Ljósmæðrablaðið - 01.06.2013, Blaðsíða 31

31Ljósmæðrablaðið - júní 2013
úthlutunarreglur þessa nýja sjóðs. Þau skjöl
verða lögð fram til samþykktar á aðalfundi.
Sjóðanefnd fékk aðstoð tveggja lögfræðinga,
Ernu Guðmundsdóttur hjá BHM sem og
Bergljótu Ingólfsdóttur hjá lögfræðistof-
unni Mandat, við að semja skipulagsskrá og
úthlutunarreglur þessa nýja sjóðs. Einnig hefur
skipulagsskráin og úthlutunarreglurnar fengið
yfirlestur stjórnarmanna Ljósmæðrafélagsins.
Birna Gerður Jónsdóttir ljósmóðir sem félagið
leitaði til kom einnig með góðar ábendingar.
Einn fundur var haldinn vegna styrkút-
hlutana úr Rannsóknar- og þróunarsjóði
LMFÍ. Umsóknir í Rannsóknar- og þróunar-
sjóð LMFÍ voru að þessu sinni sex talsins að
upphæð 3.205.000 kr. Ein umsókn var ekki
styrkhæf þar sem umsækjandi var ekki kjara-
félagi í LMFÍ. Upphæð til úthlutunar í ár úr
sjóðnum er 1.612.318 kr. Ljóst var að ekki
yrði hægt að styrkja öll verkefnin til fulls.
Styrkveitingar voru sem hér segir:
• Steina Þórey Ragnarsdóttir fékk 300.000
kr. styrk vegna rannsóknar í meistara-
námi sínu þar sem hún kannaði útkomu
og undirbúning á eðlilegum fæðingum við
Heilbrigðisstofnun Suðurnesja.
• Ólöf Ásta Ólafsdóttir fékk 250.000 kr.
styrk vegna kostnaðar við rannsóknar-
og þróunarverkefni. Rannsóknin er um
heimafæðingar á Norðurlöndum og nefn-
ist Skipulagðar heimafæðingar á Íslandi
2010‒2014.
• Sigríður Sía Jónsdóttir fékk 400.000 kr.
styrk vegna kostnaðar við rannsóknar- og
þróunarverkefni sem er 2. hluti af doktors-
verkefni hennar. Verkefnið hennar fjallar
um tengsl geðheilsu, sambands við maka,
félagslegs stuðnings og vandamála á
meðgöngu.
• Anna Sigríður Vernharðsdóttir fékk
250.000 kr. styrk vegna kostnaðar við
rannsóknar- og þróunarverkefni. Rann-
sókn hennar og gæðaverkefni horfir
til innleiðingar á breyttu vinnulagi við
barnsfæðingar til að fækka 3. og 4. gráðu
spangarrifum á Landspítala.
• Helga Gottfreðsdóttir fékk 400.000 kr.
styrk vegna kostnaðar við rannsóknar- og
þróunarverkefni sitt er nefnist Fræðslu-
íhlutun um fósturskimun fyrir fagfólk,
þróun og mat á árangri.
• Margrét Unnur Sigtryggsdóttir sótti um
styrk vegna námskeiða vegna framhalds-
náms. Hún vinnur að þróun spurningalista
fyrir rannsókn til að meta notkun óhefð-
bundinna meðferða á meðgöngu. Margrét
Unnur sótti um styrk að upphæð 630.000.
kr. Sjóðanefnd telur umsækjanda ekki
styrkhæfan þar sem viðkomandi er ekki
kjarafélagi í Ljósmæðrafélagi Íslands og
veitti því ekki styrk.
Skýrsla Ljósanna
Starfsemi deildarinnar breytist lítið milli ára.
Nokkrar Ljósur hafa látist á árinu en 14 nýjar
komu inn eftir áramót og voru 227 fundarboð
send út fyrir vorfundinn sem var 13. mars sl.
Starfsmaður á skrifstofunni ásamt formanni
LMFÍ hafa aðstoðað við að bæta á póstlista
þeim ljósmæðrum sem verða sextugar á árinu
og búa á Íslandi.
Ljósmæðrafélagið hefur borið kostnað af
ljósritun og póstsendingum. Það hefur reynst
mjög vel að leita til félagsins með ýmis-
legt sem viðkemur starfsemi deildarinnar og
sömuleiðis er starfsfólk BHM í Borgartúni
afar hjálplegt.
Ljósurnar halda tvo fundi yfir veturinn,
aðalfund í október og einn almennan fund að
vori, yfirleitt í mars. Stundum hafa fundar-
konur verið með upplestur eða frásagnir á
þessum fundum. Algengur mætingarfjöldi er
25, en 13. mars síðastliðinn mættu 36, sem er
algjört met. Tveir formlegir stjórnarfundir eru
haldnir yfir veturinn, en þess utan er oft lagt á
ráðin í gegnum síma.
Vorferðin að þessu sinni var farin 6. júní
2012 að Kirkjubæjarklaustri, alls 39 Ljósur.
Stansað var á Þorvaldseyri þar var
Gestastofa opnuð 2011. Þar eru mjög góðar
upplýsingar um gosið í Eyjafjallajökli árið
2010 og áhrif þess á lífið á svæðinu. Mynd-
band, sem tekur 20 mín., færir mann inn í
atburðarásina. Ýmislegt fleira var skoðað
þennan dag og í þetta sinn þurfti ferðanefndin
ekki að sjá um matartilbúning, borðað var á
veitingastöðum.
Ferðarnefndin er sú sama og undanfarin
ár, Guðrún Davíðsdóttir, Guðrún Jónsdóttir,
Guðrún Sveina Jónsdóttir, Sigurborg Kristins-
dóttir og Sjöfn Eyfjörð. Þær hafa staðið sig
með mikilli prýði og þessi árvissi atburður er
öllum mikið ánægjuefni.
