Dagblaðið Vísir - DV - 03.08.2018, Síða 54

54 FÓLK 3. ágúst 2018
Sjávarklasinn
Grandagarður 16
101 Reykjavík
contact@dattacalabs.com
Er fyrirtækið þitt
tilbúið fyrir nýju
persónuverndarlögin?
Hafðu samband við okkur í
gegnum DattacaLabs.com
Við hjálpum þínu
fyrirtæki að aðlagast
nýjum reglum og
mótum ný tækifæri
Hvað halda margir um þig sem er alls
ekki satt? Að ég borði aldrei óhollt eða
nammi.
Hvað finnst þér að eigi að kenna í
skólum sem er ekki kennt þar núna?
Næringarfræði, svo krakkar læri strax hvað
sé gott fyrir þá og hvað ekki.
Ef þú þyrftir að eyða einni milljón á
klukkutíma, í hvaða verslun færirðu?
Veit ekki hvaða verslun en nýr stór flatskjár
væri það fyrsta sem ég myndi kaupa og
restin í hljómtæki og þar á meðal vínyl-
plötuspilara.
Hvað viltu að standi skrifað á legstein-
inum þínum? Jákvæður og hress þar til
hann lést.
Sex ára barn spyr þig hvort jólasveinn-
inn sé til. Hvernig svarar þú? Auðvitað er
hann til.
Ef þú mættir velja eitt lag sem yrði alltaf
spilað um leið og þú gengir inn í herbergi
allt þitt líf, hvaða lag myndirðu velja? Ég
þekki þig með Sálinni.
Hvað ætti ævisagan þín að heita? Út-
varpsmaðurinn sem gat ekki setið kyrr.
Hvaða bíómynd hefurðu séð oftast?
Með allt á hreinu og Notting Hill, get alltaf
horft á þær aftur og aftur.
Hvað var í tísku þegar þú varst yngri
en er það ekki lengur? Netbolir og vera
dökkbrúnn eftir ljósabekkjalegu.
Yfir hverju getur þú alltaf hlegið?
Myndböndum á netinu af óförum annarra,
klassík.
Borðarðu mat sem er kominn fram yfir
síðasta söludag? Já.
Heilsarðu frægum Íslendingum úti á
götu, þótt þú þekkir þá ekki persónu-
lega? Ég heilsa öllum.
Ef þú mættir bæta við ellefta boðorðinu,
hvernig hljómaði það? Ekki vera fáviti.
Hvaða hljóð fer mest í taugarnar á þér?
Miklar stunur í lyftingasal, en þær láta
öðrum í kring líða illa.
Hvaða viðburð sérðu mest eftir að hafa
misst af? Þjóðhátíð 1986 þegar Stuðmenn
trylltu alla í dalnum.
Ef þú yrðir handtekinn án skýringa, hvað
myndu vinir þínir og fjölskylda halda að
þú hefðir gert af þér? Keyrt of hratt.
Hvaða teiknimyndapersónu myndirðu
vilja eiga sem vin? Batman.
Hvað myndirðu nefna landið okkar ef við
þyrftum að breyta? Regnparadís.
Hvað ættu allir að prófa að minnsta
kosti einu sinni í lífinu? Fallhlífarstökk, á
það eftir.
Ef þú kæmir einn daginn heim úr
vinnunni og þar væri enginn nema Geir
Ólafsson í sturtu, myndirðu hringja í
lögregluna? Nei, alls ekki, myndi spyrja
hann hvort sturturnar í World Class Laugum
væru bilaðar.
Hver er tilgangurinn með þessu jarðlífi?
Koma næstu kynslóð upp sem góðum
einstaklingum.
Hvað er framundan um helgina?
Þjóðhátíð með unnustunni, hún skipar
stóran sess í okkar lífi.
„Útvarpsmaðurinn sem gat ekki setið kyrr “
Ívar Guðmundsson, útvarpsmaður á Bylgjunni, hefur
fylgt þjóðinni í fjölda ára í útvarpinu, en rödd hans
hljómar alla virka morgna frá klukkan 10–13. Ívar er
einnig eigandi Hámark, ásamt Arnari Grant, einkaþjálf-
ari og margfaldur verðlaunahafi í fitness, auk þess að
vera mikill áhugamaður um tónlist og tónleika.
