Fréttablaðið - 28.01.2019, Blaðsíða 16

Þjálfunarprógrammið Stelpur styðja stelpur (e. Girls 4 Girls) var stofnað í byrjun árs 2017
af konum sem útskrifuðust saman
úr Harvard háskóla og vildu leggja
sitt af mörkum við að efla færni,
hugrekki og tengslanet kvenna um
allan heim. Stofnendurnir, sem
koma frá ólíkum löndum, voru
sammála um að eitthvað þyrfti að
aðhafast varðandi gjá á milli stöðu
karla og kvenna. Þær veltu fyrir sér
hvað það væri sem kæmi konum
áfram í atvinnulífinu og voru sam-
mála um að gott stuðningsnet skipti
máli þegar kemur að því að halda út
fyrir þægindarammann og takast á
við nýjar áskoranir í lífinu, segja þær
Fanney Hrafnsdóttir, verkefnisstjóri
verkefnisins hér á landi, og Vala Rún
Magnúsdóttir samfélagsmiðlastjóri
þess.
Stelpur styðja stelpur er ætlað
ungum konum á aldrinum 16-25
ára og gefur þeim tækifæri til að
þjálfa ýmsa hæfileika undir leiðsögn
reyndari aðila, svokallaðra ment-
ora. Í febrúar hefst þriðja umferð
verkefnisins en skipuleggjendur
eru að leggja lokahönd á röðun í
hópa þessa dagana. Næsta umferð
fer svo af stað í haust. „Prógrammið
er sett þannig upp að leiðandi
konur úr atvinnulífinu taka að sér
að vera mentorar fyrir ungar konur
og stelpur sem vilja tileinka sér
ýmsa eiginleika sem nýtast þeim til
framtíðar. Þátttakendum er skipt
í 4-6 manna hópa, sem ýmist einn
eða tveir mentorar taka að sér yfir
ákveðið tímabil. Hver fundur hefur
ákveðið þema og mentorarnir
styðjast við fræðsluefni sem prófess-
orar Harvard háskóla settu saman,
um leið og þeir miðla reynslu sinni
úr atvinnulífinu,“ segir Fanney.
Úr öllum áttum
Fyrsti fundur hvers hóps er hugs-
aður til þess að kynnast og ræða
markmið og áskoranir, bætir Vala
Rún við. „Þemu næstu funda eru
leiðtogahæfni, samskiptafærni,
samningatækni og opinber fram-
koma. Þátttakendur fá heima-
verkefni sem felast í nokkurs konar
sjálfsvinnu, þar sem hvatt er til þess
að hugsa um eitthvað sem við-
komandi hefur ætlað að takast á við
en frestað. Örlítil pressa leiðir oft til
skapandi lausna sem skila árangri.
Eftir að hóparnir hafa lokið fimm
fundum hittast allir þátttakendur og
mentorar á lokahófi þar sem tæki-
færi gefst til að kynnast innbyrðis,
ræða þátttökuna og mynda stærra
tengslanet.“
Stofnendur hópsins koma úr
ólíkum áttum, allt frá því að hafa
unnið fyrir Sameinuðu þjóðirnar
að málefnum kvenna, yfir í að leiða
fjárfestingarfyrirtæki í Kína og að
sjá um umhverfisstefnu innan Hvíta
hússins í forsetatíð Obama. Einn
stofnenda hópsins er Halla Hrund
Logadóttir, stofnandi og stjórnandi
Arctic Initiative, sem er miðstöð
Norðurslóðamála við Harvard
háskóla. Auk hennar hefur Sigrún
Ingibjörg Gísladóttir lögfræðingur
þróað og stýrt verkefninu á Íslandi,
og síðar bættist Fanney í hópinn.
Hindranir enn til staðar
Fanney og Vala tóku báðar þátt í
verkefninu síðasta haust og eru
himinlifandi með afraksturinn.
„Upplifun mín var hreint út sagt
frábær,“ segir Fanney. „Ég kynnt-
ist metnaðarfullum og klárum
stelpum sem hafa bæði svipaða og
ólíka reynslu og ég af því að stíga
sín fyrstu skref í atvinnulífinu. Í
hópnum okkar Völu vorum við
fjórar með einn mentor, allar með
ólíkan bakgrunn en áttum það sam-
eiginlegt að hafa mætt áskorunum
á vinnumarkaði þar sem hallaði á
okkur sem konur. Enn eru til staðar
hindranir fyrir konur í íslensku
atvinnulífi þó svo að margt gott
hafi áunnist á síðustu áratugum
og gátum við deilt upplifun okkar.
Efnið kom sér mjög vel og margir
góðir punktar sitja eftir sem ég efast
ekki um að ég eigi eftir að njóta góðs
af.“
Góður hópur
Vala Rún tekur undir orð Fanneyjar.
„Mér fannst verkefnið ótrúlega
skemmtilegt alveg frá byrjun. Við
Fanney vorum mjög heppnar með
hópinn og ekki síður mentorinn
okkar, Tönyu Zharov, aðstoðar-
forstjóra DeCODE. Við stelpurnar
kynntumst vel og lærðum helling
af námsefninu, af hver annarri og
af Tönyu. Það sem kom mér mest á
óvart var hversu mikið sjálfstraust
mitt jókst og ég fékk út úr pró-
gramminu, bæði í leik og starfi. Það
sem stendur helst upp úr er hversu
góður hópur kvenna hefur safnast
