Fréttablaðið - 06.02.2019, Síða 18

Það er mjög líklegt að höfuðstöðvar Tempo verði fluttar til Banda-ríkjanna. Þar er okkar stærsti markaður og eigendur meirihluta
félagsins eru í Los Angeles. Við
munum áfram reka öflug dóttur-
félög í Reykjavík og Montreal í
Kanada,“ segir Ágúst Einarsson,
framkvæmdastjóri Tempo, í sam-
tali við Markaðinn.
Fjárfestingafélagið Diversis Capi-
tal keypti 55 prósenta hlut í Tempo
af Origo, sem áður átti hugbúnaðar-
fyrirtækið að fullu, í nóvember fyrir
34,5 milljónir dollara, jafnvirði 4,2
milljarða króna. Eigendurnir munu
sameiginlega leggja Tempo til tvær
milljónir dollara, jafnvirði 241 millj-
ónar króna. Jafnframt hafa þeir lýst
yfir vilja til að styðja við innri og ytri
vöxt félagsins á næstu árum, eftir
því sem tækifæri gefast. Diversis
Capital tilefnir þrjá í stjórn Tempo
en Origo tvo.
„Þeir fara með meirihluta í félag-
inu og vinna mjög náið með okkur
á mörgum sviðum. Þeir horfa til
tækifæra í innri vexti – við teljum
að hann verði áfram um 30-35 pró-
sent á ári – og mögulega að yfirtaka
önnur fyrirtæki. Við fáum stuðning
til að hraða vextinum enn frekar en
verið hefur,“ segir Ágúst.
Origo leitaði að meðfjárfesti í tvö
ár og hitti Ágúst yfir 100 fjárfestinga-
sjóði staðsetta í Evrópu og Banda-
ríkjunum í því skyni. „Hugmyndin
var að sjóðurinn væri ekki of stór til
þess að við myndum fá næga athygli
og stuðning frá honum. Sjóðurinn
þurfti að vera sérhæfður á þeirri
syllu sem við störfum á og hafa sýnt
fram á góðan árangur. Síðast en ekki
síst þurfti starfsfólk okkar og þeirra
að smella saman. Þetta allt fengum
við frá Diversis Capital. Við erum
stærsta fjárfesting þeirra og þeir
eru afar áhugasamir um reksturinn,“
segir hann.
Höfuðstöðvar líklega fluttar til Ameríku
„Reksturinn á síðasta ári var alveg frábær. Hann hefur aldrei verið eins góður,“ segir Ágúst Einarsson, framkvæmdastjóri Tempo. FRÉTTABLAÐIÐ/ANTON BRINK
Helgi Vífill
Júlíusson
helgivifill@frettabladid.is
Þeir horfa til tæki-
færa í innri vexti –
við teljum að hann verði
áfram um 30-35 prósent á ári
– og mögulega að yfirtaka
önnur fyrirtæki.
Bandaríkin eru stærsti
markaður Tempo og
stærsti hluthafinn er
þaðan. Munu áfram reka
dótturfélög í Reykjavík
og Montreal í Kanada.
Starfsmönnum í Mont-
real hefur fjölgað hratt
vegna styrkingar krónu
en þar eru laun lægri.
Þar eru margir háskólar
og greiðari aðgangur að
starfskröftum.
Tíu ára saga
Ágúst segir að fyrir tíu árum hafi
fámennt teymi innan TM Software,
sem var í eigu Nýherja og sam-
einaðist síðar í Origo, smíðað ein-
faldan hugbúnað til að sinna tíma-
skráningum sem fyrst og fremst hafi
verið notaður af starfsmönnum.
„Við fórum síðar að skima eftir
tækifærum og hófum samstarf við
Atlassian. Þeirra hugbúnaður, sem
snýr að vinnu- og verkefnastjórnun,
er í skýinu. Önnur hugbúnaðarfyrir-
tæki geta þróað viðbætur, eins og
við höfum gert.
Á þeim tíma var Atlassian lítið
og ungt fyrirtæki en veltan hefur
vaxið um 40-50 prósent á hverju
ári og við höfum fylgt þeim vexti.
Tekjur Tempo hafa vaxið um 30-35
prósent á ári. Þær hafa vaxið úr engu
í að vera 22 milljónir dollara, jafn-
virði 2,6 milljarða króna, á síðasta
ári. Starfsmenn eru orðnir rúmlega
100 í þremur löndum.
