var tekist á um málið í
héraðsdómi í upphafi árs.
Ingibjörg Dögg Kjartansdóttir,
annar ritstjóra Stundarinnar, sagði í
viðtali við mbl.is eftir að dómurinn
féll í gær að þótt þau hefðu unnið
málið yrði lögbannið í gildi næstu
þrjár vikur. Hún sagði að ef lögbann-
ið félli úr gildi myndi Stundin birta
fleiri fréttir tengdar málinu.
Jón Trausti Reynisson, fram-
kvæmdastjóri Stundarinnar og hinn
ritstjóri miðilsins, sagði að það væri
Glitnis HoldCo að ákveða framhald-
ið. „Það er fyrst og fremst fólkið í
landinu sem tapar á að því sé meinað
að fá upplýsingar um hagsmuna-
árekstra og hagsmuni helsta áhrifa-
fólks landsins og það skömmu fyrir
kosningar með einhverju langvar-
andi banni sem gæti varað í ár í við-
bót ef þrotabúið ákveður að hafa það
þannig með áfrýjun,“ sagði Jón
Trausti.
Að sögn Ólafs Eiríkssonar, lög-
manns Glitnis, fer stjórn Glitnis nú
yfir dóminn og mun í framhaldinu
meta hvort honum verði áfrýjað.
Stundin og Reykjavík
Media lögðu Glitni HoldCo
 Héraðsdómur
staðfesti ekki lög-
bannskröfu Glitnis
Morgunblaðið/Hari
Sigur F.v. Jóhannes Kr. Kristjánsson, eigandi Reykjavík Media, og Jón
Trausti Reynisson og Ingibjörg Dögg Kjartansdóttir, ritstjórar Stundarinnar.