Breyting varð á stjórn „Ljósanna“ á síðasta
aðalfundi. Inga Elíasdóttir og Þorgerður Páls-
dóttir drógu sig í hlé. Þær hafa staðið sig með
sóma og gott að vita af þeim áfram í Ljósu-
hópnum. Stjórnina skipa nú María Björns-
dóttir, formaður, Anna Þorsteinsdóttir, vara-
formaður, Halldóra Ásgrímsdóttir, ritari (ný í
stjórn ), Ásta Lóa Eggertsdóttir (ný í stjórn),
varamaður, og Ásgerður Helgadóttir, vara-
maður.
Að beiðni ritnefndar Ljósmæðrablaðsins
sendi stjórn Ljósanna pistil í blaðið með yfir-
skriftinni: „Hvað gera Ljósurnar?“ Ritnefnd
þótti greinilega forvitnilegt að vita hvað þessar
kellur gera þegar aldur færist yfir. Pistillinn
birtist í 1. tbl. júní 2012.
Utan formlegra starfa í Ljósudeild er
nokkuð fastur liður að fara í kaffi í Perlunni
1. miðvikudag hvers mánaðar, en sá fundur
er opinn öllum, óháð því hvort þær eru
skráðar í deildina eða ekki. Einnig er orðin
hefð að fara og borða saman á veitinga-
stað þegar hyllir undir aðventu. Hluti
ferðanefndar stýrir þessu. Það verða alltaf
fagnaðarfundir þegar Ljósurnar hittast, hvort
sem er á fundum eða ferðalögum. Það má
því segja að þær lifi eftir því sem Hjálmar
Freysteinsson segir í ljóði:
„... en viltu muna að vináttan er, verðmæt-
ust eðalsteina“
Skýrsla Fagdeildar heimaþjónustu
Síðasta starfsár Fagdeildarinnar einkenndist
að miklu leyti af óvissu um framtíð heima-
þjónustu í sængurlegu, eins og starfsárin þar
á undan. Að auki einkenndist starfsárið af
viðræðum um rammasamninga.
Á haustdögum stóð fræðslunefndin ásamt
fagdeild um heimaþjónustu fyrir fræðsludegi
sem var mjög ánægjulegur og vel sóttur af ljós-
mæðrum. Fræðsludagurinn var gott sambland
af grunnmenntun fyrir nýjar heimaþjónustuljós-
mæður um hagnýt atriði ásamt símenntun. Er
þetta vonandi vísir að áframhaldandi símenntun
fyrir heimaþjónustuljósmæður.
Í nóvember sl. hófust fundahöld vegna
rammasamnings við Sjúkratryggingar Íslands
(SÍ). Þar kom fram að viðræður við Sjúkra-
tryggingar Íslands vegna ljósmóðurrekins
fyrirtækis um heimaþjónustu í sængur-
legu höfðu ekki gengið sem skyldi. Því var
ljóst að gengið yrði til viðræðna um áfram-
haldandi rammasamning við SÍ. Óskaði stjórn
Fagdeildar eftir því við SÍ að viðræður um
nýjan rammasamning um heimaþjónustu yrðu
hafnar hið fyrsta.
Þar sem miklar viðbætur höfðu orðið
á samningi ársins 2012 til að bæta þjón-
ustu við sængurkonur var ákveðið að leggja
megin áherslu á löngu tímabæra launa-
leiðréttingu ljósmæðra í heimaþjónustu og
heimafæðingum. Fagdeildin hafði undir
höndum skjal frá Sjúkratryggingum Íslands
þar sem fram kom hin mikli sparnaður sem
hlotist hefur af heimaþjónustu ljósmæðra.
Fagdeildin fór fram á að hluti þess sparnaðar
yrði nýttur til launaleiðréttingar. Farið var fram
á að greiðslur yrðu leiðréttar til samræmis
við launaleiðréttingar ljósmæðra í almennum
kjarasamningum í september 2008. Farið var
fram á að SÍ leituðu til yfirboðara sinna eftir
auknu svigrúmi til samninga. Strax var ljóst að
Sjúkratryggingar Íslands gátu ekki komið til
móts við kröfur ljósmæðra. Gerð voru drög að
nýjum rammasamningi sem fagdeildin lagði
fyrir kjarafund heimaþjónustuljósmæðra sem
haldinn var 6. desember 2012 sem því miður
var mjög illa sóttur. Tilgangurinn með fund-
inum var að skýra stöðuna fyrir ljósmæðrum
og fá fram skýran vilja þeirra um hvort ganga
ætti að rammasamningi eða fara í frekari
aðgerðir til að þrýsta á launaleiðréttingu. Þar
sem svo fáar ljósmæður mættu á fundinn og
ekki ljóst um vilja ljósmæðra þótti rétt að
ganga að breyttum rammasamningi.
Niðurstaðan var samningur með hækk-
unum sem tóku gildi 1. janúar 2013 til eins
árs. Helstu breytingar voru þær að eininga-
verð hækkaði og einingafjöldi á bak við hverja
vitjun var aukinn. Á móti fækkaði hámarks-
fjölda vitjana fyrir konur og börn í heilsufars-
flokki A. Með þessu hækkuðu laun ljósmæðra
á hverja vitjun.
Því miður sá SÍ sér ekki fært að verða við
kröfum ljósmæðra um launaleiðréttingu, þrátt
fyrir óyggjandi rök fyrir að slík leiðrétting sé
nauðsynleg til að halda þjónustustiginu við
lýði.