Mosfellingur - 06.04.2017, Blaðsíða 26

- Skógræktarfélag Mosfellsbæjar - www.skogmos.net26
FréttabréF
Skógræktarfélags
Mosfellsbæjar 30. tölublað • apríl 2017
AðAlfundur
Aðalfundur Skógræktarfélags Mosfellsbæjar 2017
verður haldinn í húsi Björgunarsveitarinnar Kyndils,
Völuteigi 23, Mosfellsbæ, mánudaginn 10. apríl kl. 20.00.
dagskrá
1. Almenn aðalfundarstörf
2. Önnur mál
3. Erindi.
Bjarni Diðrik Sigurðsson: Vatnið og skógurinn.
Þar ræðir hann um eitt mikilvægasta umhverfismál samtímans sem
eru vatnsmálin og fjallar um mikilvægi skógarins í því samhengi.
Félagsmenn eru hvattir til að mæta.
nýir félagar velkomnir.
Kaffiveitingar verða á staðnum.
Skógar félagsins
Frá stofnun félagsins hafa verið gróðursettar um 1,4
milljónir plantna. Fyrsta plöntun félagsins var kringum
Hlégarð vorið 1956. Fljótlega fékk félagið reit í Hamra-
hlíðinni.
Árið 1990 hófst hið svokallaða Landgræðsluátak en þá
fóru skógræktarfélögin að fá plöntur án endurgjalds, en
við það jókst útplöntun félagsins til muna. Gerðir voru
samningar bæði við bæjarfélagið og einkaaðila um land
til skógræktar. Síðan þá er búið að klæða mörg fellin og
myndar það hluta af hinum Græna trefli sem umlykja á
allt höfuðborgarsvæðið.
Í dag er ekki lögð eins mikil áhersla á að gróðursetja
nýskóg heldur hefur þörfin á umhirðu skógarins aukist
eftir því sem skógarnir hafa vaxið og dafnað. Mikil þörf er
á grisjun skóganna og gerð göngustíga til að hægt sé að
nota þá til útivistar.
Svæði sem félagið hefur plantað í eru: Hamrahlíð, Þor-
móðsdalur, Úlfarsfell, Lágafell, Reykjahvolshlíð, Helga-
fell að norðan, Norður Reykir, Æsustaðhlíð, Varmaland,
Háaleiti og Langihryggur.
Ár hvert er haldinn fræðslufundur í samráði við Mos-
fellsbæ, en hann hefur verið í byrjun maí. Í byrjun júní er
vinnukvöld félagsins. Árleg skógarganga er um miðjan júní.
Hægt er að fylgjast með á síðu félagsins www.skogmos.net
Til félagsmanna
og nýrra félaga
Afsláttarkort fyrir 2017-2018 eru komin
og verða afhent skuldlausum félögum á
aðalfundinum eða send heim eftir aðal-
fund. Nýir félagar geta gengið í félagið á
fundinum, en einnig í gegnum heimasíðu
félagsins www.skogmos.net eða senda
póst á skogmos@internet.is.
Þá er í gangi netfangaleikur Laufblaðs-
ins. Allir félagar í skógræktarfélögum
sem skráðir eru með netfang fara í pott í
leiknum og þann 15. maí verða svo þrír
heppnir félagar dregnir út í leiknum og fá
gjafakort að verðmæti 7.500 kr.
Um Skógræktarfélag
Mosfellsbæjar
Skógræktarfélag Mosfellssveitar síðar
Mosfellsbæjar var stofnað 20. maí 1955.
Stofnfélagar voru 88 og þrjú félagasam-
tök gerðust meðlimir: Ungmennafélagið
Afturelding, Kvenfélag Lágafellssóknar og
Skógræktarfélag kvenskáta við Hafravatn.
Fyrsti formaður félagsins var Guðjón
Hjartarson á Álafossi. Fyrst var félagið
hluti af Skógræktarfélagi Kjósarsýslu
en varð síðan sjálfstætt félag til þess að
geta átt beina aðild að Skógræktarfélagi
Íslands. Núverandi formaður er Kristín
Davíðsdóttir.
Hamrahlíð - útivistarskógur og jólatrjáasala
Hamrahlíðin er stærsti skógarreitur félagsins. Gerðir hafa verið göngustígar í hlíðinni
og sameinast þeir samgöngustígnum sem lagður var gegnum Hamrahlíðina og er mikil
samgöngubót fyrir gangandi og hjólandi vegfarendur. Mikið er um að fólk gangi sér til
skemmtunar í skóginum enda er alltaf gott veður í skóginum.
Jólatrjáasala félagsins hefur verið í Hamrahlíð frá árinu 1983 og hefur afraksturinn
verið nýttur til þess að bæta og fegra skóginn. Einnig hefur verið tekið á móti hópum
sem vilja koma og höggva sín eigin tré í Æsustaðahlíðinni. Fólk velur sér íslensk jólatré í
auknum mæli, enda er það að öllu leyti hagkvæmari og vistvænni kostur en að flytja inn
tré langa leið svo ekki sé talað um óvistvæn plasttré. Félagið vill koma á framfæri þakk-
læti til allra sem koma í skóginn og kaupa tré af Skógræktarfélagi Mosfellsbæjar.
meltúnsreitur
við teigahverfi
Meltúnsreitur - náttúrugarður í uppbyggingu
Þegar skógræktarfélagið varð 60 ára var ákveðið að gera Meltúnsreitinn að náttúrugarði
en þar hafði félagið verið með aðstöðu til uppeldis á plöntum og geymslusvæði fyrir
plöntur. Um var að ræða samstarf á milli skógræktarfélagsins og Mosfellsbæjar, en gerð
var þriggja ára áætlun þar sem svæðið var skipulagt og hófust framkvæmdir sumarið
2015. Byrjað var á því að gróðursetja skrautrunna, ásamt því að grisja gamlan víði og illa
farin tré. Flötin var sléttuð síðasta sumar og sett upp grill.
Nú í sumar er lokaáfanginn og þá verða gerðir bekkir og borð og sett upp leiktæki.
Þetta verður góð viðbót við önnur útivistarsvæði bæjarins.
unnið í meltúnsreit árið 1992
fyrsta gróðursetning í
lágafelli 19. maí árið 1990
skógi vaxið
lágafell í dag
hamrahlíð 1954
hamrahlíð 2017
Heimili ykkar geta nú fengið hraðasta internet á Íslandi
með ljósleiðara frá Hringdu. Hægt er að ganga frá pöntun
á hringdu.is eða í síma 537-7000
Aðaltún, Akurholt, Arkarholt, Álmholt, Ásholt
Þverholt, Barrholt, Bergholt, Bjartahlíð, Blikahöfði, Brattahlíð,
Brattholt, Byggðarholt, Dvergholt, Fálkahöfði, Flugumýri,
Grænamýri, Hamratún, Háholt, Hjallahlíð,Hlíðartún, Hulduhlíð,
Klapparhlíð, Lágholt, Litlikriki, Lækjartún, Markholt, Miðholt,
Melgerði, Njarðarholt, Rauðamýri, Skálahlíð,
Skeljatangi og Þrastarhöfði.
ÁRÍÐANDI
TILKYNNING
TIL ÍBÚA EFTIRFARANDI GATNA: