Morgunblaðið - 19.02.2018, Page 6

6 FRÉTTIRInnlent
MORGUNBLAÐIÐ MÁNUDAGUR 19. FEBRÚAR 2018
Nánari upplýsingar áwww.geosilica.is
Fæst í apótekum, heilsubúðum, Hagkaupum, Nettó, Fjarðarkaupum og á geoSilica.is
Renew er sérstaklega hannað og
þróað af geoSilica til að styrkja
húð, hár og neglur.
Unnið úr 100% náttúrulegum íslenskum
jarðhitakísil, sink og kopar í
hreinu íslensku vatni.
Sigurður Bogi Sævarsson
sbs@mbl.is
„Fjölgun í útkallsliði lögreglunnar
er að mínu mati forgangsmál. Mið-
að við núverandi fjölda lögreglu-
manna höfum við stjórnendur
embættisins teygt okkur jafn langt
og verða má. Álagið er stundum
alltof mikið á okkar frábæra fólki
og við óttumst að við keyrum það í
kaf,“ segir Ásgeir Þór Ásgeirsson,
yfirlögregluþjónn hjá lögreglunni
á höfuðborgarsvæðinu. Í auknum
mæli segir hann það ástand skap-
ast að öll lögreglutæki og mann-
skapur á höfuðborgarsvæðinu séu
upptekin í verkefnum. Ef upp
koma neyðarverkefni við slíkar
aðstæður þurfi að forgangsraða
og jafnvel kalla lögreglumenn úr
verkefnum sem þeir eru þá þegar
í. Sú staða sé óviðunandi.
Öryggisleysi og eignamissir
Talsvert hefur verið um inn-
brot í heimahús á höfuðborgar-
svæðinu að undanförnu. Frá því í
byrjun desember hafa alls 46 til-
kynningar um innbrot borist og er
sú tala lítillega yfir meðaltali síð-
ustu 12 mánaða.
Mikil áhersla hefur verið hjá
lögreglu á að upplýsa þessi inn-
brot, enda upplifir fólk sem brotist
hefur verið inn hjá oft mikla van-
líðan og öryggisleysi fyrir utan
eignamissi og -tjón. Hópur fólks
hjá lögreglu vinnur nú að rann-
sókn þessara mála. Í því felst með-
al annars að kortleggja brotin út
frá staðsetningu, aðferðum og
fyrirliggjandi upplýsingum. „Sum
þessara mála eru þegar upplýst og
við gerum okkur vonir um að upp-
lýsa fleiri á næstunni,“ segir Ás-
geir og bætir við að oft séu
gerendurnir þekktir brotamenn
sem tengist jafnvel mörgum
málum.
Að undanförnu hafa inn-
brotin gjarnan verið framin að
degi til, í útjaðri byggða eins og í
Garðabæ, Kópavogi og Grafar-
holti – það er á stöðum þar sem er
lítil umferð og góðar undan-
komuleiðir. Oftast spenna inn-
brotsþjófarnir upp glugga, til
dæmis á svefnherbergi, fara inn
og stela þar peningum og skart-
gripum. „Við höfum eftir megni
aukið eftirlit á þessum svæðum.
Tíðni innbrota fer meðal annars
eftir því hvort virkir brotamenn
eru innan eða utan fangelsa.
Þegar upp koma mál með þessa
einstaklinga sem gerendur reyn-
um við að bregðast skjótt við og
koma þeim úr umferð, enda hafa
þeir stundum á bakinu dóma sem
ekki hafa verið afplánaðir að
fullu,“ segir Ásgeir. „Við höfum
orðið varir við erlenda brotahópa
sem tengjast meðal annars auðg-
unarbrotum. Því tengt höfum við
endurheimt talsvert af þýfi sem
við teljum að hafi átt að senda úr
landi. Um er að ræða til dæmis
merkjavöru, fatnað, snyrtivöru og
rakvélablöð í miklu magni; sem
má virða fyrir milljónir króna.“
Áhöfnum þarf að fjölga
Nýlega ályktaði bæjarstjórn
Kópavogs um mikilvægi þess að
efla löggæslu þar í bæ. Bent er á
að á varðsvæði lögreglustöðvar-
innar við Dalveg, sem nær yfir
Kópavogsbæ og Breiðholtshverfi í
Reykjavík, búi um 60 þúsund
manns, en frá stöðinni séu gerðir
út í almennt eftirlit tveir lögreglu-
bílar, hvor með sína tveggja
manna áhöfn.
Ásgeir Þór tekur undir
sjónarmið bæjarfulltrúa í Kópa-
vogi, það er að á lögreglustöðina á
Dalveginum þurfi að bæta við
þriðja útkallsbílnum. Verkefna-
þunginn sé mikill, stöðin mið-
svæðis á höfuðborgarsvæðinu og
stutt yfir í hin varðsvæðin til
styrkingar.
„Ein áhöfn á bíl á sólarhrings-
vakt þýðir tíu lögreglumenn og
kostar minnst 180 milljónir króna
á ári ef allt er talið. Við myndum
svo vilja sömu styrkingu á lög-
reglustöðinni á Vínlandsleið í
Grafarholti – og raunar hefur
ríkislögreglustjóri bent á að í heild
þurfi að fjölga lögreglumönnum á
höfuðborgarsvæðinu um 100.
Skráðum verkefnum lögreglu
fjölgar ár frá ári, bæði hegningar-
laga- og sérrefsilagabrotum fjölg-
aði á milli áranna 2016 og 2017 en
umferðarlagabrotum fækkaði.
Þar kemur til forgangsröðum þar
sem ýmis þjónustuverkefni og
frumkvæðismál víkja fyrir alvar-
legri málum sem eru oft þung og
tímafrek. Þar nefni ég sérstaklega
heimilisofbeldismál en með
breyttu verklagi fór málafjöldi úr
20 í 60 í hverjum mánuði.“
Góð tengsl mikilvæg
Sá háttur er hafður í heimilis-
ofbeldismálum að í hverju þeirra
er farið niður í rót þar sem al-
mennir lögreglumenn og rann-
sóknardeild, fulltrúar félags-
þjónustu og barnaverndar koma
inn í málin á fyrstu stigum.
„Þessar áherslur skila sér vonandi
ekki síðar en til næstu kynslóðar;
börn eru viðkvæmur hópur sem
getur glímt lengi við áhrifin af
erfiðri reynslu. Lögreglan er þjón-
ustustofnun og vill geta gripið inn
í atburðarás alvarlegra atburða
og hafa traust og góð tengsl við al-
menning; fólkið sem á jafnan að
skynja sig öruggt í leik og starfi,“
segir Ásgeir að síðustu.
Innbrotahrina á höfuðborgarsvæðinu og mikið álag á lögreglunni
Morgunblaðið/Sigurður Bogi
Lögreglan Þjónustustofnun sem vill geta gripið inn í atburðarás alvar-
legra atburða og haft traust almennings, segir Ásgeir Þór Ásgeirsson.
Fjölgun er forgangsmál
 Ásgeir Þór Ásgeirsson
fæddist í Reykjavík 1969. Eftir
útskrift frá MR lá leiðin í
sumarstarf hjá lögreglunni í
Reykjavík. Hann útskrifaðist
frá Lögregluskóla ríkisins 1991
og hefur eftir það starfað við
almenna löggæslu, umferðar-
deild og sérsveit.
 Árið 2014 var Ásgeir skip-
aður aðstoðaryfirlögreglu-
þjónn hjá Lögreglustjóranum á
höfuðborgarsvæðinu og yfir-
lögregluþjónn 2015. Ásgeir
hefur einnig starfað við friðar-
gæslu erlendis fyrir Samein-
uðu þjóðirnar í Kósóvó og
NATO í Afganistan.
Hver er hann?
Alexander Gunnar Kristjánsson
alexander@mbl.is
Íbúðum á Íslandi fjölgaði um 1.759 í
fyrra en um 1.580 árið áður. Þetta
kemur fram í tölum frá Þjóðskrá sem
Íbúðalánasjóður birti á heimasíðu
sinni fyrir helgi. Þar segir að þörf sé á
mun frekari fjölgun og að uppsafn-
aður skortur sé enn til staðar eftir
hæga fjölgun íbúða undanfarin átta
ár.
Í nýlegri skýrslu Íbúðalánasjóðs
kemur fram að íbúðum á landinu öllu
þyrfti að fjölga um 17.000 árin 2017-
19 til að mæta að fullu þörf og upp-
söfnuðum skorti en sjóðurinn telur
afar ólíklegt að það náist miðað við
gang mála.
Mest fjölgun í borginni
Íbúðauppbygging náði hámarki ár-
ið 2007 en þá fóru tæplega 5.000 nýj-
ar íbúðir á markað. Fyrstu árin eftir
hrun hófust nær engin ný verkefni og
fjölgaði íbúðum því hægt næstu árin.