HIN HLIÐIN
SKJÁRÝNIRINN:
„Lágmarkskrafan er í það minnsta eitt morð í hverjum þætti“
Þ
órarinn Þórar-
insson, blaða-
maður á Frétta-
blaðinu, er mikill
aðdáandi bæði sjónvarpsþátta
og bíómynda, enda skrifar hann
reglulega kvikmyndadóma. Hann
er einn helsti Star Wars-aðdáandi
landsins, en á sjónvarpsskjánum
velur hann næstum án undan-
tekninga breska sakamálaþætti.
Dauði línulegrar sjónvarpsdag-
skrár er stórkostlegt fagnaðarefni
fyrir drykkfelldan blaðamann sem
hefur tamið sér lífsstíl sem býður
ekki upp á mikla áætlanagerð.
Netflix og álíka efnisveitur eru
því mikill happafengur. Ekki síst
vegna þess að eðlislæg óþolin-
mæði mín og áunninn
athyglisbresturinn gera
mér nánast ómögulegt
að halda áhuganum á
sjónvarpsþáttaröðum ef
ég þarf að bíða viku á milli
þátta.
Eina undantekningin eru
þeir stórbrotnu glæpaþættir Law
& Order: SVU sem ég mun aldrei
telja eftir mér að bíða eftir. En nú
eru elsku Mariska mín Hargitay og
Ice-T í sumarfríi þannig að ég hef
loksins tilfinningalegt svigrúm til
þess að sinna öðrum þáttum.
Með örfáum undantekningum
nenni ég ekki að horfa á neitt ann-
að en sakamálaþætti og þá helst
breska auðvitað. Lágmarkskrafan
er í það minnsta eitt morð í hverj-
um þætti og því ofbeldisfyllri sem
þættirnir eru þeim mun betra.
Er nýbúinn með Marcella 2
á Netflix. Framhald prýðilegrar
seríu um þá eitursnjöllu en nett
geðveiku löggukonu Marcellu. Ég
á alltaf mjög auðvelt með að sam-
sama mig með persónum sem
glíma við geðræn vandamál og
þetta er gott stöff en stendur fyrri
seríunni talsvert að baki og þótt
endirinn hafi verið galopinn vona
ég eiginlega að þarna verði látið
staðar numið.
Einhvern veginn hafði mér tek-
ist að trassa að horfa á fjórðu seríu
Peaky Blinders sem er með því
allra besta sem hefur verið í boði
á síðustu árum og afgreiddi málið
í beit. Alveg magnað stöff löðrandi
í töffaraskap, drama og ruddalegu
ofbeldi.
Leikaraliðið í þessum þáttum
er stórkostlegt með þann guð-
dómlega fagra Íra Cillian Murphy
fremstan meðal jafningja í hlut-
verki leiðtoga glæpagengisins The
Peaky Blinders. Maðurinn er svo
svalur og þokkafullur að unun er á
að horfa. Held ég hafi ekki séð jafn
fallegan karlmann síðan Johnny
Depp og Jude Law voru ungir og
fagrir.
Honum hefur líka tekist að
gera það sama fyrir Tom Shelby
og James heitinn Gandolfini
gerði fyrir Tony Soprano. Þess-
ir menn bókstaflega renna saman
við persónurnar í brjálæðislegum
stórleik á heimsmælikvarða.
Marvel- myndasöguheimurinn
er svo algert himnaríki í mínum
huga og Netflix-þættirnir sem
spunnir eru þaðan eru í algeru
uppáhaldi. The Punisher og
Daredevil eru auðvitað bestir en
á meðan maður býður eftir meiri
Punisher er í góðu lagi að dóla sér
í gegnum aðra seríu af Luke Cage.
Fyrsta serían var geggjuð,
magnað blaxploitation nýrrar
aldar. Þessi heldur ekki alveg sama
dampi en skemmtilegt er þetta. Og
ofbeldisfullt sem betur fer.
Tvítugur sonur minn, sem fékk
ákaflega vandað glápuppeldi hjá
okkur foreldrunum, tók mig síðan
á beinið nýlega og skipaði mér að
taka upp þráðinn þar sem ég hætti
í miðri fyrstu seríu Better Call Saul
og klára þá snilld í snarhasti og
vinda mér svo í að vinna upp smá
slaka í Arrested Development.
Ég væri að gera átakanlega lítið
úr vönduðu uppeldi foreldranna
ef ég gerði ekki eins og sonur minn
segir mér í þessum efnum.“ n
Betri
Svefn
Ragna Gestsdóttir
ragna@dv.is