Morgunblaðið - 23.03.2018, Qupperneq 10

10 MORGUNBLAÐIÐ FÖSTUDAGUR 23. MARS 2018
P
áskarnir eru tími blóma.
Vorið er að bresta á og
margir vilja skreyta hjá
sér með plöntum sem
bæði fegra heimilið og
minna á að náttúran er að vakna til
lífs eftir langan vetrardvala.
Hrafnhildur Þorleifsdóttir er
blómaskreytir og eigandi blómabúð-
arinnar Blómagallerí á Hagamel.
Hún segir Íslendinga duglega að
kaupa sér blóm á þessum tíma árs:
„Greinar af kirsuberjatrjám njóta
líka mikilla vinsælda og blómstra
með fallegum hvítum blómum þeg-
ar þeim hefur verið komið fyrir í
vatni.“
Langt er síðan sú hefð barst til
Íslands að setja trjágreinar í vasa á
páskum og hengja á þær páska-
skraut. Fyrst varð einkum birki
fyrir valinu en síðan varð kirsu-
berjatréð ofan á. „Forsythíugreinar
eru líka vinsælar á páskum enda
blómstra þær gulum blómum.
Kirsuberjagreinarnar hafa þó þann
kost að endast vel því þegar þær
fella blómin byrja þær að laufgast
og haldast lengi fallegar.“
Hrafnhildur var unglingur og enn
í skóla þegar hún vann sína fyrstu
vakt í blómabúð árið 1991. Hún seg-
ir blómamenninguna á Íslandi hafa
þroskast mikið síðan þá og lands-
menn orðnir miklu duglegri að
kaupa blóm bæði hversdags og til
hátíðabrigða. „Hjálpar líka til að
verðið á blómum hefur farið lækk-
andi og úrvalið aukist á sama tíma.
Þarf alls ekki að vera dýrt að gera
fallegan blómvönd sem setur sterk-
an svip á heimilið.“
Mjúkir stilkar í kalt vatn
Ekki ætti að koma á óvart að túl-
ípanar og páskaliljur eru vinsæl-
ustu skrautblómin og má fá bæði á
lauk í potti og afskorin til að stinga
í vasa. Segir Hrafnhildur að hvít og
gul blóm seljist best, og algengt að
fólk blandi þessum tveimur litum
saman í fallegum blómvendi.
Landsmenn kaupa blóm bæði til
að skreyta híbýli sín og til að lífga
upp á veislurnar sem fylgja pásk-
unum. Segir Hrafnhildur m.a. al-
gengt að keyptur sé veglegur blóm-
vöndur eða annað blómaskraut fyrir
fermingarveislurnar og veislusal-
irnir iðulega skreyttir með blómum
jafnt að innan sem utan.
Ef keyptur er vöndur af af-
skornum túlípönum eða páskaliljum
þarf að gæta þess að hafa ekki of
mikið vatn í blómavasanum. „Miða
ætti við að hafa ekki meira en 4-5
cm af vatni neðst í vasanum og hafa
vatnið kalt þegar blómunum er
stungið í. Sumir grípa meira að
segja til þess ráðs að setja klaka í
vatnið til að halda því köldu lengur.
Með blóm eins og túlípanann hjálp-
ar kuldinn til við að láta blómið
springa hægar út svo það endist
lengur.“
Hrafnhildur segir það líka góða
reglu að skera eða klippa tæpan
sentimetra neðan af túlípönunum
og páskaliljunum áður en þeim er
komið fyrir í vatni, því ef þau hafa
verið vatnslaus í einhvern tíma
lokast fyrir vatnsinntökuna.
Einnig er vissara að klippa neðan
af greinunum, en þær á að setja í
volgt vatn frekar en kalt. „Þumal-
puttareglan er að því harðari sem
stilkurinn er, því volgara er vatnið,
og því mýkri sem stilkurinn er, því
kaldara vatn fer í vasann,“ útskýrir
Hrafnhildur. ai@mbl.is
Fjölbreytni Fara má margar leiðir við að gera snotran páskablómvönd og setja fleira í vöndinn en bara páskaliljur og túlípana - jafnvel skrautlega fjöður. Grænir og gulir grunntónar passa við margt.
Gleði og vor
með gulum og
hvítum blómum
Morgunblaðið/Hari
Lífsgæði Hrafnhildur segir alls ekki þurfa að vera dýrt að gera fallegan blómvönd sem setur sterkan svip á heimilið.
Vorið Ef veður leyfir má hafa falleg páskablóm utandyra, t.d. á sólpallinum, eða setja á leiði ástvina.
Ekki má gleyma, þegar páskaliljum og túlípönum
er komið fyrir í vasa, að skera neðan af stilknum,
hafa vatnið kalt og ekki of mikið af því.
Rætur Páskablóm í potti fegra og skapa heimilislega stemningu.
Gróska Gulir túlípanar seljast mjög vel dagana í kringum páska.