Fréttablaðið - 07.07.2018, Qupperneq 56

Tónlistin er samt
enn stór partur
þótt fiðlan sé tekin út því
ég spila á gítar og píanó í
frítímanum og er mikill
sturtusöngvari.
Starri Freyr
Jónsson
starri@frettabladid.is
8 KYNNINGARBLAÐ FÓLK 7 . j ú L í 2 0 1 8 L AU G A R DAG U R
Skemmtilegar og frumlegar útsetningar á þekktum popp- og rokklögum eru á efnisskrá
Baldurs Viggóssonar Dýrfjörð, 18
ára nemanda í klassískum fiðlu-
leik, sem kemur fram á þrennum
tónleikum í Hörpu þessa dagana.
Fyrstu tónleikarnir voru í gær,
föstudag, og þeir næstu verða kl. 17
í dag við veitingastaðinn Smur-
stöðina, sem er til húsa á fyrstu hæð
Hörpu.
Baldur hefur stundað nám í
klassískum fiðluleik frá barnsaldri
en hefur undanfarin misseri farið
út fyrir klassíska boxið og komið
fram víða á höfuðborgarsvæðinu
og skemmt gestum og gangandi
með skemmtilegum og frumlegum
útsetningum á popp-, rokk- og
djasstónlist fyrir fiðlu.
Með gott tóneyra
Aðspurður hvenær hann hafi
byrjað að fikta við popp-, rokk- og
djassútsetningar segist Baldur alltaf
hafa verið með gott tóneyra og
því átt auðvelt með að pikka upp
laglínur og spila þær á fiðluna. „Þau
lög sem maður heyrir nú til dags
eru miklu minna klassísk verk eftir
löngu dauða karla og meira bara
slagarar í útvarpinu. Svo ég hef
alltaf í rauninni verið að spila ein-
hver popp lög líka.“
Eftir að hafa spilað djass á
þematónleikum í tónlistarskóla
með gítarleikara og trommara
segist hann hafa byrjað að prófa
sig áfram. „Fyrst með lögum með
undirspili sem ég fann á netinu en
svo fór ég að fylgjast með öðrum
fiðluleikurum sem hafa verið í
sams konar útsetningum og hóf að
herma eftir þeim. Þá sá ég að hægt
var að gera ýmsar útgáfur betri
eða skemmtilegri og áður en ég
vissi af var ég farinn að þróa mínar
eigin útsetningar á lögum og púsla
saman undirspili sjálfur.“
Marglaga lög
Í sumar segist hann hafa unnið
mikið með „loop-pedal“ sem virki
þannig að hann tekur upp laglín-
una og endurtekur hana svo aftur
eins og oft og hann vill. „Svo er hægt
að byggja ofan á hana mörg lög af
stefjum og á endanum hljómar allt
eins og undirspil. Í mínu tilfelli er
það eins og það séu margar fiðlur
að spila í einu. Ef ég vil spila lag með
„loop-pedalnum“ þarf lagið helst að
endurtaka sömu 4/8 hljómana aftur
og aftur í gegnum lagið. Svo þarf ég
að brjóta hljómana niður í einstaka
nótur og rytmann á þeim til að
lagið hljómi eins og ég hef ímyndað
mér það. Einnig nota ég fiðluna og
hljóðnemann sem ásláttarhljóð-
færi til að líkja eftir trommum svo
undirspilið fái breiðari og skýrari
vídd.“
Mikil fjölbreytni
Meðal laga á efnisskránni er
Wicked Game eftir Chris Isaak en
sú útgáfa var unnin í samstarfi með
Götuleikhúsi Reykjavíkur. Lagið
var frumflutt í Ráðhúsi Reykjavíkur
síðasta föstudag þar sem flytjendur
voru klædd í búninga. „Krakkarnir í
Götuleikhúsinu voru með ótrúlega
fallega kóreógrafíu í kringum mig
á meðan ég spilaði en þar notast
ég einmitt við „loop-pedalinn“.
