Stjarnan - 01.01.1932, Blaðsíða 2

2
STJÁRNAN
wwwwwwvwwwwwvwwwwvvwvwvwwwwwwwwwwww
Gleðilegt nýár 1932
Hversu oft heyrum vér ekki börnin tala
um hvaÖ þau ætli að gjöra þegar þau
verða stór. Mér er sönn ánægja að hlusta
á ráðagjörðir þeirra, þótt eg viti að þær
muni breytast á einn og annan hátt, áður
en til framkvæmdanna kemur. Það er
einnig gleðiefni að vita foreldrana gjöra
sér vonir um, hvað börn þeirra muni
verða, og hvað þau muni gjöra þegar þau
ná þroska aldri. Þetta ber vott um líf og
f jör og áhuga. Og mikið af gleði lifsins
er fólgin í því, að setja sér hátt takmark,
og keppa svo að því með öllum lífs og
sálar kröftum, með öruggri fullvissu um
að ná hinu setta takmarki og öðlast sigur-
launin.
Eitt, sem vert er að athuga í þessu sam-
bandi er það, að vér verðum að byggja
loftkastala vora svo skynsamlega, að þeir
megi verða oss og öðrum til gagns, þegar
þeir komast á fastan grundvöll, og annað
hitt, að hugsjónir vorar séu svo háar,
traust vort á guði og sjálfum oss svo ó-
bilandi, að vér ekki missum kjarkinn þótt
vér verðum að breyta til með áform vor
eða fresta þeim.
Fegursta framtíð og vissastan sigur i
framsóknar baráttu lífsins öðlumst vér, ef
vér byggjum loftkastala vora, það er, á-
form vor og hugsjónir, í samræmi við
áform og óskir vors himneska Föður oss
til handa. Ó hvílík framtið.
Vér getum stundað lögfræði, læknis-
fræði og allskonar vísindi, búið oss undir
stöðu, sem veraldlegir eða andlegir leið-
togar þjóðar vorrar, eða gjörst kennarar
í vísindum eða verklegum framkvæmdum,
þar sem auður og heiður blasir við oss.
Þetta er alt lofsvert og Guði þóknanlegt
þegar það er framkvæmt mannkyninu til
blessunar og Guði til dýrðar. En áform
Guðs oss til handa er miklu víðtækara.
hærra og háleitara. Vér finnum það í
Eúk. 12 :32.
“Vertu ekki hrœdd litla hjörð, því Föð-
ur yðar hefir þóknast að gefa yður ríkið.”
Jesús er Konungur konunganna og Drott-
inn drotnanna, og það er vilji Föðursins
að vér skulum ríkja með Jesú á hans há-
sæti eilíflega: “Sá er sigrar, hann mun
eg láta sitja hjá mér í hásæti mínu, eins
og eg sjálfur sigraði og settist hjá föður
mínum í hásæti hans.” Opinb. 3:21.
Óútmálanleg dýrð. Konungleg staða
um eilífar aldir. Alt sem vér þurfum að
gjöra, er að mæta skilyrðum þeim sem
Guð setur, og búa oss undir stöðuna sam-
kvæmt áætlun hans, svo vér megum finn-
ast verðir þess að upphefjast til slíkrar
tignar.
“Öllum þeim, sem tóku við honum, gaf
hann rétt til að verða Guðs börn, þeim,
sem trúa á nafn hans.” Jóh. 1 :i2. “En
ef vér erum börn, þá erum vér líka erf-
ingjar og það erfingjar Guðs en samarfar
Krists.” Róm. 8:17.
Þótt Jesús sé á himni en vér á jörðu, þá
er hann nálægur öllum, sem hann ákalla,
hann er vegurinn, sannleikurinn og lífið,
hann er vor eina sáluhjálparvon. Aðeins
fj^rir samfélag við hann, getum vér öðl-
ast þá mentun og það hugarfar, sem
gjörir oss verðuga fyrir arfleifð heilagra
i ljósinu. Guð hefir kallað oss til sam-
félags sonar síns, Drottins vors Jesú
Krists. “Hans guðdómlegi máttur hefir
veitt oss alt, sem heyrir til lífs og guð-
rækni, með þekkingunni á honum, sem
kallaði oss með sinni dýrð og dáð, og
með því hefir hann veitt oss hin dýrmætu
og háleitu fyrirheit til þess að þér fyrir
þau skylduð verða hluttakandi í guðlegu
eðli. 2. Pét. 1:4-
(Framh. á bls. 14)