saman, núna eftir síðustu umferð.
Konur úr öllum áttum sem hafa
sameiginleg markmið og styðja við
bakið á hver annarri. Það er eitthvað
sem er svo mikilvægt að eiga.“
Lærði helling
Fanney sat beggja megin borðs-
ins í haust því auk þess að sækja
prógrammið var hún og er enn
verkefnisstjóri þess. „Þar voru tví-
mælalaust tvær flugur slegnar í einu
höggi þar sem ég lærði helling sem
þátttakandi og get nýtt mér þessa
innsýn við áframhaldandi þróun
verkefnisins.“ Henni fannst helst
standa upp úr hvernig fundirnir
efldu þátttakendur og veittu um
leið innblástur til þess að takast á
við persónuleg verkefni sem höfðu
setið á hakanum. „Tengslanetið
hefur nú þegar reynst vel en við
höfum haldið samskiptum áfram og
stutt hver aðra í nýjum verkefnum.
Það kom mér helst á óvart hversu
mikið maður getur komið sjálfum
sér á óvart þegar maður bregst við
áskorunum og uppskorið árangur
þegar maður leggur allt í sölurnar,
hefur stuðning og góð verkfæri í
höndunum.“
Metnaðarfull markmið
Markmið þeirra sem standa að verk-
efninu er að stækka það enn frekar,
bæði hér heima og erlendis. „Við
viljum fá fleiri stelpur til að taka þátt
og fá fleiri mentora. Þetta verkefni er
svo ótrúlega mikilvægt fyrir okkur,
jafnvel þótt jafnrétti sé komið lengra
á veg hér heima. Það er nefnilega
enn langt í land, t.d. er engin kona
forstjóri hér á landi í fyrirtæki sem
er skráð á markað. Stelpur styðja
stelpur er því kjörinn vettvangur til
þess að efla ungar konur svo dæmi
sem þessu megi breyta. Einnig er
stefnan að mynda betri alþjóðleg
tengsl með því að heimsækja önnur
lönd og kynnast þeim sem hafa
farið í gegnum verkefnið þar,“ segir
Vala Rún.
Enn í þróun
Fanney segir þær hafa nýlega heyrt
fréttir frá Allen Asiimwe, umsjónar-
manni verkefnisins í Afríku. „Hún er
sjálf frá Úganda og teyminu hennar
hefur gengið einstaklega vel að
byggja upp starfsemina í nokkrum
löndum Afríku á stuttum tíma. Ég
hef það eftir henni að markmiðið
fyrir árið 2025 sé að byggja tengsl-
anet tíu þúsund mentora og einnar
milljón þátttakenda á heimsvísu.
Verkefnið er enn í mikilli þróun
og hefur stækkað ört síðan það var
sett á fót fyrir um tveimur árum.
Markmiðið er skýrt; að halda áfram
að efla ungar konur svo að þær hafi
færni og þor til þess að ná árangri
og takast á við öll þau verkefni sem
þær taka sér fyrir hendur.“
Hægt er að kynna sér Stelpur styðja
stelpur og skrá sig til leiks fyrir
haustið á www.projectg4g.org/
iceland-application.
Fólk er kynningarblað sem býður auglýsendum
að kynna vörur og þjónustu í formi viðtala og um-
fjallana. Í blaðinu er einnig hefðbundið ritstjórnar-
efni. Blaðið fylgir Fréttablaðinu daglega.
Umsjónarmenn efnis: Sólveig Gísladóttir, solveig@frettabladid.is s. 550 5762 | Elín Albertsdóttir, elin@
frettabladid.is, s. 550 5761 | Brynhildur Björnsdóttir, brynhildur@frettabladid.is, s. 550 5765 | Starri Freyr Jónsson,
starri@frettabladid.is, s. 550 5763 | Þórdís Lilja Gunnarsdóttir, thordisg@frettabladid.is s. 550 5768
Útgefandi:
Torg ehf
Ábyrgðarmaður:
Kristín Þorsteinsdóttir
Sölumenn: Arnar Magnússon, arnarm@frettabladid.is, s. 550 5652, Atli
Bergmann, atli@frettabladid.is, s. 550 5657, Jón Ívar Vilhelmsson, jonivar@
frettabladid.is, s. 550 5654, Jóhann Waage, johannwaage@frettabladid.is,
s. 550 5656, Ruth Bergsdóttir, ruth@frettabladid.is, s. 550 5653,
Starri Freyr
Jónsson
starri@frettabladid.is
Fanney Hrafnsdóttir (t.v.) er verkefnisstjóri verkefnisins Stelpur styðja stelpur (e. Girls 4 Girls) hér á landi, og Vala Rún Magnúsdóttir er samfélagsmiðlastjóri verkefnisins. MYND/STEFÁN
Þátttakendur og mentorar í lokahófi eftir 2. umferð prógrammsins haustið 2018.
2 KYNNINGARBLAÐ FÓLK 2 8 . JA N ÚA R 2 0 1 9 M Á N U DAG U R
2
8
-0
1
-2
0
1
9

0
4
:5
7
F
B
0
5
6
s
_
P
0
4
1
K
.p
1
.p
d
f
F
B
0
5
6
s
_
P
0
4
1
K
.p
1
.p
d
f
F
B
0
5
6
s
_
P
0
1
6
K
.p
1
.p
d
f
F
B
0
5
6
s
_
P
0
1
6
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
2
2
6
-F
1
7
0
2
2
2
6
-F
0
3
4
2
2
2
6
-E
E
F
8
2
2
2
6
-E
D
B
C
2
7
5
X
4
0
0
.0
0
1
2
B

F
B
0
5
6
s
_
2
7
_
1
_
2
0
1
9
C
M
Y
K