Fréttablaðið - 01.09.2018, Qupperneq 30

Jafnöldrurnar úr FH Sif Atla-dóttir og Guðbjörg Gunnars-dóttir hafa upplifað margt á löngum ferli. Þær hafa leikið fjölda landsleikja, unnið titla með félagsliðum sínum
og spilað sem atvinnumenn
erlendis. Eitt eiga þær þó eftir
að afreka; að leika í lokakeppni
heimsmeistaramótsins. Þær og
stöllur þeirra í landsliðinu fá tæki-
færi til að skrifa þann kafla í íslenska
fótboltasögu þegar Ísland mætir
Þýskalandi á Laugardalsvellinum í
dag. Með sigri tryggir íslenska liðið
sér farseðilinn til Frakklands þar
sem HM verður haldið á næsta ári.
„Það er erfitt að bera þennan
leik saman við leiki í lokakeppni
en þetta er stærsti leikur sem við
höfum spilað í undankeppni. Þetta
er allavega stærsti leikur sem ég hef
spilað á Laugardalsvelli,“ segir Guð-
björg þegar blaðamaður Frétta-
blaðsins hitti þær Sif að máli fyrr í
vikunni. Þær voru þá nýkomnar frá
Svíþjóð þar sem þær leika báðar sem
atvinnumenn.
Íslenska kvennalandsliðið hefur
komist inn á síðustu þrjú Evrópu-
mót en hingað til hefur ekki verið
neinn hægðarleikur að komast inn
á heimsmeistaramótið sem er haldið
á fjögurra ára fresti.
„Það er erfiðara að komast á HM,“
segir Guðbjörg. „Núna þarftu reynd-
ar „bara“ að vinna þinn riðil en áður
fyrr þurftirðu að vinna riðilinn og
síðan sigurvegarann úr öðrum riðli.
Þetta var varla raunhæft.“
Ísland vann fyrri leikinn gegn
Þýskalandi í undankeppninni með
þremur mörkum gegn tveimur. Það
er stærsti sigur kvennalandsliðsins
ef litið er til styrkleika andstæð-
ingsins og árangursins gegn honum
í sögulegu samhengi. Fyrir leikinn
í október í fyrra hafði Þýskaland
unnið alla 14 leiki sína gegn Íslandi
með markatölunni 56-3 og Íslend-
ingar höfðu ekki skorað í tíu leikjum
í röð gegn Þjóðverjum.
Leikurinn í Wiesbaden var annar
leikur íslenska liðsins eftir EM í Hol-
landi þar sem Ísland tapaði öllum
leikjum sínum og féll úr leik í riðla-
keppninni. Bjartsýnin fyrir leikinn
gegn Þýskalandi var því ekki ýkja
mikil. En þrátt fyrir allt segir Sif að
trúin í íslenska hópnum hafi verið
mikil fyrir leikinn.
„EM var vonbrigði miðað við hvað
okkur langaði að gera. Maður verður
að vera með háleit markmið. Stund-
um nær maður þeim og stundum
ekki. EM hjálpaði okkur rosalega
mikið í undirbúningi fyrir Þýska-
landsleikinn og það var mikilvægt
að fá Færeyjaleikinn fyrst. Við skor-
uðum mörk og fengum sjálfstraust,“
segir Sif og vísar til fyrsta leiksins í
undankeppni HM og fyrsta leiksins
eftir EM þar sem Ísland vann Fær-
eyjar 8-0 á heimavelli.
Merkasti sigurinn
Sif segir að sigurinn gegn Þýskalandi
hafi verið sá stærsti í sögu kvenna-
landsliðsins og Guðbjörg tekur
undir það.
„Ég hugsa oft til leiksins gegn
Hollandi þegar við tryggðum okkur
sæti í 8-liða úrslitum á EM. En þegar
maður horfir á heildarmyndina, þá
höfðum við ekki unnið Þýskaland
áður og að vinna þær á útivelli var