Nær alla tekjurnar eða 99 prósent
koma erlendis frá en við erum með
13 þúsund viðskiptavini. Atlassian
er með með 134 þúsund viðskipta-
vini en þar af eru 65 þúsund sem
nota Jira og geta þar af leiðandi
notað okkar hugbúnað.
Á undanförnum tveimur árum
höfum við verið að undirbúa að
tengjast fleiri kerfum á borð við Jira
til að vaxa enn frekar. Það eru færri
en tíu slík kerfi sem rökrétt væri
fyrir okkur að vera í. Við endur-
skrifuðum vöruna fyrir Amazon
Web Services (AWS) og getum því
auðveldlega sótt í önnur kerfi sem
eru í skýinu.“
Keyptu lítið fyrirtæki í Montreal
Hefur Tempo áður ráðist í yfirtöku?
„Við yfirtókum lítið fyrirtæki í
Montreal í Kanada fyrir þremur
árum. Það var grunnurinn að upp-
byggingunni þar í landi. Starfsmenn
þar eru orðnir um 50.“
Til hvernig fyrirtækja er horft
varðandi yfirtöku?
„Þrjár tegundir fyrirtækja koma
til greina. Í fyrsta lagi fyrirtæki
sem myndi auka markaðshlutdeild
okkar hjá Jira. Í öðru lagi fyrirtæki
sem myndi hraða vegferð okkar við
að byggja upp viðskipti í öðru kerfi
því þá þurfum við ekki að byrja frá
grunni. Í þriðja lagi kemur til greina
að kaupa áhugaverða gervigreindar-
tækni sem eykur sjálfvirkni.“
Er engin hætta á að Atlassian hætti
að vaxa svona hratt?
„Atlassian er metið af rannsóknar-
fyrirtækjum það allra besta í þessum
geira. Um er að ræða nýja kynslóð
af hugbúnaði í skýinu sem skákar
keppinautnum. Við höfum mikla
trú á áframhaldandi vexti hjá þeim.“
Nánast hundaheppni
Var það ígrunduðuð stefnumiðuð
ákvörðun að hefja samstarf við
Atlassian eða hundaheppni?
„Það má alveg segja að þetta hafi
nánast verið hundaheppni. Fyrir tíu
árum var Atlassian lítið fyrirtæki
frá Ástralíu en okkur þótti varan
spennandi. Það hefur verið frábært
að vinna með þeim. Þeim vegnar
vel og eiga meðal annars hlut í og
eru í nánu samstarfi við Slack sem
margir þekkja.“ Slack er spjallforrit
fyrir vinnustaði og er metið á 767
milljarða króna.
Hvernig hefur rekstur Tempo
gengið samhliða miklum vexti?
„Reksturinn á síðasta ári var alveg
frábær. Hann hefur aldrei verið eins
góður. Ég vil ekki gefa upp hver
hagnaðurinn var en EBITDA, hagn-
aður fyrir fjármagnsliði, afskriftir og
skatta, sem hlutfall af tekjum var um
tíu prósent.“
Hver er lykillinn að því?
„Við höfum verið varkár þegar
kemur að vextinum og gætt þess
að ráða ekki starfsfólk nema tryggt
sé að auknar tekjur séu handan við
hornið. Auk þess hefur okkur auðn-
ast að velja réttu verkefnin sem hafa
skilað góðri afkomu.“
Krónan er sterk og laun hér á landi
eru há, hefur ekki reynst dýrt að hafa
Íslendinga á launaskrá í alþjóðlegri
samkeppni?
„Þetta var erfitt á árinu 2017 en
krónan hefur veikst að undanförnu
sem hefur bætt stöðuna. En það er
einmitt ástæðan fyrir því að starfs-
mönnum hefur fjölgað hratt í Mont-
real. Þar kostar minna að framfleyta
fjölskyldu og launin eru lægri. Því til
viðbótar eru þar margir háskólar og
því er greiður aðgangur að öflugu
starfsfólki á meðan það er harðar
barist um starfsfólk á Íslandi.“
Aðspurður segir Ágúst að í Kan-
ada fáist 25 prósent endurgreiðsla
af kostnaði við rannsóknir og
þróun án þaks en hérlendis sé hlut-
fallið 20 prósent og þak. Fyrir liggur
frumvarp um að hækka þakið í 600
milljónir úr 300 milljónum króna.
MARKAÐURINN
Korta hefur ráðið tvo stjórn-endur. Sigtryggur A. Árnason tók við sem framkvæmda-
stjóri upplýsingatækni og Andrea R.