Ég mun notast mest við hann á
þessum þrennum tónleikum og þar
af leiðandi verða lögin öll annað-
hvort popp eða rokk en ekki djass
eða blús. Mér þykir það líka bara
skemmtilegast enda fanga þau lög
meiri athygli. Bara einhver strákur
að spila á fiðlu með hljóðnema sem
tengist fullt af framandi tækjum og
tólum.“
Meðal annarra laga nefnir hann
fallega útgáfu af Hallelujah eftir
Leonard Cohen. „Svo tek ég nánast
alltaf Smooth Criminal með Mich-
ael Jackson þegar ég kem fram
og auðvitað Thunderstruck með
AC/DC en það er alltaf jafn mikill
sjarmi yfir því lagi og skemmtileg
orka í kringum það.“
Syngur í sturtu
Utan fiðlunnar stundar Baldur
nám við Menntaskólann í Hamra-
hlíð og segist elska kaffi. „Ég vinn
líka sem þjónn og barþjónn auk
þess að vera einn af listhópum
Hins hússins í sumar þar sem ég fæ
listrænu útrásina í fiðlustússinu.
Tónlistin er samt enn stór partur
þótt fiðlan sé tekin út því ég spila
á gítar og píanó í frítímanum og er
mikill sturtusöngvari, öðrum fjöl-
skyldumeðlimum til lítillar gleði.
Svo kann ég auðvitað að meta góða
sjónvarpsþætti og síminn er aldrei
langt undan.“
Árið 2016 tók Baldur þátt í Ísland
got talent sem hann segir hafa verið
ótrúlega góða reynslu. „Þá fyrst átt-
aði ég mig á því að fólk í raun naut
þess að hlusta á það sem ég var að
spila. Það gaf mér mikilvægt sjálfs-
traust sem hvatti mig til að sinna
þessu betur. Svo var ég auðvitað að
vinna með algjörum fagmönnum
í bransanum og síðast en ekki síst
eignaðist ég vini sem mér þykir
ótrúlega vænt um.“
Hann segist lengi hafa stefnt á
að taka upp og gefa út tónlistar-
myndbönd við eitthvað af því efni
sem hann hefur verið að vinna við
undanfarið. „En tíminn flýgur frá
mér og brátt byrjar skólinn og allt
ruglið sem fylgir honum. Svo er ég
með hræðilega fullkomnunar áráttu
í kringum það sem ég gef út og það
hjálpar ekki til. En ég stefni þó á að
gera það fljótlega.“
Tónleikarnir í dag hefjast kl. 17
og þeir þriðju verða miðvikudaginn
11. júlí kl. 17. Aðgangur er ókeypis.
Strákur, fiðla og framandi tæki
Fiðlunemandinn Baldur Viggósson Dýrfjörð fer út fyrir klassíska boxið á tónleikum í Hörpu í dag
og næsta miðvikudag. Þar flytur hann m.a. lög eftir Chris Isaak, Michael Jackson og AZ/DC.
„Áður en ég vissi af var ég farinn að þróa mínar eigin útsetningar á lögum og púsla saman undirspili sjálfur,“ segir Baldur Viggósson Dýrfjörð, sem heldur tónleika í Hörpu í dag. MYND/SIGTRYGGUR ARI
0
7
-0
7
-2
0
1
8
0
4
:1
8
F
B
0
8
8
s
_
P
0
5
6
K
.p
1
.p
d
f
F
B
0
8
8
s
_
P
0
3
3
K
.p
1
.p
d
f
A
u
to
m
a
tio
n
P
la
te
re
m
a
k
e
: 2
0
5
6
-3
E
8
C
2
0
5
6
-3
D
5
0
2
0
5
6
-3
C
1
4
2
0
5
6
-3
A
D
8
2
7
5
X
4
0
0
.0
0
1
1
A

F
B
0
8
8
s
_
6
_
7
_
2
0
1
8
C
M
Y
K