Morgunblaðið - Sunnudagur - 01.04.2018, Síða 2

Hvernig ganga fermingar í Stafholts-
prestakalli?
Ég fermi níu börn í fimm fermingum í þremur kirkjum.
Þannig er líf sveitaprestsins.
Hvernig gengur að kristna börnin?
Þau eru auðvitað kristin þannig að ég þarf ekkert að
kristna þau. Þetta eru góðir krakkar og áhugasamir.
Fer einhvern tímann eitthvað úrskeiðis
við fermingar eða páskamessu?
Nei, það fer aldrei neitt úrskeiðis! Auðvitað hafa
komið upp atvik, t.d. hefur liðið yfir fermingarbörn.
Ef það gerist eitthvað óvænt reynir maður að gera
gott úr hlutunum á þann hátt að engum líði illa með
það. Maður þarf að vera fljótur að hugsa, kannski
eins og leikari á sviði.
Hvað ætlarðu að leggja áherslu á í
þinni predikun á páskunum?
Að lífið sé gott og það sé alltaf von þótt á móti blási.
Þó að maður lendi í áföllum, mótlæti eða hremm-
ingum og sjái enga útgönguleið er fegurðin og kær-
leikurinn oft nær en við höldum. Það óvænta er að
krísur og áföll geta orðið til blessunar.
Hvað er það besta við páskana?
Páskarnir og bænadagarnir eru svo innihaldsríkir og
það má nota þá sem speglun á mannheima. Að lifa
sig inn í sögu dymbilvikunnar er alveg magnað. Á
skírdegi, þegar lærisveinarnir borðuðu síðustu
kvöldmáltíðina, má hugleiða gildi vináttunnar og
freistingarinnar að svíkja fólk eða hugsjónir. Við get-
um öll upplifað að verða svikin eða vera svikarar. Svo
kemur föstudagurinn langi með sínum djúpu skugg-
um og vanlíðan. Stundum er lífið bara mjög erfitt.
Það hafa allir upplifað. Síðan kemur þessi gleði á
páskadegi með veislum og góðum mat. Mér finnst
páskarnir dásamlegur tími og vorið sem er í lofti kallast
á við páskaboðskapinn. Mér finnst það trúarupplifun að
lifa sig inn í hvern dag bænadagana, því þá tekur maður á
móti páskagleðinni af meiri einlægni.
SR. ELÍNBORG
STURLUDÓTTIR
SITUR FYRIR SVÖRUM
Lifi mig inn
í páska-
dagana
Í FÓKUS
2 MORGUNBLAÐIÐ SUNNUDAGUR 1.4. 2018
Ritstjórn
Árni Matthíasson arnim@mbl.is Ásdís Ásgeirsdóttir asdis@mbl.is Einar Falur Ingólfsson efi@mbl.is Helgi Sigurðsson helgis@mbl.is Inga Rún Sigurðardóttir ingarun@mbl.is Júlía Margrét Alexandersdóttir
julia@mbl.is Orri Páll Ormarsson orri@mbl.is Sigurborg Selma Karlsdóttir sigurborg@mbl.is Silja Björk Huldudóttir silja@mbl.is Skapti Hallgrímsson skapti@mbl.is
Mér skilst að fólk úti um allan heim sé í uppnámi og jafnvel á harðakani undan fyrirbrigði sem á útlensku kallast Facebook. Fésbókheitir það hér í fásinninu; ég hef aldrei skilið hvers vegna bóka-
þjóðin vandi sig ekki frekar á Snjáldru. Það tekur því ekki einu sinni að bera
þessi tvö nöfn saman. En það er önnur saga. Skilji ég þetta rétt þá hefur
mannkyn dælt upplýsingum um sjálft sig og aðra inn á fyrirbrigðið sem
reyndist svo mígleka. „Huldri sé nú,“ eins og kerlingin orðaði það forðum. Til
að gera langa sögu stutta þýðir þetta að Vladimír Pútín gæti hæglega setið
núna á skrifstofu sinni í Kreml og lesið brandara sem Baddi og Gilli á Tálkna-
firði sögðu um hann í hálfkæringi haustið 2011. Sín á milli. Þá er bara að
vona, Badda og Gilla vegna, að hálfkæringur skili sér vel úr íslensku yfir á
rússnesku. Annars er líklega best að opna ekki grunsamlegan sniglapóst á
næstunni. Alltént ef marka má vini okkar Breta.
