Morgunblaðið - 19.04.2018, Síða 30

30 FRÉTTIRInnlent
MORGUNBLAÐIÐ FIMMTUDAGUR 19. APRÍL 2018
Sigurður Bogi Sævarsson
sbs@mbl.is
Sparneytni í eldsneytisnotkun, lítill
viðhaldskostnaður og þægindi eru
meðal helstu kosta Boeing 737-MAX,
flugvéla sem nú eru að koma í flota
Icelandair. Sú fyrsta var formlega
tekin í notkun um síðustu helgi og
var fjölmiðlamönnum og fleirum
boðið í kynningarferð af því tilefni,
þar sem flogið var frá Reykjavík
norður í Eyjafjörð á um tuttugu mín-
útum. Vélin nýja, sem hefur fengið
nafnið Jökulsárlón, er sú fyrsta af
sextán þessarar gerðar sem Ice-
landair hefur keypt.
„Þessi nýja flugvél er sem hugur
manns,“ segir Þórarinn Hjálmarsson
sem var flugstjóri í kynningarflug-
inu. Þeir Haraldur Baldursson flugu
vélinni frá framleiðanda í Renton í
Bandaríkjunum 28. febrúar en þá
tók við standsetning sem flugvirkjar
í viðhaldsstöð Icelandair á Keflavík
höfðu með höndum. Alls um 60 flug-
menn og flugstjórar fengu þjálfun á
vélina í flughermi í Englandi. Sex
flugstjórar fóru síðan til Renton og
fengu þar þjálfun á vélina sjálfa.
40% eldsneytissparnaður
„Að margra mati eru Boeing 737
einhverjar bestu flugvélar sem fram-
leiddar hafa verið. Þær komu fyrst á
markað árið 1967, hafa verið þróun
æ síðan og er MAX-vélin afsprengi
þessi. Mér finnst frábært að vera
kominn með svona grip í hendur
enda hefur þessi vél svo marga góða
kosti. Fer vel með bæði áhöfn og far-
þega og svo er hún sparneytin. Í
fimm tíma flugi á austurströnd
Bandaríkjanna eyðir hún kannski
12-13 tonnum af eldsneyti en nokkru
stærri vél, Boeing 757-200, eins og
við höfum mikið notað á þeirri leið,
fer með um 20 tonn. Það er um 40%
sparnaður.“
Tvær MAX-vélar til viðbótar
koma til Icelandair síðar í þessum
mánuði en hinar þrettán koma á
næstu þremur árum. Þær verða not-
aðar í almennu áætlunarflugi Ice-
landair til áfangastaða bæði í Evrópu
og Norður-Ameríku. MAX-8 og
MAX-9 taka 160 til 178 farþega og
bætast við Boeing-757 og Boeing-767
sem eru í flota félagsins. Í ár verður
Icelandair með alls 33 Boeing-vélar í
útgerð.
Tímamót
„Þetta er tímamótadagur í starf-
semi okkar, en með kaupunum á
MAX-vélunum erum við að þróa
flugflota okkar inn í framtíðina. Bo-
eing-757 vélarnar sem við höfum
lengi verið með hafa hentað leiða-
kerfi Icelandair afar vel. Nú eru þær
farnar að eldast og kaupin á MAX
eru fyrsta skrefið í þá átt að skipta
þeim út,“ sagði Björgólfur Jóhanns-
son, forstjóri Icelandair, í samtali við
Morgunblaðið í kynningarfluginu.
Kaupverð nýju flugvélanna er ekki
gefið upp, en Björgólfur segist þó
vera ánægður með viðskiptin. Vélin
nýja frá Boeing hefur líka fengið
góðar viðtökur og engin vél í sögu
framleiðandans hefur selst jafn vel.
Liggja nú fyrir pantanir á rúmlega
4.300 þotum þessarar gerðar frá
flugfélögum í 92 löndum.
Upphaf endurnýjunar flugflotans
 Boeing 737-MAX í flota Icelandair
 Fyrsta vélin af 16  60 flugmenn í
þjálfun  Með góðan grip í höndunum
Flugstjórar Þórarinn Hjálmarsson, til vinstri, og Haraldur Baldursson voru við stjórnvölinn í kynningarfluginu. Farþegar Viðurgjörningur er góður og vel fer um farþega í sætum.
Ánægðir Björgólfur Jóhannsson, forstjóri Icelandair, og Úlfar Steindórsson
stjórnarformaður ganga frá borði, sáttir með vélina og skemmtilega ferð.
Morgunblaðið/Árni Sæberg
Þota Vélin nýja frá Boeing hefur líka fengið góðar viðtökur og engin vél í sögu framleiðandans selst betur. Fyrir
liggja pantanir á rúmlega 4.300 þotum, sem framleiddar verða í verksmiðjum Boeing í Renton í Bandaríkjunum.
Útsýni Séð í gegnum þoku yfir
Garðabæ og Kópavog í flugtakinu.
Mest seldu ofnar
á Norðurlöndum
áreiðanlegur hitagjafi
10 ára ábyrgð
Draghálsi 14 - 16 · Sími 4 12 12 00 · www.isleifur.is