stórt. Síðan ég man eftir mér hefur
Þýskaland verið besta landsliðið
ásamt Bandaríkjunum.“
Guðbjörg lék sinn fyrsta landsleik
árið 2004 og Sif þremur árum síðar.
Þótt þær hafi spilað samtals 135
landsleiki hafa þær aldrei upplifað
að spila fyrir framan tæplega 10.000
áhorfendur á Laugardalsvelli. Það
breytist í dag en uppselt er á leikinn
gegn Þýskalandi. Þetta er í fyrsta
sinn sem uppselt er á leik íslenska
kvennalandsliðsins.
„Okkur hefði aldrei dreymt um
fullan völl,“ segir Guðbjörg. „Mér
finnst þetta sýna hvað kvennafót-
bolti hefur vaxið í augum almenn-
ings. Strákarnir fóru á HM í ár og við
eigum möguleika á því núna. Við
viljum alltaf meira,“ segir Sif. „Það
Höfum þurft
að berjast fyrir
tilverurétti okkar
Sigur á Þýskalandi í dag kemur kvennalandsliðinu á HM. Í samtali
við Fréttablaðið ræða Sif Atladóttir og Guðbjörg Gunnarsdóttir um
leikinn, skrefin sem KSÍ hefur tekið í jafnréttisbaráttunni og hætt-
una á að missa tengslin við fótboltann þegar skórnir fara á hilluna.
Guðbjörg Gunnarsdóttir og Sif Atladóttir, samherjar í FH, Val og í landsliðinu en mótherjar í sænsku úrvalsdeildinni. Þær dreymir um að komast á HM í Frakklandi á næsta ári. FréttAblAðið/SiGtryGGur Ari
Ingvi Þór
Sæmundsson
ingvithor@frettabladid.is
Á Íslandi myndu allar rétta upp hönd
Talið berst að fyrirmyndum, hvort
leikmenn á þeirra aldri hafi átt
slíkar af sama kyni þegar þær
byrjuðu að æfa fótbolta.
„Bara karlkyns fyrirmyndir,“ segir
Guðbjörg. Hjá Sif voru fyrirmynd-
irnar í fjölskyldunni, faðir hennar,
Atli Eðvaldsson, fyrrverandi lands-
liðsfyrirliði og -þjálfari, og bróðir
hennar, Egill, sem lék lengst af
ferlinum með Víkingi R.
Að sögn Sifjar og Guðbjargar
eru kvennalandsliðið og leikmenn
þess miklu sýnilegri en áður. Og
það skiptir máli.
„Það er búið að vera inn-
prentað í mig lengi að þegar þú
ert í meistaraflokki ertu fulltrúi
félagsins þíns eða landsliðsins. En
maður áttar sig ekki alveg á því.
Þegar við tökum þessa umræðu
heima er oft sagt að við gerum
okkur ekki grein fyrir hversu stórar
við erum. Svíþjóð er öðruvísi. Við
vorum með æfingu fyrir stelpur á
aldrinum 12-14 ára og spurðum
hvort þær vissu hver fyrirliði
sænska kvennalandsliðsins væri.
Þrjár stelpur af 55 réttu upp hönd.
Ef við myndum spyrja sömu
spurningar hér heima myndu 55 af
55 vita það. Við erum miklu sýni-
legri en áður og það skiptir miklu
máli,“ segir Sif.
Guðbjörg og fyrirliðinn Sara björk Gunnarsdóttir. FréttAblAðið/EyÞór
↣
1 . s e p t e m b e r 2 0 1 8 L A U G A r D A G U r30 H e L G i n ∙ F r É t t A b L A ð i ð
0
1
-0
9
-2
0
1
8

0
4
:2
6
F
B
1
1
2
s
_
P
0
9
4
K
.p
1
.p
d
f
F
B
1
1
2
s
_
P
0
8
3
K
.p
1
.p
d
f
F
B
1
1
2
s
_
P
0
1
9
K
.p
1
.p
d
f
F
B
1
1
2
s
_
P
0
3
0
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
0
B
7
-6
8
7
0
2
0
B
7
-6
7
3
4
2
0
B
7
-6
5
F
8
2
0
B
7
-6
4
B
C
2
7
5
X
4
0
0
.0
0
1
4
A

F
B
1
1
2
s
_
3
1
_
8
_
2
0
1
8
C
M
Y
K