Þetta minnir mig á það, þegar Dagur heitinn Sigurðarson skáld kom í
opinbera heimsókn á Nýja-Garð, þar sem ég bjó, snemma á tíunda áratug
síðustu aldar. Í spjalli hans við vistmenn kom fram að hann talaði hin ýmsu
tungumál og væri til að mynda „mellufær“ á rússnesku. „Og hvernig segir
maður mella á rússnesku?“ gall þá í einum sambýlingnum. Kom þá sem
snöggvast á skáldið sem játaði að það myndi það hreinlega ekki. Eftir reki-
stefnu var niðurstaðan sú að það hlyti að vera „prostitjútska“.
Hvað sem því líður skrifa ég auð-
vitað af algjöru þekkingarleysi um
Snjáldru enda hef ég aldrei haldið
þar úti síðu. Ég er stundum spurður
hvað ég hafi á móti Snjáldrunni og
svarið er afskaplega einfalt: Ekki
neitt. Ég hef bara aldrei fundið fyrir
þörf til að skella mér í samkvæmið;
sé bara ekki tilganginn í því að upp-
lýsa heiminn um það hvenær ég fer
út að borða eða hvernig hægðirnar
eru þann daginn. Sjálfsagt er það
bara misskilningur en mér finnst
tíma mínum betur varið í athafnir af
öðru tagi. Þess utan er líklega nóg
að ég ónáði fólk á síðum þessa blaðs!
Hafandi sagt það þá er líklega rétt
að taka fram að ég var um tíma sett-
ur á Snjáldruna, að mér forspurðum. Að þeim gjörningi stóðu svokallaðir vin-
ir mínir en spaugið snerist um það hversu langan tíma það tæki mig að átta
mig á því að ég væri þarna inni. Hrekkurinn heppnaðist afar vel, í þeim skiln-
ingi að margir mánuðir liðu uns einhver missti út úr sér: „Þú ert kominn á
Facebook!“ Ha, nei. „Jú.“ Nei. „Víst, sjáðu bara!“
„Vera mín“ á Snjáldrunni olli tómum misskilningi; einhverjar hræður
freistuðu þess að vingast við mig en mættu algjöru fálæti. Sumir eru ekki
farnir að tala við mig ennþá eftir höfnunina. Það varð til þess að aðstand-
endur síðunnar komu sér upp sjálfvirku svari og upplýstu fyrirspyrjendur og
vinbiðla um að ég hefði alls enga aðkomu að síðunni sjálfur og betra væri að
senda mér tölvupóst á netfangið sem fylgir þessum pistli.
Já, margt er skrýtið í kýrhausnum.
AFP
Féleg Fésbók
Pistill
Orri Páll
Ormarsson
orri@mbl.is
’Þá er bara að vona,Badda og Gilla vegna,að hálfkæringur skili sérvel úr íslensku yfir á
rússnesku. Annars er lík-
lega best að opna ekki
grunsamlegan sniglapóst
á næstunni.
Stefán Ingólfsson
Ég er búsettur í Noregi, þannig að
ég er hér í heimsókn um páskana.
Ég er að fara norður á Sauðárkrók.
SPURNING
DAGSINS
Hvað ætlar
þú að
gera um
páskana?
Jóna Guðbjörg Guðmundsdóttir
Ég er í fríi á Íslandi, en ég vinn sem
fyrirsæta og er mikið á flakki. Ég
ætla á Hellu með kærastanum og
fara á hestbak og skoða landið.
Sigurður Sigurðsson
Ég ætla að taka frí úr vinnunni og
hafa það rosa notalegt. Kannski
keyri ég austur að túristast.
Anna Björg Björnsdóttir
Bara vera heima og njóta lífsins.
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
Skapti Hallgrímsson
Sr. Elínborg Sturludóttir, sóknarprestur í Stafholti, mun hafa nóg fyrir
stafni um páskana.
Hún verður með guðsþjónustur alla helgidagana í þremur sveita-
kirkjum; í Stafholti, í Hvammi í Norðurárdal og í Norðtungu í Þverárhlíð.