Þorláksdóttir hefur verið ráðin sem
forstöðumaður áhættustýringar,
samkvæmt upplýsingum frá fyrir-
tækinu.
Sigtryggur hefur 20 ára reynslu úr
hugbúnaðargeiranum meðal annars
við að leiða hugbúnaðararkitektúr,
tæknilega sýn fyrirtækja og teymi
í fjölþjóðlegu umhverfi. Hann var
áður framkvæmdastjóri yfir R&D og
hugbúnaðararkitekt á heildarlausn
Novomatic Lottery Solutions (NLS)
þar sem hann leiddi innleiðingu
nýrrar tækni og betrumbætur á hug-
búnaði NLS. Áður tók hann þátt í að
leiða þróun hugbúnaðar fyrir Lands-
bankann í Lúxemborg og OZ.
Andrea hefur mikla
reynslu af greiðslumiðlun
eftir að hafa starfað hjá
Borgun í yfir 17 ár. Eftir
að hafa byrjað í þjón-
ustu við viðskipta-
vini, vann Andrea í
endurkröfudeild
áður en hún
flutti sig yfir í
að þróa ferla
fyrir erlend
netviðskipti hjá
Borgun. Síðustu átta
ár hefur hún einblínt á áhættustýr-
ingu og eftirlit með seljendum, búið
til og þróað ferla ásamt því að starfa
að innleiðingu nýrra eftirlitskerfa.
Jakob Már Ásmundsson, fyrr-
verandi forstjóri Straums fjárfest-
ingarbanka, var ráðinn
forstjóri færsluhirðingar-
fyrirtækisins í desem-
ber. Samhliða var
hlutafé fyrirtækisins
aukið um 1.050 millj-
ónir króna. For-
stjórinn lagði til
um 80 milljónir
króna. Kvika
banki er stærsti
einstaki hluthafi
félagsins með yfir
50 prósenta eignar-
hlut. – hvj
Korta ræður tvo stjórnendur
Kvika banki er stærsti
einstaki hluthafi Korta með
yfir 50 prósenta eignarhlut.
Andrea R
Þorláksdóttir.
Sigtryggur A.
Árnason.
Að meðaltali vænta greinendur þess að Icelandair Group verði rekið með 49,5 milljóna
dollara tapi, jafnvirði sex milljarða
króna, á fjórða ársfjórðungi. Það er
9,5 milljónum dollara, jafnvirði 1,1
milljarðs króna, meira tap en á sama
tíma fyrir ári. Arion banki spáir því
að tapið muni nema 51,4 milljónum
dollara en IFS og Landsbankinn eru
samstíga og reikna með 48,6 millj-
óna dollara tapi. Icelandair Group
mun birta afkomu sína á fimmtudag.
Að meðaltali er reiknað með að
tekjur fyrirtækisins aukist um 9,6
prósent á milli ára á fjórðungnum
og þær muni nema 320 milljónum
dollara.
Að meðaltali reikna greinendur
með að EBITDA, afkoma fyrir fjár-
magnsliði, afskriftir og skatta, verði
neikvæð um 23,8 milljónir doll-
ara. Til samanburðar var EBITDA
félagsins neikvæð um 16,9 milljónir
dollara á sama tíma fyrir ári. Arion
er svartsýnastur og reiknar með að
tapið á þann mælikvarða verði 23,6
milljónir dollara en Landsbankinn
er bjartsýnastur og gerir ráð fyrir
22,8 milljóna dollara tapi. IFS spáir
því að EBITDA verði neikvæð um
25,1 milljón dollara. – hvj
Greinendur spá að Icelandair
verði rekið með sex milljarða tapi
9,6%
tekjuvöxtur á milli ára er það
sem greinendur reikna með.
6 . F E B R Ú A R 2 0 1 9 M I Ð V I K U D A G U R6
0
6
-0
2
-2
0
1
9

0
4
:3
5
F
B
0
4
8
s
_
P
0
3
1
K
.p
1
.p
d
f
F
B
0
4
8
s
_
P
0
3
0
K
.p
1
.p
d
f
F
B
0
4
8
s
_
P
0
1
8
K
.p
1
.p
d
f
F
B
0
4
8
s
_
P
0
1
9
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
2
3
F
-C
C
A
4
2
2
3
F
-C
B
6
8
2
2
3
F
-C
A
2
C
2
2
3
F
-C
8
F
0
2
7
5
X
4
0
0
.0
0
1
6
B

F
B
0
4
8
s
_
5
_
2
_
2
0
1
9
C
M
Y
K