Morgunblaðið - 06.06.2018, Qupperneq 13

DAGLEGT LÍF 13
MORGUNBLAÐIÐ MIÐVIKUDAGUR 6. JÚNÍ 2018
„Hér er oft er veiðivon eldsnemma á morgnana og stundum
gefur urriðinn sig,“ segir Jón Einarsson, veiðivörður við Elliða-
vatn. Vinsælt er meðal fólks að renna fyrir fisk á svæðinu sem
er lönd Elliðavatns og Vatnsenda ofan við Reykjavík, auk Hólms-
ár og Nátthagavatns. Og kannski er fátt notalegra en einmitt að
vera með veiðistöngina sína á sumarkvöldi við fallegt vatn með
brjóstið fullt af væntingum að bit á öngulinn.
Veiðikortið gefur aðgang að Elliðavatnssvæðinu alla daga frá
því klukkan 7 á morgnana og til miðnættis. Eingöngu er leyfð
veiði með flugu, maðk og spóni í vötnunum en í Hólmsá má að-
eins veiða á flugu. Norðurendi Elliðavatnsins er vinsæll veiði-
staður og leiðin þangað er Heiðmerkurvegurinn sem beygt inn á
af Suðurlandsvegi við Rauðhólana.
Veiðikortið 2018 veitir nær ótakmarkaðan aðgang að 34
vatnasvæðum vítt og breitt um landið. Þar er margt gott í boði;
s.s Gíslholtsvatn í Holtum og Ölvesvatn á Skagaheiði fyrir
norðan.
Veiðiskapur er skemmtilegt sport og víða má renna fyrir fisk
Morgunblaðið/Sigurður Bogi
Veiðimaður Egill Sverrisson sveiflar stöng og línu fimlega við Helluvatn.
Urriðinn gefur sig stundum
Tækni
AFP
Apple Forstjóri Apple, Tim Cook,
kynnir nýjar stýrikerfisuppfærslur.
Tækninýjungar
hjá Apple
Stærsta ráðstefna ársins hjá tækniris-
anum Apple fór fram á dögunum í San
Jose í Kaliforníu. Þar kynnti forstjóri
Apple, Tim Cook, nýja stýrikerfisupp-
færslu, iOS 12, fyrir Iphone-síma og
Ipad-spjaldtölvur. Þá kynnti hann einn-
ig stýrikerfisuppfærsluna MacOS Mo-
jave fyrir Mac-tölvur og WatchOS 5,
nýjasta stýrikerfið ætlað Apple-úrum.
Á meðal þeirra nýjunga sem finnast
í iOS 12 er snjallari Siri, sem er fær um
að t.d. minna notandann á að slökkva á
símanum þegar hann er staddur í bíó.
Einnig var kynnt til leiks nýtt smá-
forrit, ,,Measure“, sem gerir notand-
anum kleift að mæla stærð og fjar-
lægð hlutar með því að taka mynd af
honum.
Þá voru gerðar úrbætur á Facetime
en nú geta allt að 32 í einu spjallað
saman gegnum smáforritið.
Í hinu nýja stýrikerfi Apple-úra,
WatchOS 5, má sjá hve mörg skref eru
tekin á mínútu og hlaupahraða, svo að
hlauparar geti fylgst með hraða sín-
um. Nú er líka hægt að hlusta á hlað-
varp í úrunum.
Ýmis smáforrit frá iOS eru aðgengi-
leg í Mojave, nýjasta stýrikerfi Mac-
tölva. Þar má nefna Apple News, Voice
Memos, Stocks og Home.
,,Hér eru samankomnir samstarfs-
menn okkar hvaðanæva úr heiminum
– frá 77 löndum, það er meira en
nokkru sinni fyrr,“ sagði Tim Cook við
byrjun ráðstefnunnar.
veronika@mbl.is
Borgarstjórinn í Reykjavík óskar nú
eftir ábendingum frá borgarbúum um
Reykvíking sem hefur verið öðrum til
fyrirmyndar. Verður hann sæmdur
titlinum Reykvíkingur ársins. Þeir
einstaklingar sem hafa verið til fyrir-
myndar eða sýnt af sér háttsemi eða
atferli sem kemur Reykjavíkurborg til
góða á einhvern hátt eiga möguleika
á titlinum. Vel kæmi til greina einhver
sem heldur borginni hreinni eða ein-
hver sem hefur gert Reykjavíkurborg
gott á undanförnum árum án þess að
fá greitt fyrir störf sín. Reykvíkingur
ársins 2017 var Anna Sif Jónsdóttir,
formaður foreldrafélags Breiðholts-
skóla.
Allar ábendingar sendist á net-
fangið hugmynd@reykjavik.is ásamt
rökstuðningi.
Leitað að Reykvíkingi ársins
Hefur verið
öðrum til
fyrirmyndar
Morgunblaðið/RAX
Reykjavík Hallgrímskirkja og Leifur
heppni á Skólavörðuholti.