Morgunblaðið - 23.03.2018, Síða 32

32 MORGUNBLAÐIÐ FÖSTUDAGUR 23. MARS 2018
Gullfiskur
Kæliþurrkaður harðfiskur
semhámarkar ferskleika,
gæði og endingu.
Inniheldur 84%prótein.
84%prótein - 100% ánægja
Framleiðandi: Tradex ehf, Eyrartröð 11, 220Hafnarfjörður, tradex@tradex.is
Harðfiskur // Bitafiskur // Skífur
Tilvalinn með
í ferðalagið um
páskana
U
m þessar mundir stendur
mikið til hja Sigrúnu Ellu
en hún er á leiðinni á
konditori-heimsmeist-
arakeppnina sem fer
fram í München í september.
Hrafnhildur Anna Kroknes, sem
er menntaður bakari frá MK og
konditor frá ZBC, er að fara að
keppa og Sigrún Ella fer sem þjálf-
ari fyrir Íslands hönd.
„Við erum að fara að keppa fyrir
Ísland á heimsmeistarakeppni undir
25 ára í sætabrauði í München og
þessi heimsmeistarakeppni er á veg-
um UIBC sem er samband bakara
og konditora um allan heim,“ út-
skýrir Sigrún Ella. „Keppnin var
fyrst haldin árið 2016 í Hollandi og
er haldin í annað sinn núna í Þýska-
landi samhliða stórsýningunni IBA í
september 2018. Það er einnig gam-
an að segja frá því að þetta er í
fyrsta skiptið sem Ísland sendir
keppanda í þessa keppni.“
IBA er sýning í Þýskalandi sem
verður haldin dagana 15.-20. sept-
ember 2018, en þetta er vettvangur
fyrir aðila sem koma að veitinga-
rekstri af eitthverju tagi og hefur
verið haldin síðan 1949 og er haldin á
þriggja ára fresti. Um 1300 fyrirtæki
eða einstaklingar frá 57 löndum eru
að sýna og kynna þeirra vörumerki
og koma um 78.000 gestir frá 167
löndum á þessu viðamiklu sýningu.
Konfekt eitt af uppáhalds
verkefnunum
„Við byrjum á því að læra að gera
konfekt í náminu,“ segir Sigrún Ella
um þessa sætu mola sem erfitt getur
verið að standast. „Það getur verið
allt frá marsipani upp í fallegar fyll-
ingar svo sem núggat, hnetur,
ávexti, og svo „ganache“ sem er oft-
ast notað,“ útskýrir hún.
„Konfekt er eitt af mínum uppá-
halds verkefnum af öllu því sem ég
tek mér fyrir hendur, bæði vegna
fínvinnunnar sem felst í konfekti og
líka vegna temprunar á súkkulaði –
sem er ekki bara temprun. Það er
mikið á bakvið það,“ bætir hún við.
„Það skiptir miklu máli að æfa sig
vel því að æfingin skapar meist-
arann.“
Gott eftir matinn um páskana
Þegar talið berst að kökum á borð-
um um páskana segir Sigrún klass-
íkina vera í mestu uppáhaldi.
„Persónulega finnst mér gömlu
terturnar bestar, þar á meðal peru-
terta, pavlova, skyrterta og rjóma-
tertur eins og amma gerir.
Því auðveldari að búa til, því betri.
En það er alltaf gaman að nostra í
eldhúsinu fyrir góð matarboð, þá að-
allega súkkulaðimústertur.“
Þegar Sigrún Ella er beðin um
hollráð fyrir okkur viðvaningana,
sem elskum að borða góðgæti á
páskunum, en erum kannski ekki
best í heimi að búa það til, hugsar
hún sig um.
„Eftir þunga máltíð eins og páska-
lærið er alltaf gott að fá sér léttan
desert, eins og til dæmis skyrmús,
crème brûlée eða góðan ís. Því það
er ekki gott að vera við það að
springa.“
Það má vel taka undir það! En á
Sigrún einhver vísdómsorð að lokum
fyrir þá sem ætla að spreyta sig á
góðgætisgerð um páskana?
„Æfingin skapar meistarann.
Það er ekkert sem er ekki hægt er
að gera, það er allt mislétt.
Gefa sér bara góðan tíma í und-
irbúning og þá eru allir vegir færir.
Gleðilega páska!“
elinros@mbl.is
Ljúffengt súkkulaði
og listafagurt
Sigrún Ella Sigurðardóttir er lærð sem konditor frá ZBC Ringsted á
Sjálandi í Danmörku, og starfar nú sem konditor hjá 17 sortum. Þar
sem páskarnir eru í hugum okkar flestra tengdir súkkulaði órjúf-
anlegum böndum var ekki úr vegi að heyra í henni hljóðið.
Konditorinn Sigrún Ella Sigurð-
ardóttir, konditor hjá 17 sortum.
Molar Konfektmola má steypa í alls konar lögun og allir geyma eitthvað gómsætt.
Listaverk Ekki er verra ef
það má borða listina, þegar
búið er að dást að henni!
Svanurinn Fagurlega mótaður súkku-
laðisvanur úr smiðju Sigrúnar Ellu.
Páskar Gullfalleg og eilítíð framúrstefnuleg páskaegg.
Konfekt Fátt freistar meira en ljúffengur konfektmoli til að njóta eftir góða máltíð. Ekki spillir ef hann er svona fallegur.