Morgunblaðið - Sunnudagur - 05.08.2018, Blaðsíða 2

Hvernig gengur undirbúning-
urinn fyrir Reykjavík Pride?
Það gengur mjög vel en eins og gengur
á stórum heimilum er auðvitað mikið
að gera. Það er kannski ekki alveg
allt klárt ennþá en ekkert því til fyr-
irstöðu að þetta verði frábær vika!
Hverjir eru helstu við-
burðirnir í ár?
Þetta eru sex dagar og ríflega
þrjátíu viðburðir svo það ættu all-
ir að finna eitthvað við sitt hæfi. Á
síðustu árum höfum við lagt áherslu
á að bjóða upp á fjölbreytta fræðslu-
viðburði í bland við léttari og hressari
kvöldviðburði. Það verða málfundir og
pallborð, áhugaverð leiksýning, uppi-
stand, tónleikar og risastór dragsýning á
þriðjudaginn með bæði íslenskum og er-
lendum dragdrottningum, og margt fleira.
Hverju ert þú spenntastur fyrir?
Ég er mjög spenntur fyrir að fara á hin-
segin pöbbarölt. Það hljómar kannski
svolítið skrýtið því það er bara einn hin-
segin skemmtistaður í Reykjavík í dag
en þar sögð saga þeirra staða sem hafa
starfað í gegnum tíðina. Þeir staðir eru
margir og það er mikil saga tengd þess-
um stöðum, við förum í heimsókn, heyr-
um sögur og, auðvitað, fáum nokkra
drykki.
Eru einhverjar nýjungar í ár?
Viðburðunum okkar fer fjölgandi ár frá
ári svo það gefur augaleið að ár hvert eru
nýir viðburðir í bland við fasta liði. Þar
má til dæmis nefna tónleikana Hinsegin
konur í tónlist, þar sem fram koma
nokkrar þekktar íslenskar tónlistarkonur
sem eru hinsegin. Þær ætla að flytja tón-
list og kanski segja nokkrar bransasög-
ur. Svo það eru alltaf nýjungar þó við
höldum líka í sumar hefðir.
Morgunblaðið/Valli
GUNNLAUGUR BRAGI
BJÖRNSSON
SITUR FYRIR SVÖRUM
Í FÓKUS
2 MORGUNBLAÐIÐ SUNNUDAGUR 5.8. 2018
Ritstjórn
Árni Matthíasson arnim@mbl.is Ásdís Ásgeirsdóttir asdis@mbl.is Einar Falur Ingólfsson efi@mbl.is Inga Rún Sigurðardóttir ingarun@mbl.is Júlía Margrét Alexandersdóttir julia@mbl.is Orri Páll Ormarsson
orri@mbl.is Sigurborg Selma Karlsdóttir sigurborg@mbl.is Silja Björk Huldudóttir silja@mbl.is Skapti Hallgrímsson skapti@mbl.is
Þetta átti ekki að verða pistill eftirsjár en því meira sem ég veltimér upp úr því að Pósturinn ætli að hætta með skeytaþjónustu íoktóber því meiri verður söknuðurinn. Þetta verður því pistill ná-
kvæmlega þess, eftirsjár. Einu skiptin sem ég sendi órafræna kveðju í
dag er þegar ég krota á póstkort frá útlöndum að ég hafi farið í dýra-
garð, fengið ís og hitinn sé 30 stig (já póstkortin hljóma enn þá eins og
þegar ég var 10 ára). Ég fæ líka einstaka póstkort og skeyti hafa líka
borist í hús síðustu árin. Að fá skeyti er hamingjurík stund, enda eru þau
geymd eins og litlar fálkaorður á heimilinu í gullbryddaðri möppu.
Um leið og ég fór að sakna
skeytanna fór ég líka að sakna
pennavinanna og skiptipóstanna.
Þegar ég sendi plaköt með Mandy
Smith, Mags Furuholmen í A-ha,
Landsliðinu og eiginhandaráritun
Bjarna Arasonar í pósti í
Varmahlíð og fékk til baka lím-
miða og bréfsefni. Eitt bréf og eitt
umslag fyrir hvert plakat. Svo átti
ég líka úrklippur úr Bravo til að
senda, sko nóg af þeim, eitt blað
gat orðið að 130 úrklippum.
Pennavini átti ég um allar trissur
sem höfðu áhugamál eins og sund,
dýr, dans, tónlist og skauta. Ég
svaraði öllum bréfum og lét mynd
fylgja með.
Ég er aðeins búin að vera að reyna að kryfja þessar tilfinningar og hef
komist að þeirri niðurstöðu um af hverju það var svona gott að fá bréf,
skeyti, límmiða og alls konar í gegnum póstinn. Það var tilfinningin að
einhver, ekki úr nánustu kjarnafjölskyldu, hefði haft aðeins fyrir manni,
lagt á sig aukalega, bara fyrir mig. Fundið penna, skrifað á blað og vand-
að sig, límt umslagið aftur, skreytt jafnvel, gengið á pósthúsið og keypt
frímerki. Ég auglýsti síðast í DV eftir pennavinum í september 1988. Það
eru einmitt alveg að verða 30 ár síðan. Af því tilefni, til að slá á þessar
klökkvuðu tilfinningar sem ilmsölt duga ekki á ætti ég kannski að aug-
lýsa eftir pennavinum sem hafa svipuð áhugamál og ég. Tónlist, zumba,
lestur og að hanga mjög mikið á netinu á nóttunni. Mynd fylgi fyrsta
bréfi ef hægt er.
Aðsvif af söknuði
Pistill
Júlía Margrét
Alexandersdóttir
julia@mbl.is
’Af því tilefni, til aðslá á þessar klökkv-uðu tilfinningar sem ilm-sölt duga ekki á ætti ég
kannski að auglýsa eftir
pennavinum sem hafa
svipuð áhugamál og ég.
Agnes Gunnarsdóttir
Ég er að fara á Þjóðhátíð í fyrsta
skipti og er mjög spennt!
SPURNING
DAGSINS
Hvað ætlar
þú að
gera um
helgina?
Sif Aradóttir
Ég er að fara út úr bænum. Verð í
Grímsnesinu í hjólhýsi á sumarbú-
staðalóð fjölskyldunnar.
Kristófer Leon Ívarsson
Ég er að vinna um helgina. Er bara
sáttur við að vera ekki að fara neitt.
Grétar Óskarsson
Ég er að fara í brúðkaup. Annars
hefði ég verið til í að fara til Eyja.
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
Ásdís Ásgeirsdóttir
Gunnlaugur Bragi Björnsson er formaður Hinsegin daga,
sem fara fram sjöunda til tólfta ágúst. Hægt er að sjá dagskrá
og kaupa miða á viðburði á hinsegindagar.is.
Gleðigangan
hápunktur