Mosfellingur - 06.04.2017, Blaðsíða 17
www.mosfellingur.is - 17
Listasalur Mosfellsbæjar hefur í mörg ár
notið þess að vera í samstarfi við List án
landamæra.
Nú er það listamaðurinn Ísak Óli sem
opnar einkasýningu hjá okkur. Hann sýnir
myndir sem hann málar upp úr Tinna
bókunum. Sýninguna kallar hann Tinni í
túninu heima.
Umkringdur 400 plastfígúrum
Ísak Óli er 28 ára gamall og var greindur
með einhverfu fjögurra ára að aldri. Hann
býr með foreldrum sínum í Reykjavík og
er þar að auki umkringdur um 400 plast-
fígúrum sem eiga sér fyrirmyndir í mynda-
sögubókum, s.s. Strumpum, Barbapabba-
fjölskyldunni, Skófólkinu, karakterum úr
Tinnabókunum o.fl.
Hann hóf snemma að teikna og síðar að
mála þessa karaktera, bæði sem heildstæð-
an og skýran heim í lífi hans, innan þess
heims sem hann og við flest upplifum.
Útskrifast úr Myndlistarskólanum í vor
Ísak Óli útskrifaðist af starfsbraut fyrir
fatlaða frá Fjölbrautaskólanum í Garða-
bæ árið 2009, þar gafst honum kostur á
að þroska list sína. Síðan hefur hann sótt
fjölda námskeiða í Myndlistarskólanum
í Reykjavík og í vor mun hann vera í hópi
fyrstu nemenda sem útskrifast af diplóma-
braut Myndlistarskólans í Reykjavík fyrir
fólk með þroskahömlun.
Ísak Óli hefur haldið fjölda sýninga i
gegnum árin, bæði einkasýningar og sam-
sýningar, og hefur m.a. verið í samstarfi
við Hugleik Dagson. Þeir sýndu saman
verk á Kjarvalstöðum árið 2014 á sýning-
unni SAMSUÐA. Ísak Óli var einnig einn af
hönnuðum markaðsefnis vegna Stoltgöng-
unnar sem gengin var í fyrsta sinn í fyrra.
Þar vann Ísak Óli í samstarfi við auglýsinga-
stofuna PIPAR/TWBA
Afkastamikill listamaður
Ísak Óli er í stöðugri þróun sem listamað-
ur og listin þroskar hann sem einstakling.
Hann er mjög afkastamikill listamaður og
er fjöldi verka hans í einkaeigu sem og í
eigu hins opinbera um land allt.
Ísak Óli vinnur mikið með endurtekn-
ingu í verkum sínum. Þannig má á vinnu-
stofu hans t.d. sjá óteljandi málverk af
strumpunum í öllum mögulegum útfærsl-
um, bræðurna Karíus og Baktus, Valla og
Múmínálfana.
Listasalur Mosfellsbæjar
Lopinn og lífið á Álafoss
Fyrra kvöldið, þriðjudaginn 28. mars, fór
Ari Eldjárn uppistandari með gamanmál
og reytti af sér brandarana svo salurinn lá
í hlátri.
Síðan fluttu Regína Ósk og Svenni Þór
frábæra tónlistardagskrá og fengu salinn
til að syngja með. Alls komu 230 gestir sem
skemmtu sér konunglega og lýstu yfir sér-
stakri ánægju með kvöldið.
Kúbukvöld á þriðjudaginn
Seinna Menningarvorskvöldið var 4.
apríl og var þá flutt dagskrá af allt öðrum
toga en fyrra kvöldið og hugurinn látinn
reika til Kúbu.
Tómas R. Einarsson mætti með tíu
manna band sem lék lög af diski hans
Bongó sem hefur fengið frábæra dóma.
Tómas R. sagði frá kúbverskri tónlist og
skáldskap og Tamila Gámez Garcell frá
sögu landsins. Einnig tóku dansararnir
Jóhannes Agnar Kristinsson og Bergþóra
Andrésdóttir þátt í dagskránni og var mikið
fjör. Þetta kvöld var einnig afar vel sótt.
Bókasafn Mosfellsbæjar
Menningarvor 2017
Í tilefni Hönnunarmars var sett upp í Listasal Mosfells-
bæjar sýning á værðarvoðum frá Ístex sem hannaðar eru
af Guðrúnu Gunnarsdóttur og Védísi Jónsdóttur. Einnig
var sýnd heimildarmyndin Álafoss Ull & ævintýri sem
framleidd var af Hjálmtý Heiðdal, Hildi Margrétardóttur
og Guðjóni Sigmundssyni. Myndin sem er 50 mínútur að
lengd var sýnd á klukkutíma fresti allan daginn.
Listasalur Mosfellsbæjar
Tinni í túninu heima
Sýningin verður opnuð kl. 14:00
laugardaginn 8. apríl og er
opin til 13. maí. Sýningin er opin á
afgreiðslutíma bókasafnsins.
mikið hlegið á
menningarvori