Fréttablaðið - 25.10.2018, Qupperneq 26

Fataskápur Einars
Stefánssonar
úr Vök er mikið
bland í poka
þegar kemur að
vörumerkjum
en honum finnst
gaman að blanda
saman ólíkum
flíkum.
Árið hefur verið ansi við-burðaríkt hjá tónlistar-manninum Einari Hrafni
Stefánssyni en hljómsveit hans
Vök hefur túrað mikið um Evrópu
við ansi öfgakenndar aðstæður.
„Árið byrjaði á tæpu tveggja
mánaða tónleikaferðalagi um
Evrópu á einum kaldasta vetri sem
ég hef upplifað. Stórum hluta sum-
arsins eyddum við svo í hljóðveri
í London án loftkælingar í einni
mestu hitabylgju í sögu Bretlands-
eyja. Ansi öfgafullt ár hingað til
svona þegar maður spáir í því. Við
erum nýlega búin að gefa út tvö lög
af komandi breiðskífu og munum
gefa út nokkur í viðbót í aðdrag-
anda útgáfu plötunnar en hún á að
koma út fyrri part árs 2019.“
Hrifinn af svörtu
Einar lýsir fatastíl sínum þannig
að hann sé einfaldur en um leið
samkvæmur sjálfum sér. „Ég vann
í nokkur ár sem „freelance“ hljóð-
tæknimaður og einkennisbúning-
ur rótarans er svart, svart, svart. Því
á ég á mikið af dökkum fötum sem
er mjög einfalt að klæðast. Svört
föt eru bæði grennandi (gott fyrir
pabbakroppinn) og líta nánast
alltaf út fyrir að vera nýþvegin.
Maður þarf ekkert að spá í kaffi-
slettum eða slíku. Svart passar
við allt og maður getur sett allar
svartar flíkur í sömu þvottavél.“
Sá einstaklingur sem hefur haft
mest áhrif á fatasmekk hans er
nánasti vinur hans og samstarfs-
maður, Klemens Hannigan, en
klæðaburður hans er yfirleitt
óaðfinnanlegur segir Einar. „Fyrr-
verandi hljómsveitarfélagi og
núverandi markaðsstjóri Húrra
Reykjavík, Ólafur Alexander, hefur
líka haft sín áhrif en hann hefur
verið duglegur að hvetja mig til að
kaupa „framtíðarflíkur“, s.s. föt sem
maður mun nota mikið og lengi.“
Hvernig hefur tískuáhugi þinn
þróast?
Hrifinn af framtíðarflíkum
Bolurinn er Urban Outfitters og skyrtan frá Zplish. Buxurnar koma frá Selected. MYNDIR/ANTON BRINK 
Starri Freyr
Jónsson
starri@frettabladid.is
Ég vil trúa því að hann sé að
þroskast og þróast á jákvæðan
veg. Í dag fjárfesti ég miklu meira í
gæðaflíkum heldur en áður fyrr og
vel mér föt vandlega. Ég kaupi yfir-
leitt bara flík ef ég er handviss að
ég muni vera í henni og hún verði
að framtíðarflík í fataskápnum.
Hvar kaupir þú helst fötin þín?
Ég kaupi stundum föt þegar ég er
á tónleikaferðalögum, þá sjaldan
sem maður fær frídag. Heima hef
ég stundum farið í Húrra Reykjavík
og herrafatabúðin hans Jörmundar
í kjallaranum á Laugavegi 25
klikkar líka seint. Jörmundur er
algjör klassi af manni og ef það er
í rauninni einhver sem maður ætti
að taka til fyrirmyndar hvað varðar
tísku þá er það hann. Maður fer
sjaldnast tómhentur út þaðan.
Hvaða litir eru í uppáhaldi?
Eins klisjukennt og það hljómar
er svart í algjöru uppáhaldi. Það er
tímalaus litur og helst alltaf í tísku.
Áttu minningar um gömul tísku-
slys?
Á tímabili í 10. bekk stundaði