Fjöldinn náði lágmarki árið 2012 þeg-
ar um 500 nýjar íbúðir komu á mark-
að, en síðan þá hefur aukinn kraftur
færst í nýbyggingar. Engu að síður
var fjöldi nýrra íbúða í fyrra einungis
um 35% af því sem var árið 2007.
Síðustu tvö ár hefur íbúðum fjölg-
að mest í Reykjavík eða um tæplega
1.000. Næst á eftir koma Mosfells-
bær þar sem 550 íbúðir hafa bæst
við á síðustu tveim árum og Kópa-
vogur með um 440. Um 3.000 íbúðir
eru í byggingu í Reykjavík, auk
þess sem samþykkt deiliskipulag
vegna 4.300 annarra íbúða liggur
fyrir.
Betur má ef duga skal, en deild-
arstjóri á húsnæðissviði Íbúðalána-
sjóðs segir tölurnar fyrir landið
áhyggjuefni og ljóst að líklega verði
enn mikill húsnæðisskortur næstu
2-3 árin.
Íbúðum á landinu fjölgar of hægt
 1.759 nýjar íbúðir komu á markað í fyrra  Þrefalt fleiri íbúðir voru byggðar árið 2007
Morgunblaðið/Hari
Kranafargan Víða er byggt en betur má ef duga skal að mati Íbúðalánasjóðs.
Guðrún Erlingsdóttir
ge@mbl.is
„Samkvæmt reglugerð teljast leigu-
bifreiðar til almenningssamgangna
en til þess að leigubílstjórar geti
sinnt hlutverki sínu í almennings-
samgangnakerfinu þarf þjónustan
að vera aðgengileg og á viðráðan-
legu verði,“ segir Hanna Katrín
Friðriksson, þingmaður Viðreisnar,
sem lagt hefur fram tillögu til þings-
ályktunar um að fela samgöngu- og
sveitarstjórnarráðherra að afnema
hámarksfjölda atvinnuleyfa til leigu-
bifreiðaaksturs, fækka kvöðum fyrir
veitingu þeirra og opna íslenskan
leigubifreiðamarkað fyrir aukinni
samkeppni.
„Ég veit ekki hvað ætti að koma í
veg fyrir breytingar á núgildandi
lögum sem eru löngu úrelt og við-
halda fákeppni með tilheyrandi
þjónustuskorti á álagstímum og
hamla eðlilegri samkeppni í verði,“
segir Hanna Katrín og bendir á að
löggiltir gjaldmælar undir eftirliti
Samgöngustofu skerði frelsið til
þess að semja um verð fyrir leigu-
akstur og hamli tæknilegri fram-
þróun á borð við greiðslur í gegnum
snjallsímaforrit sem sé lykilþáttur í
að opna íslenskan markað fyrir þjón-
ustu sem rutt hefur sér til rúms er-
lendis hjá fyrirtækjum á borð við
Uber og Lyft og byggist á grundvelli
samningsfrelsis og kostum deili-
hagkerfisins.
Hanna Katrín vill að lögum verði
breytt þannig að hægt verði að
stunda leigubílaakstur í hlutastarfi.
Kröfum um að leyfishafi sé skráð-
ur eigandi eða fyrsti umráðamaður
bifreiðar verði breytt. Ekki verði
gerð krafa lengur um að öyrkjar
þurfi vottorð Öryrkjabandalagsins
og tryggingayfirlæknis um getu
þeirra til að aka leigubíl.
Námskeið og prófi dugi
„Námskeið og próf eiga að vera
nægur mælihvarði á getu ein-
staklings til aksturs leigubifreiða,“
segir Hanna Katrín sem vill endur-
skoða kafla laganna um að þeir sem
hlotið hafi refsidóma geti ekki fengið
leyfi til þess að aka leigubíl. Áfram
verði þeim sem hafi verið dæmdir til
refsivistar fyrir kynferðisbrot og
ítrekuð umferðarlagabrot meinaður
aðgangur að leigubílaakstri.
Sérstök umræða um frelsi á leigu-
bílamarkaði fer fram á Alþingi á
morgun þar sem Hanna Katrín Frið-
riksson er málshefjandi og Sigurður
Ingi Jóhannsson, samgöngu- og
sveitarstjórnarráðherra, verður til
andsvara.
Leigubílamark-
aður verði frjáls
 Hanna Katrín vill stokka kerfið upp
Morgunblaðið/Brynjar Gauti
Uppstokkun Hanna Katrín vill færa
lög um leigubílaakstur til nútímans.