Mosfellingur - 08.06.2017, Blaðsíða 14

- Dreift frítt í Mosfellsbæ, Kjalarnes og Kjós14
Undirritaður hefur verið samstarfssamn-
ingur Mosfellsbæjar og Specialisterne á
Íslandi.
Markmið Specialisterne er að auka at-
vinnumöguleika einstaklinga á einhverfu-
rófi. Einhverfa getur birst í mismunandi
myndum og því er talað um einhverfuróf.
Þessir einstaklingar þurfa að takast á við
ýmsar áskoranir, t.d. færni til að taka þátt
í félagslegum samskiptum, færni í máli og
tjáskiptum og áráttuhegðun.
Margþættur ávinningur
Starf Specialisterne felst í atvinnuþjálf-
un, mati á vinnufærni og milligöngu um
útvegun atvinnu fyrir þátttakendur.
Ávinningur starfsins er margþættur og
má þar nefna bætta líðan þátttakenda og
aðstandenda þeirra. Aukna þekkingu á
styrkleikum einstaklinga á einhverfurófi
meðal atvinnurekenda ásamt þjóðfélags-
legum ávinningi sem felst í því að þeir séu
virkir á vinnumarkaði.
Byggir á danskri fyrirmynd
Starfsemi Specialisterne á Íslandi má
rekja til ársins 2010 en hún byggir á danskri
fyrirmynd. Þátttakendur í starfinu á Íslandi
hafa verið um 100, um helmingur (38) þeirra
hefur fengið vinnu eða stundar nám (10).
Flestir sem hafa tekið þátt í starfinu eru
á aldrinum 21-25 ára og þeir eru einnig
flestir þeirra sem hafa fengið atvinnu eftir
þátttöku í starfinu.
Eintaklingar á einhverfurófi takast á við ýmsar áskoranir
Markmiðið að auka
atvinnumöguleika
Haraldur Sverrisson bæjarstjóri og Bjarni Torfi Álfþórsson framkvæmdastjóri Specialisterne við undir-
ritun samstarfssamningsins. Að baki þeim standa Kristbjörg Hjaltadóttir, Vibeke Þ. Þorbjörnsdóttir og
Unnur V. Ingólfsdóttir starfsmenn fjölskyldusviðs og Theódór Kristjánsson formaður fjölskyldunefndar.
Helgina 28.-30. mars fór fram Hrollur – æv-
intýraleg útivistaráskorun dróttskáta, skáta
á aldrinum 13-15 ára.
Hvað er Hrollur? - Það er útivistarkeppni
sem er haldin við skátaskálann Hleiðru á
Hafravatni og á svæðinu þar í kring. Mark-
miðið er að þátttakendurnir safni stigum
yfir helgina með því að keppa í hinum
ýmsu þrautum og að keppni lokinni eru
sigurliðin verðlaunuð með glæsilegum
vinningum.
Að þessu sinni voru það 25 hressir þátt-
takendur sem mættu í roki og rigningu og
gistu í tjöldum yfir helgina.
16 skátar lifðu af
Á laugardagsmorguninn lagði fyrsta lið
út í snjóinn og rokið klukkan 07:30 til að
leysa pósta og lenda í ævintýrum. Hin liðin
fylgdu síðan fljótt á eftir. Orðarugl, slúð-
urgerð, fjallgöngur, súrringar úr spagettí,
prjón án prjóna, bootcamp og #TanSelfie
var á meðal þrautanna sem liðin þurftu að
leysa á leiðinni til að safna stigum.
Þegar krakkarnir mættu aftur upp í skála
að göngu lokinni klukkan 17:00 kom í ljós
að aðeins 16 skátar höfðu „lifað af“ laug-
ardaginn. Það voru nefnilega 9 skátar sem
„dóu“ á leiðinni. Ekki örvænta, að „deyja“
á Hrolli þýðir einfaldlega að gefast upp og
fara heim... Það voru því aðeins fimm lið
(í stað níu í byrjun keppninnar) sem fengu
hamborgaraveislu að göngu lokinni og tóku
þátt í sleikjukeppninni um kvöldið.
Hvað ætli það sé? Í sleikjukeppninni fá
liðin fimm mínútur til að sleikja upp for-
ingjana og láta þeim líða sem best. Því betri
sem sleikjan er, því fleiri stig.
Herra Hrollur í Garðabæ
Þegar búið var að ganga frá öllu á sunnu-
dagsmorgninum var komið að óvæntu
sunnudagskeppninni. Þar kepptust liðin
um að vera fyrst til þess að leysa hinar ýmsu
þrautir og fá sem flest stig.
Í ár þurftu krakkarnir að elda súpu á
prímus, róa á kajökum á Hafravatni og
súrra þrífót – allan tímann klædd í björg-
unarvesti.
Að lokum var komið að verðlauna-
afhendingunni. Í fyrsta sinn í sögu Hrolls
fór Herra Hrollur, farandsverðlaunagripur-
inn, ekki heim í Mosfellsbæinn heldur til
liðsins Penguinsquad úr Víflum í Garðabæ.
Mosverjaliðið Mammaþín lenti í 2. sæti og
TF-stuð úr Kópum lentu í 3. sæti.
Dróttskátar héldu Hroll fyrir krakka á aldrinum 13-15 ára
Ævintýraleg útivistar­
áskorun við Hafravatn
Búið að safna stigum
í hinum ýmsu þrautum
skátarnir klárir í Bátana
Krikaskóli tekur þátt í Erasmus+ verkefni
með skólum frá Wales, Svíþjóð og Finn-
landi.
Í maí fékk skólinn heimsókn 13 kennara
frá þessum löndum sem dvöldu á Íslandi
í viku. Markmið verkefnisins er að miðla
þekkingu milli kennara og kynna hvert fyrir
öðru það sem vel er gert í hverjum skóla.
Gestirnir fengu að kynnast teymisvinnu,
útikennslu og stærðfræði með ungum
börnum í Krikaskóla. Þetta er einstakur
hópur kennara í yngri barna kennslu sem
hefur það að markmiði að efla sérfræði-
þekkingu sína.
Heimsóknin tókst sérstaklega vel og
gestirnir höfðu á orði að Krikaskóli væri
einstaklega glaðvær skóli (happy school),
bæði börn og starfsmenn.
Starfsfólk Krikaskóla hafði áður heimsótt
Finnland fyrr í vetur og fékk þar kynningu á
þemavinnu með leikrænni tjáningu. Næsti
viðkomustaður er Svíþjóð þar sem unnið
verður með stærðfræði og tæknimennt.
Myndin er tekin í Krikaskóla er hluti
starfsmanna eldaði íslenskan kvöldverð
fyrir hópinn.
Tóku á móti kennurum frá Wales, Svíþjóð og Finnlandi
Krikaskóli tekur þátt
í Erasmus+ verkefni