ég tilraunastarfsemi með mjög lit-
ríkan fatasmekk. Ég átti það til að
blanda saman t.d. rauðum buxum
við fjólubláa peysu og ljósbláa
húfu. Það voru til myndir en ég er
búinn að brenna þær.
Hvaða flík hefur þú átt lengst og
notar enn þá?
Það er gamli svarti rúskinns-
jakkinn minn sem passar við allt
og hentar næstum því öllum árs-
tíðum. Það er mikið tilfinningalegt
gildi í honum. Ég lét meira að segja
taka hann í gegn hjá skósmiði í
fyrra og núna er hann eins og nýr!
Áttu þér uppáhaldsverslanir?
Fataskápurinn minn er frekar
mikið bland í poka hvað varðar
vörumerki og mér finnst gaman
að blanda saman ólíkum samsetn-
ingum. Það er líka einstaklega auð-
velt þegar maður er að vinna með
svona takmarkaða litapallettu.
Það getur þó verið gaman að fara
í Uniqlo. Úrvalið þar er einfalt og
mínímalískt sem ég fíla. Ég hef líka
oft fundið aðeins meira „trendy“
föt í Urban Outfitters.
Áttu þér uppáhaldsflík?
Mér finnst erfitt að eiga eina
uppáhaldsflík því stór hluti af fata-
skápnum hefur tilfinningalegt gildi
fyrir mér. Í augnablikinu er það
líklegast skyrta frá vörumerkinu
Zplish sem ég fann í New York
um daginn. Hún öskraði á mig í
búðinni. Hún smellpassar líkams-
forminu mínu sem er líka frekar
sjaldgæft. Skyrtur eiga það til að
vera ermastuttar á mér.
Bestu og verstu fatakaup?
Bestu var fóðraður Levi’s galla-
jakki sem ég fann á 5.000 kall í
Rauða krossinum fyrir nokkrum
árum. Alvöru framtíðarflík. Verstu
fatakaupin eru jakki sem ég fann
á tónleikaferðalagi í Hollandi árið
2015. Þetta var svona pínu fleginn
og fínlegur jakki sem mér fannst
æðislega flottur í búðinni og keypti
án þess að hugsa. Þegar ég kom
svo heim fattaði ég í raun hversu
fáránlegur ég var í honum. Algjört
lestarslys.
Notar þú einhverja fylgihluti?
Ég er ekki mikið fyrir skart en
ég á það til að nota úrið sem ég
fékk frá belgíska tískufyrirtækinu
Komono. Vök var í samstarfi með
þeim fyrir haustlínuna í fyrra.
Vegan Dr. Martenarnir mínir
mættu líka teljast sem fylgihlutur
þar sem þeir eru miklu meira en
bara skór. Þetta eru óþægilegustu
skór sem ég hef á ævinni verið í
en þeir mega eiga það að þeir eru
nánast alltaf eins og glænýir.
Hér klæðist Einar rúllukragabol frá 66°Norður, jakka frá Wood Wood og
buxum frá Libertine Libertine. Skórnir eru vegan Dr. Martens. 
Hér klæðist Einar buxum frá
Libertine Libertine, rúllukragabol
frá Samsoe og peysu frá Asos. 
Laugavegi 178 | Sími 555 1516
Opið: Virkir dagar 11-18 | Laugardagar 11-15
Kíkið á myndir og verð á Facebook
6 KYNNINGARBLAÐ FÓLK 2 5 . O K TÓ B E R 2 0 1 8 F I M MT U DAG U R
2
5
-1
0
-2
0
1
8

0
4
:3
7
F
B
0
6
4
s
_
P
0
4
2
K
.p
1
.p
d
f
F
B
0
6
4
s
_
P
0
3
9
K
.p
1
.p
d
f
F
B
0
6
4
s
_
P
0
2
3
K
.p
1
.p
d
f
F
B
0
6
4
s
_
P
0
2
6
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
1
2
B
-1
2
A
0
2
1
2
B
-1
1
6
4
2
1
2
B
-1
0
2
8
2
1
2
B
-0
E
E
C
2
7
5
X
4
0
0
.0
0
1
8
A

F
B
0
6
4
s
_
2
4
_
1
0
_
2
0
1
C
M
Y
K