Morgunblaðið - 25.07.2018, Blaðsíða 1
M I Ð V I K U D A G U R 2 5. J Ú L Í 2 0 1 8
Stofnað 1913 173. tölublað 106. árgangur
VILL STYRKJA
TENGSL BÆNDA
OG NEYTENDA ÁHRIF GOLFSTRAUMS
MEÐ ÚTGÁFU-
SAMNING VIÐ ONE
LITTLE INDIAN
VÍSINDI 18 GABRÍEL ÓLAFSSON 30FORMAÐUR UNGRA BÆNDA 12
Mikill fjöldi fólks kom saman á Laugardalsvelli í gærkvöldi þegar
rokkhljómsveitin Guns N’ Roses steig á svið á síðustu tónleik-
unum sem sveitin heldur á Evróputúr sínum. Ríflega 25 þúsund
gestir fylltu völlinn þegar mest lét. Löng biðröð myndaðist fyrir
utan Laugardalsvöll. Röðin náði frá vellinum upp Reykjaveg og
þaðan upp á Suðurlandsbraut svo að ekki sást hvar hún endaði.
Tíðindamaður Morgunblaðsins sagði gríðarlegan fjölda hafa
mætt á svæðið og að sífellt fleiri hefðu streymt að. „Það er aug-
ljóst að hér verður brotið blað í íslenskri tónleikasögu, hvað varð-
ar umfang og stærð. Svo verðum við að láta reyna á gæðin þegar
líður á kvöldið,“ sagði Orri Páll Ormarsson, blaðamaður Morg-
unblaðsins. Á tónleikunum voru gestir á öllum aldri mættir til að
skemmta sér, enda höfðar hljómsveitin til breiðs hóps. Margir
nýttu sér strætisvagna og þónokkrir komu fótgangandi. Því voru
lítil vandræði í umferðinni við upphaf tónleikanna, að sögn lög-
reglu. Tónleikarnir stóðu yfir í um sex klukkustundir en gömlu
brýnin í Guns N’ Roses skemmtu viðstöddum í ríflega þrjá tíma.
Við upphaf tónleikanna var flugeldi skotið á loft og hafði eldvörp-
um verið komið fyrir fremst á tónleikasviðinu. Laugardalsvöllur
var opnaður klukkan hálffimm og hóf hljómsveitin Brain Police
upphitun um sexleytið. Meðlimir Guns N’ Roses munu dvelja
áfram á Íslandi eftir tónleikana og ferðast um Ísland. Mun þetta
vera í fyrsta skiptið sem þeir staldra við eftir tónleika á túr sínum
um Evrópu.
Líkt og myndin hér að ofan vitnar um voru ekki allir tilbúnir að
greiða fyrir aðgöngumiða á tónleikana og létu þess í stað duga að
berja rokkgoðin augum af hljóðmön sem stendur ofar í Laug-
ardalnum.
Stórtónleikar á Laugardalsvelli
Morgunblaðið/Valli
Evróputúr hljómsveitarinnar Guns N’ Roses lauk með stórtónleikum á Laugardalsvelli Ríflega 25
þúsund manns mættu á fjölmennustu tónleika Íslandssögunnar Langar biðraðir mynduðust fyrir utan
MRokkararnir í Guns N’ Roses ... »33
Teitur Gissurarson
teitur@mbl.is
„Vegirnir uppfylla ekki þær kröfur
sem gerðar eru til svona fjölfarinna
vega. Það sem gerir þetta svo enn
verra er þegar merkingar eru í ólagi
og það er því miður töluvert um að
yfirborðsmerkingum á Íslandi sé
ábótavant,“ segir Runólfur Ólafs-
son, framkvæmdastjóri Félags ís-
lenskra bifreiðaeigenda (FÍB).
Vísar hann í máli sínu til einnar
vinsælustu akstursleiðar landsins,
Gullna hringsins svonefnda, en þar
eru víða yfirborðsmerkingar á veg-
um óljósar, lélegar eða fjarverandi
með öllu. Runólfur segir þetta geta
skapað ýmsar hættur. „Það getur
m.a. haft þau áhrif að fólk heldur að
því sé óhætt að leggja úti í veg-
kanti.“
Vegagerðin vísar á veðrið
Svanur G. Bjarnason, svæðis-
stjóri Vegagerðarinnar á Selfossi,
segir mikið verk óunnið á svæðinu
og að erfiðlega hafi gengið að mála
merkingar á vegi sökum veðurs.
„Þetta er auðvitað öryggisatriði,“
segir Svanur og vísar til vegmerk-
inga á þjóðvegum. »6
Óviðunandi Engar merkingar voru
sjáanlegar á þessum vegkafla.
Vegir uppfylla ekki kröfur
Víða skortir allar vegmerkingar á fjölförnum leiðum
Á áttunda tug manna að minnsta
kosti létust í skógareldum sem geis-
uðu í Grikklandi í gær og fyrradag
og hátt í tvö hundruð voru fluttir á
sjúkrahús. Fjöldi húsa brann til
kaldra kola og skelfingu lostið fólk
flúði í sjóinn til að forða sér undan
eldunum. Lýst var yfir neyðar-
ástandi á svæðinu og þriggja daga
þjóðarsorg í landinu.
Eldarnir kviknuðu í furuskógum
og breiddust hratt út til bæja ná-
lægt höfuðborginni Aþenu þar sem
margir ferðamenn dvelja.
Til rannsóknar er hvort glæpa-
menn hafi kveikt eldana af ásettu
ráði til að geta stolið eigum íbúa á
flótta. »17
Mannskæðir skóg-
areldar við Aþenu
Íslendingar ganga skemur en
Norðmenn og Danir við stefnu-
mörkun og lagasetningu vegna
jarðakaupa erlendra aðila, að mati
íslensks lögfræðings.
Gagnsæi eignarhalds á jörðum er
eitt helsta áhyggjuefnið í tengslum
við frelsi útlendra aðila til að kaupa
hér jarðir, að mati lögfræðingsins.
Áhyggjur af gagnsæi eignarhalds
beinast ekki síst að félögum sem
eignast jarðir. Óljóst er hvernig
stjórnvöld gæta að endanlegu eign-
arhaldi ef um röð hlutafélaga er að
ræða eða hve vel er fylgst með
breytingum á eignarhaldi á jörðum
við kaup á hlutafélögum eða við
erfðir. »10-11
Gagnsæi eignar-
halds á jörðum