Morgunblaðið - 23.03.2018, Side 30

30 MORGUNBLAÐIÐ FÖSTUDAGUR 23. MARS 2018
56 10 000
TAXI
BSR
Góð þjónusta
yfir 90 ár10%
afsláttur
fyrir 67 ára
og eldri
Í
huga margra er ómissandi á
páskum að gæða sér á vænu
lambalæri eða gúffa í sig
kynstrunum öllum af mjólk-
ursúkkulaði. Hulda B. Waage
lætur þessar hefðir alveg vera enda
vegan og leggur sér því hvorki dýr
né dýraafurðir til munns. Hún gerir
samt vel við sig í mat og drykk á
páskum, og á ekki í nokkrum vanda
með að fullnægja sælgætisþörfinni
og fylla veisluborð án dýraafurða.
„Síðasta kvöldmáltíðin, frægasta
kvöldmáltíð allra tíma, var að öllum
líkindum vegan. Jesús var gyðingur
og fastaði því á skírdag. Eins og
frægt er samanstóð máltíðin af víni
og brauði,“ segir Helga.
Eins og með marga grænkera til-
einkaði Hulda sér vegan-lífsstílinn í
nokkrum skrefum. „Þegar ég var
fimmtán ára gömul fann ég mat-
reiðslubókina Grænt og gómsætt á
heimilinu, bók sem mamma hafði
keypt til að reyna að auka holl-
ustuna í mataræði fjölskyldunnar. Á
þeim tíma vissi ég hreinlega ekki að
það væri hægt að vera vegan, en
mér þóttu réttirnir í bókinni for-
vitnilegir og fór að fikra mig áfram í
grænmetisátinu. Sem unglingur
byrjaði ég að sneiða hjá lambakjöti,
nautakjöti og öðrum spendýra-
afurðum en hélt áfram að borða
kjúkling og fisk þar til fyrir fjórum
árum að ég tók skrefið til fulls og
ákvað að veganisminn myndi verða
minn lífsstíll.“
Hulda er 32 ára gömul og býr á
Akureyri ásamt manni sínum og
tveimur dætrum. Hún stundar
kraftlyftingar af miklu kappi og er
án nokkurs vafa ein sterkasta kona
landsins. Hulda er fædd og uppalin í
Reykjavík en flutti norður fyrir
fimm árum til þess að elta ástina.
Manninum sínum kynntist hún í
gegnum kraftlyftingasportið en þeg-
ar hún er spurð út í mataræði mak-
ans segir hún að hann sé „eins og
venjulegur maður að því leyti – bara
mjög stór maður,“ en hún lætur það
ekki trufla sig þó karlinn víli ekki
fyrir sér að neyta dýraafurða.
Mataræðið breytist ekki mikið hjá
Huldu um páskana og segist hún
m.a. halda upp á að gera kínóa-salat
á tyllidögum. „Ef einhver annar en
ég sér um matseldina þá er oft farin
sú leið að kaupa tilbúna hnetusteik
handa mér. Annars á það við um
páskana, rétt eins og jólin og aðrar
hátíðir að ég verð hreinlega södd af
öllu átinu í kringum mig.“
Galdrar fram kökur og bollur
Til að gera grænmetisréttina páska-
legri segir Hulda hægt að bæta t.d.
við gulu saffran bæði fyrir krydd-
keiminn og litinn eða lofnarblómi til
að fá fjólublaán lit. Saffranbollur eru
t.d. réttur sem Hulda er vís til að
baka á páskum.
„Á páskadag gerum við okkur
dagamun með því t.d. að baka kök-
ur, sem er lítill vandi að gera án
dýraafurða. Svo reyni ég að hafa
næringarríkan og góðan kvöldmat
til að vega upp á móti súkkulaði- og
sætindaátinu.“
Hulda segist vera mikill sælgæt-
isgrís og er hún vön að búa til sín
eigin páskaegg úr dýraafurðalausu
súkkulaði. „Í fyrra lét ég kaupa sér-
staklega fyrir mig vegan-páskaeggið
frá Nóa Siríus sem þá var bara selt í
Krónunni. Þar sem engin Krónubúð
er á Akureyri þurfti ég að fá eggið
sent til mín, en fannst það ekki nógu
gott þegar á reyndi. Hentar mér
betur að kaupa mitt uppáhalds veg-
an súkkulaði og búa eggin til
heima.“
Notar Hulda þá t.d. Nóa-
suðusúkkulaði, sem er án allra dýra-
afurða. „Margar aðrar tegundir
standa til boða og má finna úrval af
vegan-súkkulaði hjá Nettó.“
Að mati Huldu er ekki flókið að
vinna með súkkulaðið. „Ég set
súkkulaðiplöturnar einfaldlega í
pott og hef á lægsta hita. Síðan bíð
ég þolinmóð eftir að súkkulaðið
bráðni, og helli þvínæst í eggjamót,
dreifi um mótið og læt harðna. Þarf
þrjú til fjögur lög af súkkulaði til að
fá rétta þykkt og hægt að bregða á
leik með t.d. rice-crispies eða ís-
lenskan lakkrís, sem yfirleitt er
dýraafurðalaus.“
Hulda fyllir eggin með vegan-
sælgæti, sem hún segir auðvelt að
finna í flestum matvöruverslunum.
„Vegan-sælgætið er sjaldan haft á
sér stað og þarf því að skoða inni-
haldslýsinguna. Ég er á Snapchat og
ver þar töluverðum tíma daglega í
að svara spurningum fólks um hvaða
sælgæti er vegan,“ segir hún. Að-
Vegan á
páskum rétt
eins og Jesús
Hulda B. Waage gerir páskaegg úr sínu
uppáhalds vegan-súkkulaði og fyllir með
vegan-lakkrís og vegan-hlaupi. Bollur og
snúðar með saffran eiga vel við á páskum.
Hollusta Hulda B. Waage í
eldhúsinu með dóttur
sinni. Hún hefur það fyrir
sið að steypa eigin páska-
egg úr sínu uppáhalds
dýraafurðalausa-súkkulaði.
Góðir gestgjafar gæta þess að
taka tillit til þess ef gestir þeirra
eru á sérstöku mataræði. Getur
þó stundum vafist fyrir fólki
hvað skal til bragðs taka ef veg-
an-gestur er væntanlegur. Hulda
segir alls ekki erfitt að matreiða
ofan í vegan-gesti, og sjálfsagt
að spyrja þá einfaldlega hvað
þeir gætu hugsað sér að borða.
Grípur Hulda stundum til þess
ráðs að fá sér létta máltíð fyrir
matarboð, og taka með sér nesti
til öryggis, en oft sé hægt að búa
til prýðilegan vegan rétt úr því
meðlæti sem er á boðstólum.
„Þeir sem vilja gera fallegan
vegan veislurétt geta t.d. gert
salat með saffranbollum og soðnu
kínóa, með skornu grænmeti og
ávöxtum. Til að gera réttinn enn
betri má strá hollum fræjum yfir
og vegan salat-dressingu.“
Hulda segir að oft megi finna á
veisluborðinu meðlæti sem vegan
fólk borðar með bestu lyst, t.d.
grillaðar kartöflur eða vorlegt
salat. „En það er þá gott að hafa
salatið dýraafurða laust og
geyma t.d. rifinn ost eða feta-
teninga í sérstakri skál, og sósur
úr mjólkurvörum einnig svo fólk
geti valið að bæta þeim út í sal-
atið eða sleppa þeim. Bæði þykir
veganfólki það ágætt, en líka
þeim sem þola illa mjólk-
urvörur.“
Er von á grænmet-
isætu í páskaboðið?